[᭓᭕ 35B]
᭓᭕
ᬬᬲᬶᬭᬳᬓ᭄ᬱᬶᬳᬢᬢ᭄᭞ᬤᬤ᭄ᬬᬵᬢᭂᬫᬳᬦ᭄ᬳᬢᬢ᭄ᬧ᭄ᬭᬲᬶᬭᬪᬕᬯᬵᬦ᭄ᬭᬯᬾᬬ᭞ᬢᬦ᭄ᬓᬕᬸᬡᬶᬢᬳᬭᬶᬯᬶᬫ᭄ᬩᬦᬶᬭᬲᬂᬳ᭄ᬬᬂᬇᬦ᭄ᬤ᭄ᬭ᭞ᬫᬭᬶᬂᬢᬫᬦ᭄᭟ᬦ᭄ᬤᬫ᭄ᬓᭀᬘᬧᬲᬶᬭᬲᬂᬧ
ᬓ᭄ᬱᬶᬳᬢᬢ᭄᭞ᬓᬬᬸᬗ᭄ᬳᬵᬮᬸᬗ᭄ᬳᬵᬧ᭄ᬭᬲᬶᬭᬫᬭᬶᬂᬧᬲᬪᬵᬦᬶᬭ᭞ᬍᬧᬲ᭄ᬢᬲᬶᬭᬲᬓᬾᬗᬫ᭄ᬩᬭ᭞ᬢᬸᬫᬸᬭᬸᬦ᭄ᬧ᭄ᬭᬲᬶᬭᬵᬭᬶᬧᬶᬗ᭄ᬕᬶᬭᬶᬂᬲᬵᬕᬵ᭞ᬓᬶᬦᬧ᭄ᬭᬲᬶᬭᬫᬗ᭄ᬓᭀᬤᬾᬦᬶᬂᬯᬶᬱᬚᬦᬶᬂ
ᬯ᭄ᬯᬗᬵᬤᬕᬂ᭞ᬳᬶᬦᬶᬗᬹᬧ᭄ᬭᬲᬶᬭᬤᬾᬦᬶᬂᬯ᭄ᬭᬗᬵᬤᬕᬂᬩᭀᬢ᭄ᬮᬬᬭᬦ᭄᭞ᬢᬢᬦ᭄ᬤᬵᬳᬶᬓᬵᬢᬸᬭᬓᬦᬶᬂᬰ᭄ᬕᬷᬫᬳᬵᬭᬵᬚᬲᬸᬧᬵᬃᬓ᭄ᬓᬤᬾᬯ᭞ᬤᬶᬦᬸᬮᬸᬭᬵᬦ᭄ᬓᬂᬲᬵᬃᬯ᭄ᬯᭀᬢ᭄ᬢᬫ᭞ᬳᬶ
ᬗᬢᬸᬭᬓᭂᬦ᭄ᬤᬾᬦᬾᬓᬗᬤᬕᬂᬭᬶᬰ᭄ᬭᬷᬫᬳᬵᬭᬵᬚᬲᬸᬧᬵᬃᬓ᭄ᬓᬤᬾᬯ᭞ᬭᬶᬯᬶᬚᬶᬮᬶᬢᬲᬶᬭᬧᬶᬦᬋᬓᬶᬂᬩᬮᬵᬫᬦ᭄ᬢ᭄ᬭᬶᬦᬶᬭᬲᬫᬹᬤᬬ᭞ᬢᬦ᭄ᬓᬦ᭄ᬢᬸᬦ᭄ᬲᬶᬭᬵᬧᬢᬶᬄᬫᬋᬓᬶᬂᬰ᭄ᬭᬷᬫᬳᬵᬭᬵ
[᭓᭖ 36A]
ᬚ᭞ᬅᬢ᭄ᬬᬦ᭄ᬢᬲᬸᬓᬵᬦᬶᬭᬳᬾᬂᬧᬗᬲ᭄ᬢ᭄ᬭ᭄ᬬᬵᬦ᭄ᬧᬶᬦᬋᬓ᭄ᬲᬶᬭᬲᬳᬵᬕᬸᬬ᭄ᬯᬦ᭄ᬕᬬ᭄ᬯᬦ᭄᭞ᬓᬮᬵᬯᬦ᭄ᬧᬭᬫᬦ᭄ᬢ᭄ᬭᬶᬦᬶᬭᬓᬩᬾᬄ᭞ᬓᬢᬘᬶᬢ᭄ᬢᬧ᭄ᬭᬧ᭄ᬢᬧ᭄ᬭᬾᬓᬂᬯ᭄ᬯᬗᬤᬕᬂᬩᭀᬢ᭄ᬮᬬᬭᬦ᭄
᭞ᬉᬫᬋᬓᬶᬰ᭄ᬭᬷᬫᬳᬵᬭᬵᬚᬲᬸᬳᬵᬃᬓ᭄ᬓᬤᬾᬯᬵ᭞ᬲᬧᬧ᭄ᬭᬡᬢᬪᬓ᭄ᬢ᭄ᬬᬵᬗᬢᬸᬭᬓᭂᬦᬲᬓᬮ᭄ᬯᬶᬭᬦᬶᬂᬧᬗᬗ᭄ᬕᭀᬓᬂᬲᬃᬯ᭄ᬯᭀᬢ᭄ᬢᬫ᭞ᬧᬶᬦᬓᬤᬸᬮᬸᬭᬦᬶᬓᬂᬧᬓ᭄ᬱᬶᬳᬢᬢ᭄᭞ᬇᬓᬵ
ᬲᬵᬫ᭄ᬧᬸᬦᬂᬓᬵᬢᬸᬭᬶᬓᬂᬧᬓ᭄ᬱᬶᬳᬢᬢ᭄᭞ᬅᬢ᭄ᬬᬦ᭄ᬢᬲᬸᬓᬵᬦᬶᬭᬰ᭄ᬭᬶᬫᬳᬵᬭᬵᬚᬲᬸᬧᬵᬃᬓ᭄ᬓᬤᬾᬯᬵ᭞ᬳᬦᬶᬗ᭄ᬳᬮᬶᬓᬓᬵᬃᬱᬡᬦᬶᬓᬂᬧᬓ᭄ᬱᬶᬳᬢᬢ᭄᭞ᬫᬓᬗᬸᬦᬶᬤᬾᬦᬶᬂᬓᬸᬦᬗᬸ
ᬦᬂᬯᬃᬡ᭄ᬦᬦᬶᬓᬗᬵᬢᬢ᭄᭞ᬢᬸᬫᬸᬮᬶᬧ᭄ᬯᬪᬶᬦᬹᬱᬡᬦ᭄ᬤᬾᬰ᭄ᬭᬷᬫᬳᬵᬭᬵᬚᬲᬸᬧᬵᬃᬓ᭄ᬓᬵᬤᬾᬯ᭞ᬫᬢᬗ᭄ᬬᬦᬯᬸᬯᬸᬄᬓᬓᬵᬃᬱᬡᬲ᭄ᬯᬪᬵᬯᬦ᭄ᬬᬗᬢᬢ᭄᭞ᬦ᭄ᬬᬦᬵᬗ᭄ᬮᬶᬗᬲᬗᬢᬢ᭄
Kaca:Bali-lontar-gaguritan-nitipraya-b-250ppi.pdf/36
Kaca puniki sampun kauji-wacén
