[᭓᭔ 34B]
᭓᭔
ᬧ᭞ᬯᬵᬓ᭄ᬢᬸᬢ᭄ᬮᬸᬳᬗ᭄ᬭᬫᬵᬢᬶᬦ᭄᭞ᬓᬶᬦᬹᬃᬲᬵᬤ᭄ᬥᬵᬤᬺᬩᬾᬯᬥᬄᬫᬓᬜ᭄ᬘᬶᬗᬦ᭄᭟ᬢ᭄ᬕᭂᬲ᭄ᬯᬓ᭄ᬢᬸᬢᭂᬮᬸᬳᬶᬓᬵ᭞ᬢᬦ᭄ᬢᬶᬗ᭄ᬕᬮ᭄ᬭᬳ᭄ᬫᬵᬢ᭄ᬳ᭄ᬬᬂᬯᬶᬤ᭄ᬥᬷ᭞ᬦᭀᬭᬭᬳ᭄ᬫᬵᬢ᭄ᬢᬸᬃᬧᬳᬶᬮᬦ᭄᭞ᬓᬂᬳᬤᬺᬩᬾᬯ
ᬥᬄᬬᬓ᭄ᬢᬶ᭞ᬢᬸᬃᬧ᭄ᬭᬳᬶᬫᬦᬾᬩᬢᬶᬦ᭄᭞ᬢ᭄ᬕᭂᬲ᭄ᬯᬓ᭄ᬢᬸᬢ᭄ᬮᬸᬳᬶᬓᬸ᭞ᬩᬜᬸᬕ᭄ᬦᬶᬲᬫ᭄ᬩᬤᬵ᭞ᬢᬦᬦᬋᬓᬾᬩᬶᬮᬳᬶ᭞ᬳᬲᬸᬂᬢᬶᬓᬲ᭄ᬯᬓ᭄ᬢᬸᬢ᭄ᬮᬸᬤᬾᬦᬶᬗᬮᬄ᭟ᬳᬶᬫᬗ᭄ᬓᬾᬳᬗᬸᬘᬧᬦ᭞ᬓᬶᬦᬹᬃᬘᬵ
ᬬᬓᬓᬢᭀᬦᬶᬦ᭄᭞ᬢᭂᬫ᭄ᬧᬸᬄᬧᬢᬶᬮᬦ᭄ᬧᬸᬦᬶᬓᬵ᭞ᬓᬓᬶᬭᬗᬦ᭄ᬪᬹᬫᬶᬦᬾᬓᬶ᭞ᬯᬸᬲ᭄ᬭᬶᬦᬲᬳᬾᬗ᭄ᬳᬢᬶ᭞ᬲᬶᬭᬓᬶᬦᬹᬃᬘᬵᬬᬳᬶᬓᬸ᭞ᬫᭀᬚᬃᬋᬓᬾᬢᬲᬶᬭ᭞ᬫᬭᬶᬳᬭᬶ
ᬦᬶᬭᬳᬶᬓᬶ᭞ᬳᬤᭀᬳᬭᬶᬓᬶᬦᬹᬃᬲᬤ᭄ᬥᬵᬳᬸᬭᬶᬧᬶᬗ᭄ᬯᬂ᭟ᬯᬓ᭄ᬢᬸᬮᬶᬫᬦᭀᬭᬭᬳ᭄ᬫᬵᬢ᭄᭞ᬢᬦᬵᬪᬓ᭄ᬢᬶᬭᬶᬂᬳ᭄ᬬᬂᬯᬶᬤ᭄ᬥᬶ᭞ᬫᬗ᭄ᬓᬾᬲᬸᬦ᭄ᬗ᭄ᬯᬗᭂᬦ᭄ᬫᬗ᭄ᬓᬾ᭞ᬳᬶᬂᬲᬢ᭄ᬗᬳᬶᬂᬚᬵ
[᭓᭕ 35A]
