[᭙᭖ 96B]
᭙᭖
ᬦᬓ᭄ᬢᭂᬧᬸᬓ᭄ᬧᬸᬢᬶᬄᬲᬸᬩᬵᬢᬸᬯ᭄ᬯᬧ᭄ᬭᬸᬢ᭄ᬢᬾᬫ᭄ᬧᬂᬧᬾᬘᬾᬂᬕᬸᬤᬶᬕ᭄ᬳᭀᬮᬲ᭄ᬫᬢᬸᬚᬸᬯᬶᬦ᭄ᬳᬫ᭄ᬩᬄᬢ᭄ᬓᬢᬶᬢ᭄ᬬᬂᬦᬸᬳᬸᬢ᭄ᬫᬗ᭄ᬮᬯᬸᬢ᭄᭟ᬳᬗᬶᬂᬫᬃᬕ᭄ᬕᬮᬶᬲᬶᬓ᭄ᬱᬭᬸᬫ᭄ᬕᬢ᭄ᬫᭂᬕᬢ᭄ᬫ᭄ᬕᬢ᭄ᬢᬸᬓᬤ᭄ᬢᭀᬤᬶᬢᬸᬫᬗᭂᬜ᭄ᬚᭂᬓᬶ
ᬦ᭄ᬩᬢᬸᬩ᭄ᬮᬶᬕ᭄ᬜᬦᬾᬢᬶᬤᭀᬂᬕᬶᬕᬶᬲ᭄ᬧᬶᬦ᭄ᬤᬜᬫᬤᬦ᭄ᬤᬦ᭄ᬮᬶᬫᬢᬓᬸᬢ᭄ᬩᬓᬮ᭄ᬜᬯᬸᬄᬫᬦᭂᬧᬾᬦᬶᬦ᭄ᬚᬸᬭᬂᬲᬕᬾᬢ᭄ᬦᭀᬢ᭄ᬢᬶᬢ᭄ᬬᬂᬕᬸᬲ᭄ᬢᬶᬭᬱᬜᬩᬸᬓᬤᬶᬚᬵᬳᬚᬦ᭄ᬢᭀᬲ᭄ᬢᬶᬢ᭄ᬬᬂᬓᬤᬮᭀᬦ᭄ᬗᬸᬬᬸᬦ᭄
᭟ᬳᬶᬬᬬᬸᬫᬲᬳᬸᬢ᭄ᬩᬸᬓᬵᬗᬮᬧ᭄ᬘᬶᬢ᭄ᬣᬵᬫᬜ᭄ᬚᬸᬭᬸᬢ᭄ᬲ᭄ᬫᬸᬕᬸᬬᬸᬩ᭄ᬮᬶᬧᭀᬮᬶᬄᬢᬸᬭᬸᬦ᭄ᬯᬧ᭄ᬦᬩᬳᬸᬤᬶᬫᬃᬕ᭄ᬕᬶᬢᬶᬢ᭄ᬬᬂᬓᬢᬸᬗ᭄ᬓᬸᬮᬦ᭄ᬫᬦᭂᬫ᭄ᬢᭂᬫ᭄ᬫᬚᬮᬦ᭄ᬫᬮᬸᬦᬧᬸᬧᬶᬘᬗ᭄ᬕᬜᬲ᭄ᬯᬧ᭄ᬦᬦᬾᬫᬰᬸᬘᬶᬳᬧᬵᬚᬵ
ᬦ᭄ᬢᭀᬕᬸᬲ᭄ᬢᬶᬮᬾᬦᬦ᭄ᬲᬶᬧ᭄ᬢᬦ᭄ᬤᬾᬯᬾᬓ᭄ᬢ᭄ᬓᬾᬦ᭄ᬳᬶᬭᬢᬸ᭟ᬩᬓᬮ᭄ᬗᬢ᭄ᬧᬸᬓᬶᬦ᭄ᬮ᭄ᬯᬶᬄᬤᬶᬓᬳ᭄ᬬ᭠ᬗᬦ᭄ᬫᬃᬕ᭄ᬕᬶᬦ᭄ᬤᬾᬯᬵᬤ᭄ᬥᬵᬮᬦ᭄ᬢᬸᬤ᭄ᬫᬚᬮᬦ᭄ᬫᬗ᭄ᬮᬯᬸᬢ᭄ᬤᬶᬩᬶᬓᬲ᭄ᬢᬗ᭄ᬓᭂᬧᬾᬕᬶᬧᬶᬄᬫᬩᬸᬤᬶᬗᬾᬗ᭄ᬕᬮᬂ
[᭙᭗ 97A]
