[᭑᭖ 16B]
᭑᭖
᭚ᬲᬶᬦᭀᬫ᭄᭟ᬧᬲᬂᬢᬩᬾᬢᬾᬗ᭄ᬲᬸᬦ᭄ᬢᬸᬯ᭄ᬯᬦ᭄᭞ᬦ᭄ᬤᬦᬶᬗ᭄ᬲᬸᬦ᭄ᬳᬢᬸᬃᬯᬺᬢ᭄ᬢᬾᬓᬶ᭞ᬯᬺᬢ᭄ᬢᬦᬶᬭᬳᬶᬓᬂᬳᬸᬰ᭄ᬫᬵᬦ᭄᭞ᬳᬶᬂᬲᭂᬫ᭄ᬩᬳ᭄ᬬᬗᬶᬭᬓᬓᬶ᭞ᬤᬾᬦ᭄ᬬᬢᬢᬲ᭄ᬓᬯ᭄ᬭᬸᬳᬶ᭞ᬳᬶᬂᬲᬚ
ᬩᬵᬦᬾᬧᬸᬦᬶᬓᬸ᭞ᬓᬂᬲᬸᬦᬵᬢ᭄ᬧᭂᬃᬮᬸᬢᬶᬓᬵ᭞ᬤᬾᬦ᭄ᬬᬓ᭄ᬢᬶᬲᬶᬭᬗᬯ᭄ᬭᬸᬳᬶ᭞ᬢᬦ᭄ᬲᬫ᭄ᬧᬹᬃᬡ᭄ᬦᬬᬾᬢᬦ᭄ᬲᬶᬭᬗᬯ᭄ᬭᬸᬳᬦ᭟ᬬᬾᬦ᭄ᬲᬶᬭᬲᬫ᭄ᬧᬸᬦ᭄ᬯ᭄ᬭᬸᬄᬢᬸᬯ᭄ᬯᬦ᭄᭞ᬯᭂᬦ᭄ᬢᭂᬦ᭄ᬓᬯ᭄ᬭᬸᬄᬫᬮᬶᬄ
ᬳᬶᬓᬶ᭞ᬳᬶᬂᬢᬓ᭄ᬩᬶᬭᬾᬧᬸᬦᬶᬓᬵ᭞ᬦ᭄ᬤᬦᬋᬧ᭄ᬢᬶᬩᬦᬶᬭᬾᬓᬶ᭞ᬧᬦᭂᬩᬸᬢ᭄ᬯᬱ᭄ᬝᬦᬶᬓᬶ᭞ᬬᬾᬦ᭄ᬓᬘᬶᬧ᭄ᬢᬳᬵᬧᬸᬦᬶᬓᬸ᭞ᬤᬾᬦ᭄ᬢᭂᬢᭂᬧ᭄ᬫᬦᬳᬶᬭ᭞ᬲᬵᬫ᭄ᬧᬸᬦ᭄ᬮᬸᬫᬶᬭᬶᬂᬮ᭄ᬬᬦ᭄ᬓᬓᬶ᭞ᬢᬦ᭄ᬲᬵᬫ᭄ᬧᬹᬃᬡ᭄ᬦ
ᬬᬾᬦ᭄ᬲᬶᬭᬮᬸᬫᬶᬭᬶᬗᬶᬂᬮ᭄ᬬᬦ᭄᭟ᬬᬤ᭄ᬬᬦ᭄ᬲᬶᬭᬧᬡ᭄ᬥᬶᬢᬳᬵ᭞ᬬᬤ᭄ᬬᬦᬕᬸᬕᬸᬭᬸᬢᬾᬓᬶ᭞ᬬᬦ᭄ᬢᬦ᭄ᬯ᭄ᬭᬸᬄᬲᬸᬭᬸᬧᬶᬗᭀᬭ᭞ᬮ᭄ᬯᬶᬃᬲᬢᭀᬳᬸᬧᬫᬦᬾᬓᬶ᭞ᬢᬦ᭄ᬯ᭄ᬭᬸᬄᬧᬢᬶ
[᭑᭗ 17A]
