[᭒᭔ 24B]
᭒᭔
ᬭᬳᬶᬂᬓᬓᬸᬂ᭞ᬮᬳᬶᬂᬧᬹᬦ᭄ᬥᬶᬧᬺᬦᬄᬦ᭄ᬬ᭞ᬤᬾᬰᬓᬂᬳᬮᬶᬢ᭄ᬧ᭄ᬭᬵᬚᬸᬭᬶᬢ᭄᭞ᬆᬫ᭄ᬩᬳᬬᬸᬦ᭄ᬯᬶᬓᬦᬧᬺᬦᬳᬾᬂᬤᬾᬰ᭟ᬪᬵᬕᬶᬡ᭄ᬥᬮᬶᬳᬲ᭄ᬫᬸᬕᬸᬬ᭄ᬯᬵ᭞ᬅᬯᬺᬢ᭄ᬢᬫᬭᬳᬶᬂᬭᬩᬶ
᭞ᬮᬄᬫᬗ᭄ᬓᬾᬧᬺᬦᬳᬶᬂᬤᬾᬰ᭞ᬫᬗ᭄ᬓᬾᬲᬸᬦᬢᬸᬤᬸᬄᬚᬢᬶ᭞ᬳᬶᬗ᭄ᬓᬾᬦᬾᬧᬺᬦᬄᬦᬾᬓᬶ᭞ᬫᬾᬲᭂᬫ᭄ᬢᬲᬵᬃᬯ᭄ᬬᬵᬳᬗ᭄ᬭᬗ᭄ᬓᬸᬮ᭄᭞ᬯᬸᬯᬸᬲ᭄ᬮ᭄ᬯᬶᬃᬕᬸᬮᬵᬤ᭄ᬭᬯᬵ᭞ᬦᬶᬢ᭄ᬬᬲᬳᬵᬗᬭᬶᬳ
ᬭᬶᬄ᭞ᬥᬹᬄᬫᬲ᭄ᬫᬶᬭᬄᬢᬫ᭄ᬩᬸᬄᬢᬳᬶᬗ᭄ᬲᬸᬦ᭄ᬧᬗᬾᬭᬦ᭄᭟ᬧᬢᬶᬫᬄᬢᬸᬮ᭄ᬬᬳᬗᭂᬫ᭄ᬩᬦ᭄᭞ᬩᬶᬦᬓ᭄ᬢᬵᬫᬸᬗ᭄ᬕᬳᬕᬸᬮᬶᬂ᭞ᬧᬢᬶᬫᬄᬳᬗᬬᬗᬬᬂ᭞ᬅᬰ᭄ᬭᬸᬳᬾᬯᬵᬳᬶᬂᬢ᭄ᬯᬲ᭄ᬦᬾᬓᬶ
᭞ᬳᬾᬘ᭄ᬙᬵᬤᬾᬦ᭄ᬬᬵᬓᬭᬰ᭄ᬫᬶᬦ᭄᭞ᬳᬓᬭᭀᬦ᭄ᬚᬶᬯ᭄ᬯᬵᬲᬮᬸᬮᬹᬢ᭄᭞ᬭᬶᬲᬵᬫ᭄ᬧᬸᬦ᭄ᬬᬫᬗ᭄ᬓᬦ᭞ᬧᬢᬶᬫᬄᬫᬹᬃᬘ᭄ᬙᬵᬓᬧᬢᬶ᭞ᬳᬶᬬᬳᬶᬓᬸᬧ᭄ᬭᬢᬶᬗ᭄ᬓᬳᬶᬂᬲ᭄ᬢ᭄ᬭᬶᬧᬢᬶᬫᬄ᭟
[᭒᭕ 25A]