ᬓᬸᬤ᭄ᬬᬂᬳᬦᬓ᭄ᬫᬸᬮᬵᬍᬫᬸᬄᬮ᭄ᬫᭂᬢ᭄ᬫᬳᬸᬮᬸᬯᬦ᭄ᬤᬾᬫ᭄ᬧᭀᬤᬾᬫ᭄ᬧᭀᬫᬫᬃᬕ᭄ᬕᬶᬗᭂᬦᬄᬚᬗ᭄ᬕᭂᬮ᭄ᬩᬸᬲᬦ᭄ᬩᬸᬲᬦ᭄ᬩᬳᬦ᭄ᬢᬬᬸᬗᬦᬾᬫᬍᬗ᭄ᬓᬸᬂ᭟ᬫᬗᬦ᭄ᬢᬸᬦᬦ᭄ᬢᬸᬦ᭄ᬫᬫᬃᬕ᭄ᬕᬶᬫᬓᬮᬶᬳᬦ᭄ᬤᬦᬾᬲᬶᬫᬓ
ᬮᬗᬹᬦ᭄ᬲᬶᬂᬚᬮᬦ᭄ᬫᬢᬸᬦ᭄ᬢᬸᬦ᭄ᬲᬫ᭄ᬩᬶᬮ᭄ᬫᬫᬃᬡ᭄ᬦᬓᬭᬰ᭄ᬫᬶᬦ᭄ᬫᬳᬯᬶᬦᬦ᭄ᬓᬭᬲ᭄ᬦᬾᬍᬫ᭄ᬩᬸᬢ᭄ᬫ᭄ᬯᬂᬢᬦᬄᬕᬭᬸᬂᬗ᭄ᬮᬯᬸᬢ᭄ᬫᬲᬸᬲᬸᬧᬦ᭄ᬦᬸᬳᬸᬢ᭄ᬲᬾᬮ᭄ᬯᬦ᭄ᬧᬲᬶᬲᬶᬜ᭄ᬚᬚᬄᬓᬮᬗᭂᬦᬾᬫ᭄ᬮᬄᬳᬧᬦ᭄ᬫᬲᬦ᭄ᬩᬸᬗ
ᬦᬾᬫᬭᬹᬫ᭄᭟ᬲᬸᬩᬵᬲᬯᬢ᭄ᬩ᭄ᬦᭂᬄᬓᬗᬶᬦ᭄ᬗ᭄ᬮᬶᬯᬢ᭄ᬲᭀᬯᬦ᭄ᬜᬦ᭄ᬤᬶᬂᬳᬮᬲ᭄ᬫ᭄ᬯᬂᬕᬸᬦᬸᬂᬫ᭄ᬕᬢ᭄ᬧᬮᬸᬄᬧᬮᬸᬄᬧᬲᬶᬳᬾᬧᬘᬂᬗᬫ᭄ᬧᭂᬢᬶᬦ᭄ᬫᬧᭂᬦᬶᬂᬧᬹᬃᬡ᭄ᬦᬫᬵᬓ᭄ᬩᭂᬓ᭄ᬫᬦ᭄ᬫᭀᬦᬶᬦ᭄ᬓ᭄ᬭᬸᬧᬸᬢ᭄ᬜ
ᬭᬦ᭄ᬢᬾᬦ᭄ᬤᬶᬚᬮᬦ᭄ᬯᬲ᭄ᬢ᭄ᬭᬦ᭄ᬤᬦᬾᬦᬾᬍᬘᬶᬕ᭄ᬩᬸᬲᬦ᭄ᬩᬸᬲᬦ᭄ᬫᬘᬶᬂᬘᬶᬗᬦ᭄ᬫᬰᬶᬄᬗ᭄ᬕᬯᬾᬤ᭄ᬫᭂᬦ᭄ᬫᬢᬸᬦ᭄ᬢᬸᬦ᭄᭟ᬤᬶᬧᬭᬗᬦᬾᬫᬗᬶᬗ᭄ᬕᬶᬮ᭄ᬫᬭᬃᬬ᭄ᬬᬦ᭄ᬧᬦ᭄ᬤᬦ᭄ᬭᬗ᭄ᬓᬗᬾᬗᬸᬗ᭄ᬓᬸᬮ᭄ᬳᬸᬫᬜᬦ᭄ᬤᬶᬂᬧᬭᬸᬂ᭠
Kaca:Bali-lontar-gaguritan-maselong-ka-jembrana-350ppi.pdf/97
Kaca puniki sampun kauji-wacén
