[᭒᭙ 29B]
᭒᭙
ᬓᬶᬦᬵᬃᬬ᭄ᬬᬦᬤᬲ᭄ᬢᬃ᭟ᬧᬵᬦ᭄ᬲᬓᬶᬂᬦᬹᬕ᭄ᬭᬳᬦᬶᬂᬳ᭄ᬬᬂ᭞ᬚᬵᬩ᭄ᬭᬅ᭄ᬳᬶᬮ᭄ᬦᬸᬮ᭄ᬬᬳᬕ᭄ᬮᬶᬲ᭄᭞ᬅᬗᬫ᭄ᬩᬶᬮ᭄ᬭᭀᬦᬶᬂᬓᬵᬲ᭄ᬢᬸᬩᬵ᭞ᬳᬢᬸᬭᬫᬭᬶᬂᬳ᭄ᬬᬂᬯᬶᬥᬷ᭞ᬳᬦ᭄ᬤᬶᬓᬵᬦᬾᬳ᭄ᬬᬂᬯᬶᬥᬷ᭞
ᬮᬄᬕᬯᬾᬦᭂᬦ᭄ᬳᬕ᭄ᬮᬶᬲ᭄ᬳᬶᬓᬸ᭞ᬫᬭᬶᬂᬓᬓᬵᬲᬶᬳᬶᬗ᭄ᬯᬵᬂ᭞ᬚᬵᬩ᭄ᬭᬅ᭄ᬳᬶᬮ᭄ᬳᬫᬶᬢ᭄ᬫᬵᬗ᭄ᬓ᭄ᬬᬵᬕ᭄ᬮᬶᬲ᭄᭞ᬧᬦ᭄ᬯᬸᬲ᭄ᬧ᭄ᬭᬧ᭄ᬢᬵᬳᬶᬗᬬᬸᬦᬵᬪᬶᬫᬸᬳᬫᬤ᭄᭟ᬲᬵᬫ᭄ᬧᬸᬦ᭄ᬳᬶᬗᬢᬸᬭᬶᬂᬲᬮᬫ᭄᭞
ᬳᬾᬄᬦᬪᬶᬦᬶᬂᬳ᭄ᬬᬂᬓᬓᬵᬲᬶᬄ᭞ᬧᬸᬦᬶᬓᬶᬭᭀᬦᬶᬂᬓᬲ᭄ᬢᬸᬪᬵ᭞ᬢᬸᬯ᭄ᬯᬦ᭄ᬳᬗ᭄ᬕᬾᬬᬢᬸᬫᬸᬮᬶ᭞ᬬᬦ᭄ᬲᬵᬫ᭄ᬧᬸᬦ᭄ᬢ᭄ᬯᬦ᭄ᬳᬓᬸᬭᬶᬲ᭄᭞ᬓᬵᬃᬬ᭄ᬬᬦᭂᬦ᭄ᬤᬢᬃᬧᬸᬦᬶᬓᬸ᭞ᬓᬶᬦᬾᬦ᭄ᬤᬾᬭᬳ᭄ᬬᬂ
ᬲᬹᬓ᭄ᬱ᭄ᬫᬵ᭞ᬧᬗᬗ᭄ᬕᬾᬲᬓᬶᬂᬰ᭄ᬯᬃᬕ᭄ᬕᬵᬥᬶ᭞ᬦᬹᬕ᭄ᬭᬳᬦᬶᬂᬳ᭄ᬬᬂᬳᬶᬂᬫᬗ᭄ᬓᬾᬫᬭᬳᬶᬂᬢ᭄ᬯᬦ᭄᭟ᬮᬶᬗᬶᬭᬦᬵᬪᬷᬫᬸᬳᬵᬫᬤ᭄᭞ᬫᬭᬶᬂᬲᬶᬭᬵᬚᬩ᭄ᬭᬅ᭄ᬳᬶᬮ᭄᭞ᬲᬧᬵᬓᬂᬳᬫᬭᬲ᭄ᬳᬫᬵ
[᭓᭐ 30A]