ᬦᬶᬭᬾᬓᬶ᭞ᬧᬗᬶᬤᭂᬧᬾᬲᬲᬃᬲᬸᬲᬸᬃ᭞ᬳᬶᬓᬂᬲᬵᬫ᭄ᬧᬸᬦ᭄ᬯ᭄ᬭᬸᬄᬢᬸᬯ᭄ᬯᬦ᭄᭞ᬦᭀᬭᬦᬮ᭄ᬬᬦ᭄ᬓᬂᬤᬾᬦ᭄ᬮᬶᬂᬮᬶᬂ᭞ᬳᬶᬬᬵᬳᬶᬓᬸ᭞ᬧᬢᬶᬓᬂᬲᬶᬦ᭄ᬮᬶᬃᬭᬶᬸᬳᬸᬓᬵ᭟ᬧᬢᬶᬳᬶᬓᬵᬲᬲ᭄ᬮᬶᬭᬦ᭄᭞ᬦᭀ
ᬭᬓᬬᬵᬓᬩᬾᬳᬶᬓᬶ᭞ᬯᬯᬬᬗᬦ᭄ᬲᬶᬧᬢ᭄ᬚᬫᬮ᭄᭞ᬚ᭄ᬦᭂᬂᬓᬳᬾᬮᭀᬓᬦ᭄ᬓᬓᬶ᭞ᬤᬾᬦ᭄ᬬᬢᬢᬲ᭄ᬗᬯ᭄ᬭᬸᬳᬶ᭞ᬧᬸᬦᬶᬓᬵᬯ᭄ᬭᬸᬄᬯ᭄ᬬᬓ᭄ᬢᬶᬦ᭄ᬳᬶᬧᬸᬦ᭄᭞ᬬᬾᬦ᭄ᬢᬦ᭄ᬯ᭄ᬭᬸᬄᬲᬶᬭᬵᬫᬗ᭄ᬓᭀ᭞ᬢᬢᬵ
ᬦ᭄ᬬᬳᬵᬤᬾᬦ᭄ᬲᬯ᭄ᬬᬓ᭄ᬢᬶ᭞ᬫᬭᬾᬂᬲᬶᬭᬲᬲᬵᬫ᭄ᬧᬸᬦ᭄ᬯ᭄ᬭᬸᬄᬮᬓᬸᬳᬶᬓᬵ᭟ᬳᬶᬬᬸᬳᬶᬂᬳᬧᬸᬮᬂᬭᬭᬲ᭄᭞ᬬᬾᬦ᭄ᬢᬦ᭄ᬯ᭄ᬭᬸᬄᬧᬢᬶᬢᬶᬲ᭄ᬦᬾᬓᬶ᭞ᬓᬢᭀᬦᬾᬳᬶᬓᬸᬳᬕᬫ᭄ᬧᬂ᭞ᬯᬤᬶ
ᬦᬾᬳᬶᬓᬸᬳᬓᬶᬸᬭᬶᬸᬭᬸᬲᬶᬢ᭄᭞ᬧᬱ᭄ᬝᬶᬢᬦᬗᬯ᭄ᬭᬸᬳᬶ᭞ᬬᬦ᭄ᬳᬦᬤᬾᬭᬾᬂᬳᬕᬸᬭᬸ᭞ᬬᬤ᭄ᬬᬦ᭄ᬲᬶᬭᬵᬕᬸᬕᬸᬭ᭄ᬯᬵ᭞ᬲᬸᬧᬬᬵᬫᬗ᭄ᬕᬶᬄᬳᬚᬢᬶ᭞ᬳᬧᬶᬮᬶᬳᬵᬚᬦ᭄ᬫᬵᬢᬸᬤᬸᬳᬶᬂ
Kaca:Bali-lontar-gaguritan-nurcaya-nursada-350ppi.pdf/17
Kaca puniki sampun kauji-wacén