ᬮᬤ᭄ᬭᬶ᭞ᬢᬫ᭄ᬩᬕᬵᬧᬧᬦᬾᬓᬶ᭞ᬯᬓ᭄ᬢᬸᬮᬶᬫᬵᬳᬬ᭄ᬯᬵᬗ᭄ᬕᬸᬕᬸ᭞ᬲᬓᬶᬘᭀᬩᬧᬗᬾᬭᬦ᭄᭞ᬓᬶᬦᬹᬃᬘᬬᬵᬋᬓᬾᬗᬸᬦᬶ᭞ᬯᬸᬲ᭄ᬩᬶᬦᬸᬯᬂᬯᬓ᭄ᬢᬸᬮᬶᬫᬵᬮᬦ᭄ᬢᬫ᭄ᬩᬕᬵ᭟ᬳᬸᬫ᭄ᬩᬸᬮᬸᬫ᭄ᬩᬸᬮ᭄ᬳᬶᬂᬲ
ᬕᬭᬵ᭞ᬤᬤᬶᬓᬲᬫ᭄ᬧᭂᬳᬶᬂᬧᬶᬗ᭄ᬕᬶᬭ᭄᭞ᬳᬦᬯᭀᬂᬓᬧᭂᬦ᭄ᬤᬓ᭄ᬳᬶᬓᬵ᭞ᬳᬶᬂᬧᬶᬗ᭄ᬕᬶᬃᬲᬕᬭᬳᬶᬓᬶ᭞ᬯᬓ᭄ᬢᬸᬮᬶᬫᬳᬶᬗᬹᬦᬶ᭞ᬳᬧᬧᬦ᭄ᬢᬫ᭄ᬩᬕᬳᬶᬓᬸ᭞ᬳᭀᬮᬶᬄᬓᬶᬦᬤᬸᬢ᭄ᬳᬶᬓᬵ᭞ᬳᬸᬮᬶᬳᬶᬂᬯᭀᬂ
ᬫ᭄ᬮᬬᬸᬗᬹᬦᬶ᭞ᬧᬦ᭄ᬓᬮᬶᬦ᭄ᬢᬂᬯᭀᬂᬫ᭄ᬮᬬᬸᬋᬡᬵᬳᬶᬂᬫᬦᬄ᭟ᬳᬫ᭄ᬩᬓ᭄ᬢᬫᬭᬶᬂᬦᬵᬕᬭ᭞ᬤᬸᬄᬲᭀᬦ᭄ᬢᬭᬦᬫᬦᬶᬓᬶ᭞ᬲᬓᬾᬯᭀᬂᬤᬸᬲᭀᬦ᭄ᬢᬭ᭞ᬧᬺᬲᬫᬵᬋᬡᬳᬶᬂᬗ᭄ᬳᬢᬶ᭞ᬮᬦᬂᬯᬤᭀ
ᬳᬶᬗᬹᬦᬶ᭞ᬳᬕᬸᬂᬳᬮᬶᬢ᭄ᬲᬫᬶᬦᬸᬭᬸᬢ᭄᭞ᬳᬶᬂᬯᬵᬓ᭄ᬢᬸᬮᬶᬫᬵᬳᬶᬓᬵ᭞ᬲᬫ᭄ᬪᬓᬵᬃᬱᬦ᭄ᬤᬸᬫᬵᬥᬶ᭞ᬧᬦ᭄ᬯᬸᬲ᭄ᬳᬦᬓᬂᬤᬸᬓᬸᬦᬶᬭᬳ᭄ᬬᬂᬲᬹᬓ᭄ᬱ᭄ᬫᬵ᭟ᬦᭂᬗᬓ᭄ᬦᬢᬵᬧᬸᬦᬶᬓᬵ᭞ᬓᭀᬘᬧ᭄ᬓᬶ
Kaca:Bali-lontar-gaguritan-nurcaya-nursada-350ppi.pdf/35
Kaca puniki sampun kauji-wacén
