[᭑᭘ 18B]
᭑᭘
ᬣ᭞ᬭᬢ᭄ᬦᬵ᭞ᬓᬵᬜ᭄ᬘᬡ᭞ᬦᬶᬦᬸᬮᬸᬭᬦ᭄ᬤᬾᬯᬋᬚᬵ᭞ᬫᬓᬵᬤᬶᬥᬵᬦᬦᬶᬭᬭᬶᬂᬲᬂᬧᬵᬡ᭄ᬥᬶᬢ᭞ᬅᬢᬸᬤᬸᬳᬓᬂᬫᬭᬶᬂᬢᬶᬢᬶᬡ᭄ᬥᬄᬳᬸᬓᬶᬭ᭄᭞ᬲᬲ᭄ᬯᬾᬳᬶᬓᬂᬧᬭᬯᬶᬓᬸ᭞ᬫ᭄ᬯᬃᬧᬭᬧᬵᬡ᭄ᬥᬶᬢ
ᬓᬩᬾᬄ᭞ᬫ᭄ᬯᬂᬲᬂᬫᬳᬵᬰᬓ᭄ᬢᬶ᭞ᬪᬹᬚᬗ᭄ᬕᬳᬚᬶ᭞ᬧ᭄ᬭᬲᬫᬲᬶᬦᬸᬗᬦ᭄ᬥᬦᬋᬡ᭄ᬬ᭞ᬲᬫᬵᬧᬥᬲᬶᬦᬸᬗᬦ᭄ᬧᬧᭀᬲ᭄᭞ᬯᬲ᭄ᬢ᭄ᬭᬲᬶᬭᬲᬂᬫᬳᬵᬰᬓ᭄ᬢᬶ᭞ᬫᬓᬵᬤᬶᬲᬶᬭᬲᬂᬫᬓᬵᬧᬸᬭᭀ
ᬳᬶᬢ᭞ᬢᬦ᭄ᬧᬳᬶᬂᬗᬦ᭄ᬓᬾᬗᬶᬂᬳᬢᬹᬭᬢᬹᬭᬶᬭ᭞ᬲᬵᬫ᭄ᬧᬸᬦ᭄ᬢᬲᬶᬭᬧᭂᬧᭂᬓ᭄ᬓᬢᬗ᭄ᬕᬧᬦ᭄᭞ᬲᬵᬢᬸᬭᬦᬶᬭᬓᬩᬾᬄ᭞ᬫᬦ᭄ᬬ᭄ᬢᬦ᭄ᬢᬵᬫᬮᬶᬄᬰ᭄ᬭᬷᬪᬕᬯᬵᬦ᭄᭞ᬳᬶᬗᬢᬹᬭᬦ᭄ᬓᬵᬮᬶᬄᬲᬶᬭ
ᬭᬵᬓᬦᬶᬭ᭞ᬳᬦᬹᬮ᭄ᬬᬲᬶᬭᬵᬂᬍᬲᬵᬳᭀᬫ᭞ᬅᬫ᭄ᬭᬬᬰ᭄ᬘᬶᬢ᭄ᬢᬭᬶᬂᬩᬮᬦᬶᬭᬓᬩᬾᬄ᭞ᬅᬦ᭄ᬬ᭄ᬢᬦ᭄ᬢᬵᬓ᭄ᬯᬾᬳᬶᬓᬂᬧᬢᬶᬢᬶᬯᬾᬦᬶᬯᬾᬦ᭄ᬓᬂᬧᬶᬦᬓᬵᬳᬸᬦᬸᬳᬦᬶᬭ᭞ᬅᬗᬦ
[᭑᭙ 19A]
ᬓᭂᬦᬥᬳᬭᬦ᭄᭞ᬳᬦ᭄ᬤᬦ᭄ᬤᬦᬶᬩᬮᬦᬶᬭᬓᬩᬾᬄ᭞ᬳᬪᬹᬮᬶᬬᬵᬦᬭᬜ᭄ᬘᬦ᭞ᬅᬣᬢᬮᬸ᭞ᬭᬳᬶᬦᬯᭂᬗᬶ᭞ᬫᬸᬦᬶᬓᬂᬕᭀᬂᬪᬾᬭᬶᬕᬗ᭄ᬰᬫᬸᬂᬫᬸᬳᬭ᭞ᬫ᭄ᬯᬂᬳᬸᬦᬶᬦᬶᬂᬰ
ᬗ᭄ᬓᬵᬢᬶᬦᬶᬬᬸᬧ᭄᭞ᬭᬵᬫ᭄ᬬᬳᬸᬫᬸᬂᬭᬳᬶᬦᬯᭂᬗᬶ᭞ᬜᬾᬜ᭄ᬚᬶᬂᬫᬗ᭄ᬓᬢᬵᬲᬶᬭᬵᬗ᭄ᬤᭀᬦ᭄ᬢᬶᬦᬹᬢ᭄ᬲᬢᬹᬭᬶᬂᬩᬮᬦᬶᬭᬓᬩᬾᬄ᭞ᬲᬵᬫ᭄ᬧᬸᬦ᭄ᬲᬫᬭᬶᬦᬾᬜ᭄ᬘᬂᬳᬓᬲᬸᬓᬦ᭄ᬓᬩᬾᬄ᭞
ᬗᬸᬦᬶᬯᬾᬄᬰ᭄ᬭᬷᬪᬕᬯᬵᬦ᭄ᬯᬸᬲᬶᬗᬢᬸᬭᬦ᭄ᬲᬶᬭ᭞ᬫᬗ᭄ᬓᬾᬢᬕᬃᬚ᭄ᬚᬶᬢᬫᬦᬳᬶᬩᬮᬓᬩᬾᬄ᭞ᬲᬫᬋᬡᬫᬦᬄᬦ᭄ᬬ᭞ᬧ᭄ᬭᬲᬫᬵᬩᬸᬗᬳᬦᬶᬗ᭄ᬳᬮᬶᬦ᭄ᬢᬶᬦᬶᬗ᭄ᬳᬮᬦ᭄᭞ᬧ᭄ᬭᬲᬫᬵᬫ
ᬗ᭄ᬓᬾᬳᬗᬗᬦᬵᬗᬶᬦ᭄ᬓᬵᬃᬬ᭄ᬬᬦᬶᬂᬢᬸᬯᬦ᭄᭞ᬧ᭄ᬭᬲᬫᬵᬦᬹᬢ᭄ᬲᬭᬱᬦᬶᬂᬧᬶᬢᭂᬓᭂᬢᬶᬂᬢᬸᬳᬦ᭄᭞ᬫᬾᬗᭂᬢᬭᬶᬂᬩᬸᬩᬸᬳᬦᬶᬂᬓᬶᬯᬵᬢᭂᬗᭂᬦ᭄᭞ᬓᬂᬭᬶᬂᬳᬋᬧ᭄ᬮᬵᬧᬦᬶᬂᬧᬸᬗ᭄ᬓᬸᬭ᭄᭞
Kaca:Bali-lontar-gaguritan-nitipraya-b-250ppi.pdf/19
Kaca puniki sampun kauji-wacén