᭞ᬚᬵᬩ᭄ᬭᬅ᭄ᬳᬶᬮ᭄ᬳᬸᬫᬢᬸᬃᬳᬭᬶᬲ᭄᭞ᬲᬓᬶᬂᬧᬓᭀᬦ᭄ᬳ᭄ᬬᬂᬯᬶᬤ᭄ᬥᬷ᭞ᬆᬫ᭄ᬩᬵᬓᬂᬓᬶᬦᬾᬦ᭄ᬳᬜᬸᬓᬸᬃ᭞ᬥᬢᭂᬂᬓᬧᬥᬢ᭄ᬯᬦ᭄᭞ᬤᬾᬦᬶᬭᬳ᭄ᬬᬂᬫᬅ᭄ᬳᬢᬶᬗ᭄ᬕᬶ᭞ᬤᬤ᭄ᬬᬳᬕ᭄ᬮᬶᬲ᭄ᬦᬵᬪᬶᬫᬹᬳᬫᬤ᭄ᬧᬶᬦᬭᬲ᭄
᭟ᬢᬢ᭄ᬓᬵᬮᬦᬶᬭᬧᬶᬦᬭᬲ᭄᭞ᬦᬵᬪᬶᬤᬾᬦᬶᬂᬚᬩ᭄ᬭᬅ᭄ᬳᬶᬮ᭄᭞ᬤᬯᭂᬕ᭄ᬲᬗᬂᬯ᭄ᬮᬲ᭄ᬤᬶᬦᬵ᭞ᬳᬶᬂᬰᬰᬶᬄᬭᬫ᭄ᬮᬦ᭄ᬲᬶᬗ᭄ᬕᬶᬄ᭞ᬳᬶᬂᬲ᭄ᬦᬾᬦ᭄ᬤᬶᬦᬦᬾᬓᬶ᭞ᬢᬸᬫᬹᬮ᭄ᬬᬵᬲᭂᬫ᭄ᬩᬳ᭄ᬬᬂᬳᬶᬓᬸ᭞ᬭᭀᬂᬋᬓ
ᬅ᭄ᬳᬢ᭄ᬳᬲᬮᬫ᭄᭞ᬧᬺᬢᬶᬗ᭄ᬓᬄᬦᬵᬪᬷᬳᬓᬸᬭᬶᬲ᭄᭞ᬓᬧ᭄ᬦᭂᬤᬦ᭄ᬲᬤᬬᬲᬫᬶᬢᬸᬫᬶᬗ᭄ᬳᬮ᭄᭟ᬭᬾᬫᬲᬫᬶᬢᬶᬦᬫ᭄ᬧᬦᬦ᭄᭞ᬲᬍᬫ᭄ᬩᬃᬢᬦ᭄ᬢᬶᬩᬾᬂᬲᬶᬣᬶ᭞ᬦᬵᬪᬶᬫᬗ᭄ᬓᬾᬳᬗᬦ᭄ᬤᬶ
ᬓᬵ᭞ᬫᬭᬶᬂᬚᬵᬩ᭄ᬭᬅ᭄ᬳᬶᬮᬶᬦᬾᬓᬶ᭞ᬅᬧᬵᬓ᭄ᬭᬦᬦᬾᬳᬶᬓᬶ᭞ᬤᬾᬦᬾᬭᬾᬫᬦᬶᬗ᭄ᬲᬸᬦ᭄ᬳᬶᬓᬸ᭞ᬦᭀᬭᬦᬢᬶᬩᬾᬂᬮ᭄ᬫᬄ᭞ᬚᬵᬩ᭄ᬭᬅ᭄ᬳᬶᬮ᭄ᬳᬸᬫᬢᬸᬃᬳᬭᬶᬲ᭄᭞ᬳ᭄ᬬᬫᬸᬳᬫᬤ᭄
Kaca:Bali-lontar-gaguritan-nurcaya-nursada-350ppi.pdf/30
Kaca puniki sampun kauji-wacén
