[᭑᭔ 14B]
᭑᭔
ᬤᬤᬶᬳᬗ᭄ᬕᭀᬦ᭄ᬲᬳᬬ᭞ᬫᬓᬵᬤᬶᬧᬭᬲᬸᬮᬶᬗ᭄ᬕᬶᬄ᭞ᬦ᭄ᬢᭀᬜᬦ᭄ᬤᬂᬲᬬᬂ᭞ᬫᬋᬓᬾᬂᬰ᭄ᬭᬷᬪᬹᬧᬢᬶ᭟ᬤᬶᬓᬵᬮᬦᬾᬘᬳᬶᬗᬮᬧ᭄ᬓᬫ᭄ᬩᬗᬶᬂᬭᬵᬢ᭄᭞ᬪᬝᬭᬭᬯᬶᬳᬶᬭᬶᬂ᭞ᬘ
ᬬᬦᬾᬤᬸᬫᬶᬮᬄ᭞ᬫᬦᬲᬶᬢ᭄ᬭᬶᬪᬸᬯᬡᬵ᭞ᬢ᭄ᬯᬭᬳᬤᬗᬭᬱᬦᬶᬦ᭄᭞ᬬᬲᬸᬩᬩᬓᬢ᭄᭞ᬭᬢ᭄ᬯᬧᬥᬓᬪᬹᬓ᭄ᬢᬶ᭟ᬤᬶᬓᬵᬮᬦᬾᬘᬳᬶᬗᬍᬕᬦᬶᬦ᭄ᬧᬜ᭄ᬚᬓ᭄᭞ᬪᬝᬭ
ᬘᬦ᭄ᬤ᭄ᬭᬳᬶᬭᬶᬂ᭞ᬲᬢᬢᬦ᭄ᬦᬶᬃᬫ᭄ᬫᬮ᭞ᬗᭂᬢᬶᬲᬶᬦ᭄ᬢ᭄ᬭᬶᬫᬦ᭄ᬤᬮ᭞ᬮ᭄ᬯᬶᬭᬫᬺᬢ᭄ᬢᬲᬜ᭄ᬚᬶᬯᬦᬶ᭞ᬳᬸᬫᬶᬭᬶᬂᬲᬭᬢ᭄᭞ᬲᬓᬵᬮᬰ᭄ᬭᬶᬦᬺᬧᬢᬶ᭟ᬧᬭᬶᬲᬵᬓ᭄ᬱᬢ᭄ᬲᬂᬦᬣᬕᬸᬦᬸᬂᬳᬶᬫᭂᬯᬵᬦ᭄᭞ᬲ
ᬮ᭄ᬯᬶᬭᬶᬂᬩᬮᬦᬾᬲᬫᬶ᭞ᬲᬢ᭄ᬫᬓᬵᬜᬳᬮᬲ᭄᭞ᬲᬮ᭄ᬯᬶᬭᬶᬂᬗᬯᬸᬤᬡ᭄ᬥᬵ᭞ᬯᬮᬸᬬᬲᬢ᭄ᬯᬦᬾᬲᬫᬶ᭞ᬲᬶᬭᬲᬂᬦᬵᬣ᭞ᬰᬓ᭄ᬢᬶᬓᬤᬶᬓᬾᬲᬭᬶ᭟ᬢ᭄ᬯᬄᬮᬮᬶᬫᬮ᭄ᬯᬶᬂᬪᬬᬦᬾᬧ
[᭑᭕ 15A]
ᬘᬂᬢᬗ᭄ᬕᬮ᭄᭞ᬢᬗᬭᬶᬦ᭄ᬧᬶᬲᬦ᭄ᬘᬳᬶ᭞ᬫᬭᬶᬓ᭄ᬱᬧᬋᬓᬦ᭄᭞ᬫᬗ᭄ᬤᬾᬳ᭄ᬟᬦ᭄ᬥᬸᬭᬘᬭ᭞ᬫᬭᬬᬲᬬᬗᬂᬘᬳᬶ᭞ᬲᬓᬵᬫᬓᬫ᭞ᬢᭀᬂᬩᬶᬱᬧᬧᬓᬾᬭᬶᬂ᭟
ᬓᬧᬶᬂᬓᬮᬶᬄᬲᬮ᭄ᬯᬶᬭᬦᬶᬂᬩᬳᬸᬤᬡ᭄ᬥ᭞ᬓᬢᬶᬕᬭᬵᬓ᭄ᬭ᭄ᬬᬦ᭄ᬧᬢᬶᬄ᭞ᬮᭀᬪᬫᭀᬳᬫᬹᬃᬓ᭄ᬓ᭞ᬓᬧᬢ᭄ᬲᬂᬪᬕᬯᬵᬦ᭄ᬢ᭞ᬢ᭄ᬯᬭᬦᬯᬂᬢᬸᬢᬸᬃᬳᬚᬶ᭞ᬕᭂᬦᭂᬧ᭄ᬮᬮᬶᬫ᭞ᬲᬂ᭠
ᬦᬣᬳᬶᬃᬱ᭄ᬬᬵᬤᭂᬗ᭄ᬕᬶ᭟ᬳᬸᬢ᭄ᬲᬳᬬᬂᬫᬗ᭄ᬩᬯᬦᬶᬦ᭄ᬓᬭᬳᬬ᭄ᬯᬦ᭄᭞ᬓᬵᬯᬭᬱᬦᬶ᭠ᬢᬦᬶ᭞ᬭᬾᬄᬬᬫᬗ᭄ᬕᬮᬬᬂ᭞ᬗᬯᬺᬤ᭄ᬥᬶᬬᬂᬗᭂᬦ᭄ᬢᬶᬓᬂ᭞ᬓᬲᬸᬕᬶᬳᬦ᭄ᬲᬂᬦᬺᬧᬢᬶ᭞ᬬᬫᬧᬸ᭠
ᬕᬮ᭞ᬳᬦ᭄ᬤᭂᬮᬂᬫᬳᬬᬸᬪᬸᬫᬶ᭟ᬩ᭄ᬯᬶᬦ᭄ᬲᬮ᭄ᬯᬶᬃᬚᬦ᭄ᬫᬦᬾᬜᬦ᭄ᬤᬂᬲᬬᬗᬂ᭞ᬬᬾᬜᬪᬓ᭄ᬢᬶᬫᬦᬶᬯᬶ᭞ᬧ᭄ᬭᬬᬢ᭄ᬦᬗᬳᬸᬮᬵ᭞ᬳᬲᬶᬳᬶᬂᬓᬤᬂᬩ᭄ᬭᬬ᭞ᬯᬶᬯᬾᬓᬩᬶᬱᬗ
Kaca:Bali-lontar-gaguritan-mituturin-pyanak-300ppi.pdf/15
Kaca puniki sampun kauji-wacén
