[᭑᭔ 14B]
᭑᭔
ᬫ᭄ᬤᬾᬦᬶᬂᬲᬸᬚᬸᬤ᭄᭞ᬦᭀᬭᬲ᭄ᬮᬵᬫ᭄ᬤᬾᬦᬶᬂᬓᬸᬮᬫ᭄ᬩᬶ᭞ᬢᬦ᭄ᬲ᭄ᬮᬵᬫ᭄ᬤᬾᬦᬶᬂᬰᬲ᭄ᬢ᭄ᬭᬵ᭞ᬳᬶᬂᬧᬗ᭄ᬭᬸᬗᬸᬦᬶᬗ᭄ᬲᬸᬦ᭄᭞ᬳᬾᬬᬸᬄᬢ᭄ᬕᭂᬲᬶᬗᬲ᭄ᬮᬫ᭄᭞ᬦᭀᬭᬲ᭄ᬮᬵᬫ᭄᭞ᬤᬾᬦᬶᬂᬳᬦᬫ᭄ᬧᬶᬓᬫᬶ
ᬮᬶᬄ᭞ᬅᬮᬮ᭄ᬓᬮᬯᬦ᭄ᬳᬭᬫ᭄᭟ᬓᬂᬯᬸᬲ᭄ᬢᬸᬫ᭄ᬓᬵᬳᬶᬂᬲ᭄ᬮᬫ᭄ᬱᬶᬗ᭄ᬕᬶᬄ᭞ᬮ᭄ᬯᬶᬄᬯᬰᬾᬱᬵ᭞ᬲᬚᬢᬶᬓᬫᬹᬮ᭄ᬬᬦ᭄᭞ᬲᬵᬫ᭄ᬧᬹᬃᬡ᭄ᬦᬢ᭄ᬓᬳᬸᬫᬳᬾ᭞ᬳᬸᬮᬹᬦᬾᬲᬗ᭄ᬕᬵᬍᬫ᭄ᬧᬸᬂ᭞ᬩ᭄ᬭᬱ᭄ᬝᬵ
ᬕ᭄ᬲᭃᬂᬦᭀᬭᬦᬓᬭᬶ᭞ᬆᬗ᭄ᬕᬵᬦᬾᬳᬦᬾᬂᬥᬹᬦ᭄ᬬ᭞ᬰᬭᬷᬭᬵᬤᬸᬤᬸᬦᬸᬂ᭞ᬓᬤ᭄ᬬᬲᬂᬧᬜ᭄ᬚ᭄ᬬᬗᬸᬫ᭄ᬩᬭᬵ᭞ᬓᬚᬢᬶᬦᬾ᭞ᬬᬾᬦ᭄ᬫᬦ᭄ᬢᬸᬓᬶᬂᬕᬸᬦᬸᬂᬳᬸᬭᬶᬧ᭄᭞ᬫᬹᬮ᭄ᬬᬧᬸᬢ᭄ᬭᬾᬂᬚ
ᬗ᭄ᬕᬵ᭟ᬅᬓ᭄ᬯᬾᬄᬲᬶᬯᭀᬂᬓᬋᬫᬶᬂᬓᬚᬵᬢᬶᬦ᭄᭞ᬯᭀᬂᬓᬂᬤᬸᬭᬹᬂ᭞ᬦ᭄ᬤᬃᬩᬾᬩᬸᬭᭀᬳᬶᬢ᭄ᬢ᭞ᬤᬾᬦ᭄ᬧᬶᬲᬄᬓᬚᬢᬶᬬᬦᬾ᭞ᬤᬾᬦ᭄ᬲᭂᬗ᭄ᬕᬸᬄᬲᬳᭀᬲ᭄ᬲᬸᬚᬸᬤ᭄᭞ᬓᬚᬢᬶ
[᭑᭕ 15A]
ᬦᬾᬦᭀᬭᬚᬮᬶᬗ᭄ᬮᬶᬂ᭞ᬓᬸᬫ᭄ᬩᬗᬶᬂᬯᭀᬗᬫ᭄ᬧᬶᬭᬦ᭄᭞ᬢᬫ᭄ᬩᬸᬄᬓᬂᬤᬾᬦ᭄ᬢ᭄ᬮᬸ᭞ᬇᬓᬶᬳᭀᬭᬳᬶᬓᬢᬶᬮᬂ᭞ᬓᬧᬸᬧᬸᬢᬦ᭄᭞ᬫᬶᬗ᭄ᬕᬶᬃᬫᬶᬗ᭄ᬕᬶᬃᬭᬶᬂᬬᬫᬡᬶ᭞ᬤᬾᬦᬾᬢᬦ᭄ᬯ᭄ᬭᬸᬄᬓᬲᬶᬤᬦ᭄
᭟ᬩ᭄ᬭᬳᬵᬮᬦᬾᬤᬾᬦ᭄ᬕᬾᬦ᭄ᬤᭀᬂᬤᬾᬦ᭄ᬳᬶᬡ᭄ᬥᬶᬢ᭄᭞ᬫᬵᬮᬄᬓᬩ᭄ᬯᬢ᭄᭞ᬤᬾᬦᬶᬂᬢᬢᬡ᭄ᬥᬦᬦ᭄᭞ᬤᬾᬦᬶᬂᬢᬦ᭄ᬯ᭄ᬭᬸᬄᬓᬚᬢᬶᬦᬾ᭞ᬲᭀᬮᬳᬾᬢᬦ᭄ᬧᬕᬸᬭᬸ᭞ᬳᬫᬸᬗᬓᭂᬦ᭄ᬳᬸᬚᬭᬶᬂᬢᬹ
ᬮᬶᬲ᭄᭞ᬳᬦᬸᬢᬸᬃᬪᬵᬯᬦᬶᬂᬮ᭄ᬬᬦ᭄᭞ᬤᬾᬦ᭄ᬢᬸᬢᬸᬭᬵᬕᬮᬸᬃ᭞ᬳᬶᬦᬸᬢᬹᬃᬓᬤᬶᬯᬬᬵᬗᬦ᭄᭞ᬚᬚᬢᬶᬦᬾ᭞ᬅᬯᬓᬾᬦᭀᬭᬓᬮᬶᬗ᭄ᬮᬶᬂ᭞ᬧᬶᬚᭃᬃᬤᬾᬦ᭄ᬬᬵᬫᬶᬧᬶᬮᬂ᭟ᬤᭀᬱᬵᬕᬸ
ᬗ᭄ᬳᬮᬶᬢ᭄ᬓᬂᬤᬾᬦ᭄ᬤᭂᬡ᭄ᬥᬦᬶ᭞ᬉᬚᬃᬓᬸᬧᬸᬃ᭞ᬓᬧᬶᬃᬓᬂᬤᬾᬦ᭄ᬢᬸᬮᬓ᭄᭞ᬇᬓᬸᬯᭀᬗᬦᭀᬫ᭄ᬓᬯ᭄ᬭᬸᬳᬾ᭞ᬲᬵᬫ᭄ᬩᬳ᭄ᬬᬗᬾᬤᬾᬦ᭄ᬕᬸᬕᬸᬂ᭞ᬧᬸᬯᬵᬰᬦᬾᬤᬾᬦᬵᬢᬶᬳᬢᬶ᭞
Kaca:Bali-lontar-gaguritan-nurcaya-nursada-350ppi.pdf/15
Kaca puniki sampun kauji-wacén
