[᭕᭒ 52B]
᭕᭒
ᬗ᭄ᬕᬶᬭᬸᬧᬓ᭄ᬱ᭞ᬩᬮᬓᬶᬦ᭄ᬦᬾᬦ᭄᭞ᬲᬦ᭄ᬦᬾᬳᬓᬧ᭄ᬭᬩᭀᬦ᭄ᬚᬸᬭᬶᬢ᭄᭞ᬓ᭄ᬬᬧᬢᬶᬄᬳᬫᭀᬂᬕᬃᬪ᭛ᬫᬶᬯᬄᬲᬕᬸᬂᬗᬶᬂᬯᬶᬮ᭄ᬧ᭄ᬭᬤᬶᬧᬢᬶ᭞ᬓᬾᬄᬳᬶᬂᬩᬮᬤᬶᬢ᭄ᬬᬧ
ᬢᬂᬬᬸᬢ᭄ᬢ᭞ᬲᬫᭂᬓ᭄ᬢᬲᬕᭂᬕᬫᬦ᭄ᬦᬾ᭞ᬦᭂᬫ᭄ᬧᬸᬗ᭄ᬕᬯᬓᬂᬲᭂᬧᬸᬄ᭞ᬳᬗ᭄ᬭᬾᬄᬲᬫᬦ᭄ᬦᬶᬭᬾᬂᬪᬹᬧᬢᬶ᭞ᬤᬶᬢ᭄ᬬᬓᬵᬮᬧ᭄ᬭᬖᭀᬰ᭞ᬮᬯᬦ᭄ᬓᬵᬮᬭᬡᬸ᭞ᬫᬫᬂ
ᬫᬹᬃᬓ᭄ᬓᬳᬫᭀᬂᬫᬹᬃᬓ᭄ᬓ᭞ᬩᬚᭀᬩᬭᬂᬮᬯᬦ᭄ᬤᬶᬢ᭄ᬬᬮᬶᬦ᭄ᬥᬸᬰᬺᬗ᭄ᬕᬶ᭞ᬲ᭠ᬓᭂᬢ᭄ᬢᬶᬩᬮᬦ᭄ᬦᬶᬭ᭛ᬩᬮᬭᭀᬂᬗᬾᬯᬸᬓᬂᬧᬭᬫᬦ᭄ᬢ᭄ᬭᬶ᭞ᬧᬢᬂᬬᬸᬢᬯᬶᬮ᭄ᬩᬮ
ᬚᭀᬗ᭄ᬕᬃᬪ᭞ᬯᬸᬲ᭄ᬳᬫᭂᬓ᭄ᬢᬕᭂᬕᬫᬦ᭄ᬦᬾ᭞ᬢᭂᬂᬗᬭᬩᬸᬤᬮ᭄ᬲᬫ᭄ᬧᬸᬦ᭄᭞᭠ᬲᬓᬶᬂᬧ᭄ᬭᬚᬰ᭄ᬭᬷᬦᬭᬧᬢᬶ᭞ᬤᬶᬢ᭄ᬬᬯᬶᬮ᭄ᬧᬢᬂᬬᬸᬢ᭄ᬢ᭞ᬲ᭄ᬯᬭᬦ᭄ᬦᬾᬕᬸᬫᬸᬭᬸᬄ᭞ᬲ᭠
[᭕᭓ 53A]
᭕᭓
ᬫ᭄ᬬᬫᬳᬯᬦ᭄ᬕᬕᬦ᭄ᬦ᭞ᬓᬤ᭄ᬬᬢᭂᬤᬸᬄᬤᭂᬤᭂᬢ᭄ᬫᬤ᭄ᬬᬦ᭄ᬦᬶᬂᬯᬶᬬᬢᬶ᭞ᬓᬾᬄᬳᬶᬂᬤᬶᬢ᭄ᬬᬗᬫ᭄ᬩᬭ᭛ᬖᭀᬭᬦ᭄ᬦᬶᬂᬲ᭄ᬯᬭᬓᬕᬶᬭᬶᬕᬶᬭᬶ᭞ᬭᬲᭂᬓ᭄ᬱᬲᬫ᭄ᬬᬫᬲᬶᬗ᭄ᬳᬦᬩ᭄ᬤ᭞
ᬓᬸᬦ᭄ᬦᭂᬂᬯᬶᬮ᭄ᬩᬮᬮᬫ᭄ᬧᬄᬳᬾ᭞ᬕᬦ᭄ᬢ᭄ᬬᬳᬶᬓᬂᬯᬶᬦᬸᬯᬸᬲ᭄᭞ᬰ᭄ᬭᬷᬯᬶᬤᬃᬪᬯᬸᬲ᭄ᬦ᭄ᬬᬲᭂᬫᬵᬤᬶ᭞ᬗ᭄ᬭᬂᬲᬸᬓ᭄ᬓᬧ᭄ᬭᬩᭀᬦ᭄ᬦᬶᬂᬧ᭄ᬭᬂ᭞ᬳᬫᬸᬓᬸᬝᬫᬸᬭᬸᬩ᭄᭞ᬩᬩᬾᬫᬵᬲ᭄ᬳᬧ᭄ᬭ᭠
ᬩᬾᬂᬚᬚ᭞ᬫᬶᬚᬶᬮ᭄ᬲᬓᬶᬂᬧᬲᬗ᭄ᬕ᭄ᬭᬄᬳᬦ᭄ᬰ᭄ᬭᬷᬪᬹᬧᬢᬶ᭞ᬳᬶᬂᬚᬯᬶᬯᬸᬲ᭄ᬲᬫᭂᬓ᭄ᬢ᭠᭛ᬲᬕᬸᬂᬳᬶᬓᬂᬧ᭄ᬭᬚᬸᬭᬶᬢ᭄ᬧᬭᬵᬚᬶ᭞ᬧ᭄ᬭᬤᬶᬧᬢᬶᬓᬂᬧᬮᬲ᭄ᬢ᭄ᬭᬾᬂᬬᬸᬤ᭄ᬥ᭞ᬯᬸᬲ᭄ᬕᬶ
ᬦ᭄ᬦᬦ᭄ᬢ᭄ᬬᬦ᭄ᬳᬢ᭄ᬫᬚᬦ᭄ᬦᬾ᭞ᬲᬯᭂᬦ᭄ᬦᬾᬄᬓᬤᬂᬗᬶᬧᬸᬦ᭄᭞ᬧᬸᬮᬶᬄᬢ᭄ᬬᬲ᭄ᬲᬾᬲᬕᬸᬂᬧ᭄ᬭᬚᬸᬭᬶᬢ᭄᭞ᬫᬸᬮᬢ᭄ᬢᬶᬂᬧ᭄ᬭᬪᬸᬦ᭄ᬦᬶᬭ᭞ᬢᬸᬳᬸᬬᬾᬦ᭄ᬩᬶᬦᬕᬸᬲ᭄᭞ᬮᬶᬃᬪᬝᬵᬭ᭠
