Kaca:Bali-lontar-gaguritan-mayaspati-350ppi.pdf/86

Saking Wikisource
Kaca puniki sampun kauji-wacén

[᭘᭕ 85B]
᭘᭕
ᬯᬗᬸᬦ᭄ᬦᬦ᭄ᬦᬶᬂᬢᬫᬦ᭄᭞ᬳᬚᬦᬓᬂᬳᭀᬩᬄᬲᬶᬚᬶ᭞ᬢᬮᬕᬵᬬ᭄ᬯᬓᭀᬂ᭠ᬲᬶᬳᬲᬢ᭄᭞ᬧ᭄ᬭᬧ᭄ᬢᬳᬦᬾᬂᬫᬳᬾᬲ᭄ᬧᬢᬶ᭛ᬮᬄᬳᬶᬓᬸᬧᬫᬸᬦ᭄ᬥᬸᬢ᭄ᬳᬶᬗ᭄ᬲᬸᬦ᭄᭞
ᬬᬾᬦ᭄ᬲᬶᬭᬦᭀᬭᬦᭂᬓᬦ᭄ᬦᬶ᭞ᬲᬬᭂᬓ᭄ᬢᬶᬳᬶᬗ᭄ᬲᬸᬦ᭄ᬢᬦ᭄ᬦᬃᬱ᭞ᬳᬗᬩ᭄ᬤᬾᬓᭂᬦ᭄ᬫ᭄ᬭᬶᬂᬲᬶᬭᬾᬓᬶ᭞ᬯᬲ᭄ᬧᬶᬲᬦ᭄ᬤᬤᬶᬬᬫᭂᬂᬲᬄ᭞ᬫᬶᬚᬶᬮ᭄ᬮᬳᬶᬂᬗᬧ᭄ᬭᬂᬫᬮᬶᬄ᭛᭜᭛
ᬲᬯᬸᬲ᭄ᬲᬶᬭᬗᬦ᭄ᬥᬶᬓᬲᬂᬗᬚᬶ᭞ᬲᬳᬩᬮᬩᭀᬤᭀᬮ᭄᭞ᬓᭀᬦ᭄ᬤᬸᬃᬫᬭᬂᬧᬲᬗ᭄ᬕ᭄ᬭᬳᬦ᭄ᬕᭂᬤᬾ᭞ᬫᬶᬯᬄᬲᬕᬸᬂᬗᬶᬂᬧᬭᬦᬃᬧᬢᬶ᭞ᬫᬲᬗ᭄ᬕ᭄ᬭᬳᬦ᭄ᬲᬫᬶ᭞ᬲ᭄ᬯ
ᬭᬦ᭄ᬦᬾᬕᬸᬫᬸᬭᬸᬄ᭛ᬓᬯᬃᬡ᭄ᬦᬳᬲᬕᬸᬂᬧᬭᬧᬸᬢ᭄ᬭᬷ᭞ᬓᬂᬳᬦ᭄ᬦᬾᬂᬧᬓᬸᬯᭀᬦ᭄᭞ᬳᬯᬸᬬᬸᬂᬗᬦ᭄ᬫᬶᬬᬃᬱᬤᬤᬶᬦ᭄ᬦᬾ᭞ᬳᬶᬂᬗᬬᬸᬤ᭄ᬥᬭᬳᬤᬾᬦ᭄ᬲᭂᬫᬦ᭄ᬢ᭄ᬭᬶ

[᭘᭖ 86A]
᭘᭖
᭞ᬮᬯᬦ᭄ᬰ᭄ᬭᬷᬪᬸᬧᬢᬶ᭞ᬢᬦ᭄ᬯ᭄ᬭᬸᬄᬧᬹᬃᬯ᭄ᬯᬦ᭄ᬦᬶᬧᬸᬦ᭄᭛ᬧᬦᬃᬓ᭄ᬓᬦ᭄ᬦᬾᬋᬢ᭄ᬦᬘᬶᬢ᭄ᬭᬯᬢᬷ᭞ᬤᬤᬶᬦ᭄ᬦᬶᬂᬧᬮᬸᬕᭀᬦ᭄᭞ᬲᭂᬫᬦ᭄ᬢ᭄ᬭᬶᬓᬂᬲᬾᬄᬫ᭄ᬭᬶᬂᬕᬸᬲ᭄ᬢᬶᬦ᭄ᬦᬾ᭞ᬲᬸᬫᭂᬤ᭄ᬬ᭠
ᬫ᭄ᬭᬶᬄᬫᬭᬂᬧᬭᬧᬸᬢ᭄ᬭᬷ᭞ᬫᬶᬮᬲᬂᬋᬢ᭄ᬦᬵᬤᬶ᭞ᬲᬸᬗ᭄ᬓᬯᬓᬮᬗ᭄ᬓᬸᬂ᭛ᬫᬭᬲ᭄ᬫ᭠ᬭᬲ᭄ᬯ᭄ᬭᬸᬄᬤᬾᬦ᭄ᬦ᭄ᬬᬓᬸᬯᬢᬶᬃ᭞ᬫᬶᬯᬄᬧᬭᬲᬶᬦ᭄ᬦᭀᬫ᭄᭞ᬩᭀᬓ᭄ᬱᬂᬧ᭄ᬭᬪᬸᬓᬲᭀ
ᬭᬦ᭄‌ᬬᬸᬤ᭄ᬥᬦ᭄ᬦᬾ᭞ᬮᬦ᭄ᬲᭂᬫᬦ᭄ᬢ᭄ᬭᬶᬤᬾᬦ᭄ᬦᬾᬗ᭄ᬮᬸᬮᬸᬯᬶᬄᬳᬶ᭞ᬭᬫᬾᬦ᭄ᬦᬶᬂ᭠ᬗᬚᬸᬭᬶᬢ᭄᭞ᬲᬤᬶᬦᬤᬾᬭᬾᬂᬯᬸᬲ᭄᭛ᬫᬮᬄᬓᬃᬬ᭄ᬬᬳᭀᬋᬕ᭄ᬕᬶᬓᬂᬩᬸ
ᬫᬶ᭞ᬲ᭄ᬭᬸᬦ᭄ᬦᬶᬂᬧ᭄ᬭᬪᬵᬯᬭᭀᬓ᭄᭞ᬧᬦ᭄ᬓᬲᬭᬸᬓᬂᬭᬬᬶᬧ᭄ᬭᬧ᭄ᬢᬦ᭄ᬦᬾ᭞ᬦᬵᬢᬾᬂᬫᬕᬤᬫᬢᬸᬃᬯᭀᬢ᭄ᬲᬭᬷ᭞ᬓᬂᬩᭀᬓ᭄ᬳᬶᬂᬗᬚᬸᬭᬶᬢ᭄᭞ᬧᬸᬦ᭄ᬲᭂᬫᬦ᭄ᬢ᭄ᬭᬶᬲᬫ᭄ᬧᬸ᭠

Kapolihang saking "https://ban.wikisource.org/w/index.php?title=Kaca:Bali-lontar-gaguritan-mayaspati-350ppi.pdf/86&oldid=47426"