[᭗᭗ 77B]
᭗᭗
ᬳᬶᬓᬂᬚᭂᬫ᭄ᬧᬭᬶᬂ᭞ᬮᬸᬫᭂᬧᬲ᭄ᬧᬦᬸᬮᬓ᭄ᬓᬶᬧᬸᬦ᭄᭞ᬓᬸᬫ᭄ᬭᬸᬲᬸᬓ᭄ᬯᭀᬃᬧ᭄ᬭᬳᬭ᭞ᬲᬫᬶᬲᬜ᭄ᬚᬢᬤᬤᬮᬶ᭞ᬢᭂᬫ᭄ᬧᬸᬄᬯᬸᬃᬯᭀᬃᬧᬧᬓ᭄ᬧᬹᬃᬳᬦᬾᬂᬕᬕᬦ᭛ᬕᬸ᭠
ᬫᬸᬭᬸᬄᬲᬸᬭᬓ᭄ᬓᬶᬂᬩᬮ᭞ᬲᬓᬶᬂᬲᬸᬓᬦ᭄ᬦᬾᬦᬶᬗ᭄ᬳᬮ᭄ᬮᬶ᭞ᬤᬾᬦ᭄ᬦᬾᬲᭀᬮᬄᬳᬶᬂᬲᬜ᭄ᬚᬢ᭞ᬲᬳᬾᬗ᭄ᬕᬯᭀᬂᬫᬕᬸᬢ᭄ᬚᬸᬭᬶᬢ᭄᭞ᬢᬢᬢᬗ᭄ᬓᬶᬲ᭄ᬢᬶᬦ᭄ᬦᬗ᭄ᬓᬶᬲ᭄᭞ᬲᬫ᭄ᬩᭂ᭠
ᬭᬦ᭄ᬩᬸᬭᬸᬩᬶᬦᬸᬭᬸ᭞ᬭᬫᬾᬧ᭄ᬭᬂᬧᬶᬦ᭄ᬦᭂᬭᬂ᭞ᬲ᭄ᬯᬭᬦ᭄ᬦᬾᬧᬢᬶᬘᬋᬂᬓ᭄ᬮᬶᬂ᭞ᬳᬧ᭄ᬭᬂᬲᬸᬭᬸᬂᬲᬶᬦᬸᬭᬸᬂᬲᬶᬭᬂᬲᬶᬦ᭄ᬦᬶᬭᬂ᭛ᬤᬗᬸᬭᭀᬓ᭄ᬳᬶᬓᬂᬲᬜ᭄ᬚᬢ᭞ᬲᬂᬧ᭄ᬭᬪᬸᬰᬷᬖ᭄ᬭᬗ᭄ᬮᭂ᭠
ᬧᬲᬶ᭞ᬲᬜ᭄ᬚᬢᬳᬪ᭄ᬭᬧᬦᬸᬮᬓ᭄᭞ᬫᬶᬚᬶᬮ᭄ᬓᬂᬧ᭄ᬭᬄᬳᬭᬕᬸᬫ᭄ᬭᬶᬢ᭄᭞ᬜᬧᬸᬄᬳᬲᬕᬸᬂᬚᭂᬫ᭄ᬧᬭᬶᬂ᭞ᬕᬸᬲᬶᬲ᭄ᬧᬶᬦᬸᬲᬸᬲ᭄ᬲᬶᬂᬮᬾᬲᬸᬲ᭄᭞ᬲᭂᬫᬦ᭄ᬢ᭄ᬭᬶᬤᬸᬓ᭄ᬢᬸ᭠
[᭗᭘ 78A]
᭗᭘
ᬫᬶᬗ᭄ᬳᬮ᭄᭞ᬰᬶᬃᬡ᭄ᬦᬦ᭄ᬦᬾᬳᬶᬓᬂᬚᭂᬫ᭄ᬧᬭᬶᬂ᭞ᬗᭂᬢᬧ᭄ᬭᬣᬳᬗᭂᬫ᭄ᬩᬢ᭄ᬕᬦ᭄ᬥᬾᬯ᭠ᬦ᭄ᬦᬶᬭ᭛ᬫᬸᬱ᭄ᬝᬶᬓᬂᬪᬸᬚᬕᬋᬰᬶᬹᬧ᭞ᬦᬵᬕᬕᭂᬂᬗᬕᭂᬂᬯᬸᬲ᭄ᬫᬶᬚᬶᬮ᭄᭞ᬯᭂᬢᬸᬦ᭄ᬦᬾ
ᬲᬓᬶᬕᬦ᭄ᬥᬾᬯ᭞ᬤᬍᬤᭂᬕ᭄ᬳᬗ᭄ᬕᬶᬕᬶᬮᬦ᭄ᬦᬶ᭞ᬧᬧᬦ᭄ᬢᬦ᭄ᬧᬭᬂᬓᭂᬢᬶ᭞ᬧᬧ᭄ᬭᬗᬦ᭄ᬲᭂᬲᭂᬕ᭄ᬲᬸᬧᭂᬦᬸᬄ᭞ᬧ᭄ᬭᬪᬸᬳᬵᬃᬚ᭄ᬚᬸᬦᬲᬵᬰ᭄ᬭ᭞ᬰᬷᬖ᭄ᬭᬤᬾᬦ᭄ᬦᬶᬭᬵᬗ᭄ᬮᭂᬧᬲ᭄ᬲᬶ᭞
ᬳ᭄ᬭᬹᬕᬭᬸᬤᬧᬦᬸᬮᬓ᭄ᬪᬸᬚᭀᬗ᭄ᬕᬧᬰ᭛ᬓᬕᬾᬦ᭄ᬤ᭄ᬭᬵᬗᬬᬸᬄᬗᬯᬶᬬᬢ᭄᭞ᬲᬸᬫᭂᬩᬸᬢ᭄ᬗᬾᬩᬢ᭄ᬳᬾᬩᬢ᭄ᬢᬶ᭞ᬢᬓ᭄ᬱᬓᬵᬦᭀᬦ᭄ᬦᬶᬂᬕᬭᬸᬤ᭞ᬗᬤᭂᬕ᭄ᬲᬤᬬ
ᬲᬫ᭄ᬬᬫ᭄ᬭᬶᬄ᭞ᬫᬗᬧ᭄ᬓ᭄ᬭᬸᬭᬗᬚ᭄ᬭᬶᬄᬳᬶ᭞ᬓᬕᬾᬦ᭄ᬤ᭄ᬭᬦᬸᬮ᭄ᬬᬫᬭᬸᬗ᭄ᬕᬸᬮ᭄᭞ᬰᬶᬃᬡ᭄ᬦᬪᬸᬚᭀᬗ᭄ᬕᬧᬰ᭞ᬩᬶᬦ᭄ᬦᭂᬓ᭄ᬢᬫ᭄ᬭᬶᬂᬗᬯᬬᬢ᭄ᬢᬶ᭞ᬳ᭄ᬭᬹᬕᬭᬸᬤᬫᬓ᭄ᬱᬶᬄᬤᭂᬍᬕ᭄ᬕᬾᬂ
