[᭖ 6B]
᭖
ᬦᬾᬩ᭄ᬯᬶᬦ᭄ᬳᬤᬧᬢᬹᬢ᭄ᬕᬯᬾᬦᬶᬦ᭄ᬲᬢᬸᬢᬸᬓ᭄᭞ᬲᬢᬶᬗ᭄ᬓᬳᬶᬂᬫᬦᬾᬯᬓᬵ᭞ᬭᬶᬂᬳᬶᬤᬲᬂᬕᬸᬭᬸᬳᬤᬶ᭟ᬫᬗ᭄ᬤᬾᬲᬳᬶᬲᬳᬶᬫᬢᬸᬳᬂ᭞ᬫᬗᬢ᭄ᬧᬤᬮ᭄ᬯᬶᬃᬜᬸᬗ᭄ᬲᬸᬂᬲᬂᬳ᭄ᬬᬂᬯᬶᬤ᭄ᬥᬶ᭞
ᬢᬦ᭄ᬧᬲᬄᬲᬧᬭᬦ᭄ᬮᬓᬸ᭞ᬗᬢᬸᬭᬂᬯᬲᬸᬄᬧᬤ᭞ᬬᬯᬶᬚᬧᬥ᭄ᬬᬵᬃᬕ᭄ᬕᬫᬸᬯᬄᬢᭀᬬᬭᬳᬸᬧ᭄᭞ᬫᬓᬤᬶᬲᬭᬶᬓᬸᬲᬸᬓᬵ᭞ᬤᬸᬮᬸᬭᬶᬦ᭄ᬤᬺᬤ᭄ᬥᬲ᭄ᬭᬪᬓ᭄ᬢᬶ᭟ᬬᬦ᭄ᬳᬤᬧᬦᬸᬤᬸᬳᬶᬤ᭞
ᬳᭂᬥᬵᬧᬶᬲᬦ᭄ᬘᬳᬶᬩᬦᬶᬫᬶᬯᬮᬶᬦ᭄᭞ᬳᬾᬗ᭄ᬕᬮᬂᬫᬚᬮᬦ᭄ᬮᬯᬸᬢ᭄᭞ᬢᬸᬭᬸᬢ᭄ᬧᬗᬸᬢᬸᬲ᭄ᬳᬶᬤ᭞ᬫᬸᬮᬓᬾᬢᭀᬢᬶᬗ᭄ᬓᬳᬾᬦᬶᬯᬶᬢᬾᬂᬕᬸᬭᬸ᭞ᬢᬢᬲ᭄ᬫᬦᬫᬸᬲᭀᬪᬕ᭄ᬬᬵ᭞ᬢᬦ᭄ᬓᭀᬮᬸᬕᬶᬂ
ᬢᬢ᭄ᬯᬵᬳᬚᬶ᭟ᬦ᭄ᬢᭀᬫᬳᬯᬶᬦᬦ᭄ᬢᬢᬲ᭄᭞ᬧᬫᬥᬢᬫᬰᬵᬲ᭄ᬢ᭄ᬭᬦᬾᬢᬫᬾᬂᬋᬤ᭄ᬥᬶ᭞ᬫᬮᬭᬧᬦ᭄ᬲᬄᬦᬶᬂᬕᬸᬭᬸ᭞ᬦᬫ᭄ᬩᭂᬳᬶᬦ᭄ᬓᬳᭀᬢ᭄ᬢᬫᬦ᭄᭞ᬫᬳᬯᬶᬦᬦ᭄ᬫᬗ᭄ᬤᬾᬲᬸᬰ᭄ᬭᬸᬱᬵᬦᬶᬯ᭄ᬬᬕᬸᬭᬸ᭞
[᭗ 7A]
ᬫᬨᬮᬥᬃᬫ᭄ᬫᬓᬫᭀᬓ᭄ᬱᬦ᭄᭞ᬯᬳ᭄ᬬᬥ᭄ᬬᬢ᭄ᬫᬶᬓᬧᬸᬧᭀᬦᬶᬦ᭄᭟ᬳᬧᬂᬲᬶᬤ᭄ᬥᬦᬯᬸᬃᬳᬸᬢᬂ᭞ᬫᬦᬸᬲ᭄ᬢᬲᬂᬫᬮᬦᬶᬂᬩᬶᬩᬶᬳᬚᬶ᭞ᬢ᭄ᬯᬭᬩᬓᬢ᭄ᬩᬦ᭄ᬫᬗᬶᬢᬸᬂ᭞ᬲᬸᬓᬦᬶᬂᬭᬫᬭᬾᬡ᭞
ᬳᬧᬂᬲᬶᬤ᭄ᬥᬲᬸᬩᬲᬳᬶᬱ᭄ᬝᬶᬦᬶᬂᬓᬬᬸᬦ᭄᭞ᬫᬲ᭄ᬳᬢ᭄ᬫᬚᬤᬶᬩ᭄ᬬᬕᬸᬡ᭞ᬓᬳᬲ᭄ᬢᬯᬵᬤᬾᬦᬶᬂᬪᬸᬫᬶ᭟ᬳ᭄ᬥᬵᬚᬳᬶᬚᬸᬗᬫ᭄ᬮᭂᬤᬂ᭞ᬳᬧᬗᭂᬮᬄᬲᬃᬯ᭄ᬯᬩᬭᬡᬲᬸᬕᬶᬄ᭞ᬳᭂᬫᬲ᭄ᬧᬶᬧᬶᬲ᭄ᬭ
ᬢ᭄ᬦᬯᬥᬸ᭞ᬲᬲᭀᬘᬦ᭄ᬭᬢ᭄ᬦᬫᬬ᭞ᬲᬓ᭄ᬱᬢ᭄ᬓᬶᬮᬢ᭄ᬧᬥᬦ᭄ᬬᬢᬦ᭄ᬮᬦᬫᬸᬗ᭄ᬕᬸᬄ᭞ᬲᬓᭂᬥᬧ᭄ᬳ᭄ᬬᬩᬶᬱᬳᬶᬮᬂ᭞ᬫᬗ᭄ᬕᬯᬾᬮᬭᬦᬶᬂᬳᬢᬶ᭟ᬓᬩᬶᬱᬦᬾᬚ᭄ᬯᬳᬸᬮᬳᬂ᭞ᬩ᭄ᬯᬢᬂᬳᬮᬶᬄ
ᬲᬶᬫ᭄ᬧᭂᬦ᭄ᬲᬚ᭄ᬭᭀᬦᬶᬂᬳᬢᬶ᭞ᬤᬲᬭᬶᬦ᭄ᬩᬦ᭄ᬩᬸᬤ᭄ᬥᬶᬳᬬᬸ᭞ᬲᬸᬢᭂᬃᬩᬦ᭄ᬕᬸᬡᬤᬶᬓ᭞ᬲᬺᬕ᭄ᬩᬳᬦ᭄ᬳᬶᬥᭂᬧ᭄ᬳᬬᬸᬘᭂᬢᬾᬂᬢᬸᬢᬸᬃ᭞ᬦ᭄ᬢᭀᬫᬳᬯᬓᬲᬸᬕᬶᬳᬦ᭄᭞ᬮ᭄ᬯᬶᬃᬲᬶᬭᬦ᭄ᬤᬬᬂᬦᬦ᭄ᬤᬶᬦᬶ᭟
Kaca:Bali-lontar-gaguritan-mituturin-pyanak-300ppi.pdf/7
Kaca puniki sampun kauji-wacén