ᬢ᭄ᬕᭂᬲᬶᬂᬳᬶᬲ᭄ᬢ᭄ᬭᬶᬧᬢᬶᬫᬄ᭞ᬓ᭄ᬦᬵᬧᬶᬂᬲᬧ᭄ᬢᬵᬲᬯ᭄ᬗᬶ᭞ᬧ᭄ᬭᬤᬾᬦᬾᬫᬓ᭄ᬱᬶᬄᬧᬭᬯᬵᬦ᭄᭞ᬳᬶᬓᬸᬜᬢᬳᬶᬂᬧᬢᬶᬢᬶᬲ᭄᭞ᬧᬯᬶᬲ᭄ᬢ᭄ᬭᬶᬤᬸᬭᬸᬂᬚᬢᬶ᭞ᬢᬦ᭄ᬲᬵᬫ᭄ᬧᬹᬃᬡ᭄ᬦᬚ᭄ᬦᭂᬗᬶᬧᬸᬦ᭄᭞ᬮᬮᬗ᭄ᬲᬾᬢᬸᬡ᭄ᬥ
ᬲᬗ᭄ᬳᬵ᭞ᬇᬓᬸᬲᬵᬚᬢᬶᬦᬶᬂᬳᬶᬲ᭄ᬢ᭄ᬭᬶ᭞ᬬᬦ᭄ᬧᬯᬾᬲ᭄ᬢ᭄ᬭᬶᬯ᭄ᬭᬸᬄᬭᬶᬂᬤᭀᬦᬾᬳᬶᬓᬵ᭟ᬪᬕᬶᬡ᭄ᬥᬮᬶᬮᬦ᭄ᬧᬢᬶᬫᬄ᭞ᬧᬸᬦ᭄ᬤᬶᬧᬲ᭄ᬢᬶᬦᬾᬓᬂᬳᬶᬲ᭄ᬢ᭄ᬭᬷ᭞ᬫ᭄ᬯᬄᬲᬶᬭᬋᬓᬾᬓᬂᬮᬦᬂ᭞ᬳᬬ᭄ᬯᬓᬮᬶ
ᬭᬹᬳᬶᬂᬮᬶᬭᬶᬂ᭞ᬉᬚᬭᬶᬂᬚᬦ᭄ᬫᬵᬧᬱ᭄ᬝᬶ᭞ᬧᬢᬶᬫᬄᬓᬂᬳᬶᬲ᭄ᬢ᭄ᬭᬶᬳᬶᬓᬸ᭞ᬪᬤᬶᬡ᭄ᬥᬮᬶᬓᬂᬮᬦᬂ᭞ᬳᬶᬓᬸᬳᬸᬚᬭᬾᬲᬯ᭄ᬬᬓ᭄ᬢᬶ᭞ᬬᬦ᭄ᬢᬦ᭄ᬫᬗ᭄ᬓᬦᬓᬸᬫᬹᬃᬚ᭄ᬦᭂᬗᬾᬳᬶᬓᬵ᭟ᬪᬕᬶᬡ᭄ᬥᬮᬶᬮᬦ᭄ᬧ
ᬢᬶᬫᬄ᭞ᬳᭂᬦ᭄ᬤᬶᬧᬱ᭄ᬝᬶᬦᬾᬓᬂᬳᬶᬲ᭄ᬢ᭄ᬭᬷ᭞ᬫ᭄ᬯᬄᬳᭂᬦ᭄ᬤᬶᬋᬓᬾᬓᬂᬮᬦᬂ᭞ᬇᬓᬸᬢᬓᭀᬦᬤᬾᬦ᭄ᬚᬢᬶ᭞ᬳᬶᬓᬸᬧᬜ᭄ᬚᭂᬦᭂᬗᬸᬭᬶᬧ᭄᭞ᬅᬬ᭄ᬯᬲᬶᬭᬓᬢᬸᬗ᭄ᬓᬸᬮ᭄᭞ᬳᬶᬓᬸᬧᬕᬸᬭᭀ
Kaca:Bali-lontar-gaguritan-nurcaya-nursada-350ppi.pdf/25
Kaca puniki sampun kauji-wacén
