[᭒᭑ 21B]
᭒᭑
ᬦ᭄ᬧᬢᬾᬦᬶ᭞ᬬᬦ᭄ᬢᬦᬵᬦᬧᬹᬃᬡ᭄ᬦᬵᬓ᭄ᬦ᭞ᬓᬂᬮᬗᬶᬢ᭄ᬫᬭᬳᬶᬂᬪᬹᬫᬶ᭞ᬅᬲᬶᬦᬗ᭄ᬳᬶᬚ᭄ᬭᭀᬫᬵᬲ᭄ᬚᬶᬤ᭄᭞ᬮᬚᬭᬢᬾᬯᭀᬂᬧᬸᬦᬶᬓᬸ᭞ᬓᬾᬯᬮᬾᬗ᭄ᬲᬸᬦ᭄ᬯᬃᬢ᭄ᬢᬳᬵ᭞ᬋᬓᬾᬳᬦ᭄ᬤᬶᬓᬦᬶᬂᬦ
ᬪᬶ᭞ᬳᬸᬚᬃᬓᬵᬲᬚᬢᬶᬦᬾᬯᭀᬂᬢᬦ᭄ᬯᬶᬓᬦ᭄᭟ᬮ᭄ᬯᬶᬃᬓᭀᬓᬶᬮᬵᬳᬯᬓᬶᬗ᭄ᬯᬂ᭞ᬳᬢᬸᬢᬹᬃᬧᬺᬦᬄᬲᬚᬢᬶ᭞ᬮᬦ᭄ᬧᬸᬦᬶᬓᬵᬓᬯ᭄ᬭᬸᬳᬦ᭞ᬘᬭᬶᬢᬦᬶᬂᬪᬕᬶᬡ᭄ᬥᬮᬶ᭞ᬢᬢ᭄ᬓᬮᬦᬶ
ᬓᬂᬭᬳᬶ᭞ᬳᬢᬓᬾᬦ᭄ᬫᬭᬳᬶᬂᬓᬓᬹᬂ᭞ᬧᬢᬶᬫᬄᬫᬗ᭄ᬓᬾᬫᭀᬚᬃ᭞ᬮᬄᬢᬫᬗ᭄ᬓᬾᬓᬓᬗ᭄ᬳᬮᬶ᭞ᬳᬫ᭄ᬩᬵᬢᬓᬾᬦ᭄ᬤᬸᬫᬢᭂᬂᬳᬦ᭄ᬤᬶᬓᬵᬢᬸᬯ᭄ᬯᬦ᭄᭟ᬳᬦᬧᬶᬭᬤᬾᬰᬵᬓᬮᬄ᭞ᬳᬸᬮᬶᬳ
ᬦ᭄ᬤᬶᬓᬵᬭᬶᬗᬹᬦᬶ᭞ᬳᬫ᭄ᬩᬵᬳ᭄ᬬᬸᬦ᭄ᬯᬶᬓᬦ᭄ᬲᬤᬵᬬ᭞ᬪᬕᬶᬡ᭄ᬥᬮᬷᬫᭀᬚᬭᬭᬶᬲ᭄᭞ᬅᬓ᭄ᬯᬾᬄᬤᬾᬰᬦᬵᬕᬭᬶ᭞ᬳᬦᬹᬗ᭄ᬓᬸᬮ᭄ᬫᬭᬳᬶᬭᬶᬗ᭄ᬲᬸᬦ᭄᭞ᬅᬧᬶᬮᬶᬄᬢᬸᬫᬦ᭄ᬤᬶᬗᬵ᭞ᬤᬸᬫᬢᭂᬂᬚ᭄ᬦᭂᬂᬲᬸ
[᭒᭒ 22A]
ᬦᬶᬓᬶ᭞ᬲᬶᬂᬦᬵᬕᬭᬯᬸᬲ᭄ᬓᬮᬄᬤᬾᬦᬶᬗ᭄ᬲᬸᬦ᭄ᬳᬶᬓᬵ᭟ᬧᬢᬶᬫᬄᬫᬾᬲᭂᬫᬗᬸᬘᬧ᭄᭞ᬮᬄᬢᬫᬗ᭄ᬓᬾᬓᬓᬗ᭄ᬳᬮᬶ᭞ᬓᬭᬡᬵᬗ᭄ᬭᬗᬸᬘᬧ᭄ᬫᬗ᭄ᬓᭀ᭞ᬤᬾᬦᬾᬳᬦᬤᬾᬰᬫᬮᬶᬄ᭞ᬤᬾ
ᬰᬳᬮᬶᬢ᭄ᬧ᭄ᬭᬚᬸᬭᬶᬢ᭄᭞ᬧᬸᬦᬶᬓᬵᬤᬾᬭᬾᬂᬳᬦᬸᬗ᭄ᬓᬸᬮ᭄᭞ᬮᬶᬯᬤᬾᬦ᭄ᬬᬧ᭄ᬭᬓᭀᬱ᭞ᬧᬸᬗ᭄ᬕᬯᬵᬲᬫ᭄ᬬᬧᬺᬚᬸᬭᬶᬢ᭄᭞ᬧᬹᬮᭀᬳᬶᬓᬵᬳᬲᬶᬗᬶᬢ᭄ᬧᬺᬦᬳᬾᬳᬶᬓᬵ᭟ᬳᬶᬗᬧᬶᬢᬶᬂ
ᬓᬭᬂᬧ᭄ᬭᬶᬗ᭄ᬕᬵ᭞ᬯᬢᬸᬭᬾᬚᬾᬂᬓᬦᬦ᭄ᬓᬾᬭᬶ᭞ᬲᬶᬗ᭄ᬳᬵᬩᬭᭀᬂᬮᬯᬦ᭄ᬫᬘᬦ᭄᭞ᬫᬸᬯᬄᬳᬶᬓᬂᬲᬃᬯ᭄ᬯᬫᬦ᭄ᬤᬶ᭞ᬅᬗ᭄ᬭᬓ᭄ᬱᬳᬶᬂᬦᬵᬕᬭᬶ᭞ᬧᬧᬢᬶᬄᬭᭀᬭᭀᬲᬫ᭄ᬬᬵᬕᬸᬂ᭞ᬯᬃᬡ᭄ᬦᬦᬶᬭᬮ᭄ᬯᬶᬃ
ᬓᭂᬫ᭄ᬩᬃ᭞ᬯᬦᬶᬬᬾᬦᬫᬧᬕ᭄ᬚᬸᬭᬶᬢ᭄᭞ᬧᬋᬂᬫᬭᬵᬢᬦ᭄ᬤᬗᬾᬮ᭄ᬯᬶᬃᬲᬶᬗ᭄ᬳᬵᬭᭀᬤ᭄ᬭᬵ᭟ᬓᬤᬶᬓᬂᬳ᭄ᬭᬸᬭᬶᬦᬓᬶᬢᬦ᭄᭞ᬧᬤᬵᬲ᭄ᬭᬶᬂᬫᬸᬲᬸᬄᬓᬂᬧ᭄ᬭᬧ᭄ᬢᬶ᭞ᬳᬓᬾᬄᬭᬵᬢᬸᬮᬸᬫᬸᬭᬸᬕ᭞ᬧ᭄ᬭ
Kaca:Bali-lontar-gaguritan-nurcaya-nursada-350ppi.pdf/22
Kaca puniki sampun kauji-wacén
