[᭗᭘ 78B]
᭗᭘
ᬤᬦᬾᬯᬢ᭄ᬣᬫᬰᬸᬘᬶ᭞ᬫᬮᬶᬮᬶᬢ᭄ᬲᬧᬦᬶᬲ᭄ᬓᬭᬵ᭞ᬭᬭᬶᬲ᭄ᬫᬗ᭄ᬮᬸᬫᬄᬭᬶᬂᬧ᭄ᬢᬶ᭞ᬲᭀᬢᬦᬶᬂᬢᬦ᭄ᬧᬲᬳᬬ᭞ᬧᬸᬗ᭄ᬓᬸᬃᬚᬸᬫᬄᬘᬫᬦᬳᬶᬦ᭄᭚᭜᭚ᬩᬸᬫᬭᬵᬧ᭄ᬢᭂᬂᬫ᭄ᬢᭂᬗᬵᬂᬭᬱᬦ᭄ᬳᬶᬥᭂᬧ᭄ᬢᬶᬢ᭄ᬬᬗᬾᬳᬶᬩᬸᬄ
ᬧᬮᬶᬂᬧᬦᬓ᭄ᬳᬸᬲᬶᬂᬤᬤᬶᬩᬗᬸᬦ᭄ᬓ᭄ᬩᬸᬲ᭄ᬩᬳᬂᬫᬸᬮᬗ᭄ᬲᬃᬳᬗ᭄ᬓᬶᬳᬦᬾᬓᬓᬸᬧᬶᬂᬮᬓᬸᬜᬧᭂᬲᬸ᭞ᬩᭂᬮ᭄ᬩᭂᬍᬦ᭄ᬳᭂᬦ᭄ᬧᭂᬢ᭄ᬤᬶᬢ᭄ᬗᬄᬫᬦᬕᬶᬄᬳᭂᬗ᭄ᬓᬳᬶᬦ᭄ᬓᬸᬧᬶᬂ᭟ᬧᬶᬂᬢ᭄ᬮᬸᬗ᭄ᬮᬶᬫᬸᬄᬳᬳ᭄ᬚᬫ᭄ᬫᬭᬵᬳᬶᬗᭂᬢ᭄ᬫᬸᬜᬶᬦᬾᬗᬰᬶᬄ
ᬳᬰᬶᬄᬳᬶᬗ᭄ᬕᬶᬄᬢᬸᬮᬸᬂᬢᬶᬢ᭄ᬬᬂᬳᬶᬩᬸᬅ᭄ᬫᬦᬄᬢᬶᬢ᭄ᬬᬗᬾᬭᬸᬲᬓ᭄ᬲᬲᬗᬶᬬᬂᬢᬶᬢ᭄ᬬᬂ᭠ᬫᬗ᭄ᬤᬵᬧᬜ᭄ᬚᬂᬳᬸᬫᬹᬃᬳᬤᬶᬫᬥᬾᬲᬵᬫ᭄ᬧᬸᬦ᭄ᬓ᭄ᬘᬕ᭄ᬲᬶᬭᬵᬗᬶᬭᬶᬂᬩᬸᬅᬶᬭᬶᬓᬶ᭟ᬫᬲᬳᬸᬢ᭄ᬩᬳᬦ᭄ᬬᬾᬄᬫ
ᬢ᭄ᬣᬵᬭᬱᬳ᭄ᬜᬕ᭄ᬢ᭄ᬯᬭᬦᬸᬗ᭄ᬮᬄᬳᬸᬭᬶᬧ᭄ᬢᬸᬢᬶᬂᬢᬸᬮᬂᬤᭂᬓ᭄ᬤᭂᬓ᭄ᬋᬫ᭄ᬧᬸᬄᬳᬚᬸᬃᬤᬤᬶᬬᬾᬄᬫᬢ᭄ᬣᬓ᭄ᬭᬡᬢᬦ᭄ᬤ᭄ᬭᬸᬄᬓᬾᬦ᭄ᬧᬦᬶᬢᬄᬲᬂᬳ᭄ᬬᬂᬢᬸᬤᬸᬄᬫᬓᬵᬤᬶᬭᬶᬂᬳ᭄ᬬᬂᬯᬶᬥᬶᬯᬰᬲᬶᬂᬧᬶᬲᬦ᭄ᬓᬳᬦᬦ᭄ᬳᬰᬶᬄ
[᭗᭙ 79A]
᭟ᬲᬶᬂᬧᬶᬲᬦ᭄ᬧᬫ᭄ᬩᭂᬓᬦ᭄ᬤᬾᬯ᭄ᬯᬤᬾᬯ᭄ᬯᬤᭂᬗ᭄ᬕᬶᬫᬶᬤᬦ᭄ᬤᬵᬲᬳᬶᬲᬳᬶᬬᬦ᭄ᬳᬓᬸᬤᬂᬓᬸᬤᬂᬢᬳᬸᬦ᭄ᬧᬶᬦᬳᬦ᭄ᬲᭀᬮᬲ᭄ᬢᭂᬫ᭄ᬯᬂᬫᬗᬸᬓᬸᬫᬶᬦ᭄ᬮᬭᬩᬭᬵᬤᬸᬄᬓᬵᬳᬾᬬᬸᬄᬯᬮᬸᬬᬵᬧᬶᬢᬺᬓᬲᬲᬃᬓ᭄ᬩᬸᬲᬾᬢᬦ᭄ᬲᬶ
ᬧᬶᬲᬶᬧᬶ᭟ᬤᬤᬶᬗᬸᬧᬯᬤᬵᬤᬾᬯ᭄ᬯᬚ᭄ᬭᭀᬦᬶᬂᬳᬶᬥᭂᬧ᭄ᬗᬸᬤ᭄ᬬᬂᬓᬦ᭄ᬢᬶᬗᬫᬶᬓ᭄ᬫᬶᬓ᭄ᬜᬦ᭄ᬓ᭠ᬤᬾᬜᬲᬓᬶᬢ᭄ᬩᬸᬤᬸᬄᬧᬬᬸᬮᬘᬹᬃᬫᬩ᭄ᬮᬕ᭄ᬩᬕ᭄ᬳᬶᬤᬵᬤᬾᬯ᭄ᬯᬫᬸᬮᬵᬲᬓ᭄ᬢᬶᬤᬶᬩ᭄ᬬᬘᬓ᭄ᬱᬸᬲᬶᬂᬤᬩᬶᬦᬵᬓᬾ
ᬦ᭄ᬓᬫᭀᬓ᭄ᬱᬦ᭄ᬤᬶᬚᬵᬳᬤᬯᬶᬓᬸᬜ᭄ᬭᬶᬢ᭄᭟ᬲᬦᬾᬲᬵᬫ᭄ᬧᬸᬦ᭄ᬓᬲ᭄ᬢᬾᬰ᭄ᬯᬃᬬ᭄ᬬᬦ᭄ᬓᬮᬵ᭠ᬳᬶᬤᬵᬗᬸᬢ᭄ᬧ᭄ᬢᬶᬲᬂᬳ᭄ᬬᬂᬯᬶᬥᬶᬭᬾᬄᬢᬶᬢ᭄ᬬᬂᬲᭀᬢᬦᬶᬂᬓᭀᬮᬸᬕ᭄ᬳᬶᬦᬵᬕᬸᬡᬓᬢᬸᬦᬦ᭄ᬮᬸᬤᬶᬦ᭄ᬮ᭠
ᬭᬤᬸᬄᬓᬶᬢ᭄ᬣᬲᬢᬸᬗ᭄ᬕᬸᬦ᭄ᬢᬸᬯᬸᬄᬳᬄᬧᬶᬲᬦ᭄ᬕ᭄ᬫᭂᬲ᭄ᬫᬢᬶᬬᬂᬲᬶᬭᬯᬾᬦ᭄ᬢᭂᬦ᭄ᬦᬸᬦᬲ᭄ᬳᬸᬭᬶᬧ᭄᭟ᬦᬸᬦᬲ᭄ᬳᬶᬦ᭄ᬤᬬᬂᬲᬶᬮᬸᬭᬂᬤᬤᭀᬲ᭄ᬳᭀᬓᬦ᭄ᬭᬢᬸᬳᬜᬓ᭄ᬭᬯᬃᬢ᭄ᬢᬶᬭᬶᬂᬳᬫ᭄ᬮᬵᬦᬵᬕᬭᬵᬢᬸᬭᬸᬦ᭄ᬗ᭄ᬳᬶᬲᬵᬫ᭄ᬧᬸᬦᬂ
Kaca:Bali-lontar-gaguritan-maselong-ka-jembrana-350ppi.pdf/79
Kaca puniki sampun kauji-wacén
