[᭕᭓ 53B]
᭕᭓
ᬦ᭄ᬲᬶᬜᬦ᭄ᬤᬂᬲᬶᬂᬳᬤᬵᬳᬫ᭄ᬩᬄᬧᬢᬸᬢ᭄ᬲᬳᬶᬲᬳᬶᬧᬮᬶᬂᬫᬓ᭄ᬚᬂᬫᬯᬓ᭄ᬧᬜᬓᬶᬢ᭄᭠ᬤᬾᬦᬶᬂᬢ᭄ᬯᬭᬦᬯᬂᬗᬶᬗᭂᬢᬶᬦ᭄ᬦᬾᬲ᭄ᬤᭂᬂᬕᬸᬕᬸᬲᬕᬾᬢ᭄ᬫᬸᬲᬸᬄᬕᬮᬓ᭄ᬤᭀᬧ᭄ᬤᭀᬧ᭄ᬩᬓᬢ᭄ᬳᬸᬩᬸᬯᬶᬦ᭄ᬓ᭠
ᬮᬶᬗᬦᬾᬢ᭄ᬯᬕ᭄ᬢᬶᬂᬢᬯᬂᬗᬶᬗᭂᬢᬶᬦ᭄ᬦᬾᬜᬦ᭄ᬤᬂᬕᬸᬭᬸ᭟ᬧ᭄ᬮᬶᬄᬢᬓᭂᬄᬲᬳᬶᬲᬳᬶᬩᬢᭂᬓ᭄ᬩᭂᬮᭀᬕᬾᬓᬤᬸᬭᬸᬲ᭄ᬢᬦ᭄ᬤ᭄ᬭᬸᬳᬶᬂᬧᬗᬶᬦ᭄ᬤ᭄ᬭᬵᬚᬮᬵᬓ᭄ᬦᬵᬳᬸᬧᬬᬲᬦ᭄ᬤᬶᬫᬢ᭄ᬣᬢ᭄ᬯᬭᬩᬶᬱᬫᬯᬲ᭄ᬦᬾᬢᬺ
ᬱ᭄ᬡᬳᬶᬦ᭄ᬤᬤᬶᬗᬧᬸᬲ᭄ᬲᬶᬗ᭄ᬤᬤᬤᬶᬲᬾᬯᬓᬬᬂᬳᬯᬓᬾᬧᬬᬸᬫᬳᬶᬫ᭄ᬧᬸᬲ᭄᭞ᬳᬧᬦ᭄ᬧᬦᬺᬧ᭄ᬝᬶᬦ᭄ᬳ᭄ᬬᬂᬯᬶᬥᬶᬤᬶᬓᬮᬶᬦ᭄ᬕᬸᬫᬶᬦᬾᬢᬸᬫ᭄ᬩᬸᬄᬚ᭄ᬜᭂᬂᬲᬸᬲᬸᬧᬶᬦ᭄ᬩᬩᬸᬝᬵᬦ᭄ᬓ᭄ᬦᭂᬄᬕᬸᬫᬶᬦᬾᬫᬲᬮᬶᬦ᭄ᬧᬗ
ᬢᬕᬶᬂᬓᬮᬶᬬᬸᬕ᭄ᬕᬵᬕᬦ᭄ᬢᬶᬦᬾᬫᬗ᭄ᬮᬳᬸᬢ᭄ᬳᬚᬹᬃᬭᬚᬧᬶᬲᬸᬦᬦᬾᬫᬗᬦ᭄ᬦᬾᬘᭀᬭᬄᬮᭀᬩᬓᬕᬸᬕᬸ᭟ᬦᬄᬤ᭄ᬧᬂᬚᬦᬶᬢᬦ᭄ᬤᬗᬶᬦ᭄ᬲᬢᭂᬓᬜᬧᬦᬶᬢᬄᬲᬂᬳ᭄ᬬᬂᬢᬸᬤᬸᬄᬲ᭄ᬓᬮᬂᬦᬸᬳᬶᬤᬸ
[᭕᭔ 54A]
ᬧ᭄ᬲᬧᬓᬬᬸᬦ᭄ᬲᬂᬳ᭄ᬬᬂᬯᬶᬥᬶᬗᬶᬘᬾᬦᬶᬦ᭄ᬳᬸᬓ᭄ᬓᬸᬫᬦ᭄ᬗᬗ᭄ᬕᭀᬦ᭄ᬯᬬᬂᬲᬧᬦᬸᬤᬸᬄᬗᬶᬤᭂᬭᬶᬦ᭄ᬩᬸᬯᬦᬵᬢᬯᬗᬾᬫᬓ᭄ᬮᬶᬃᬳᬶᬤᬵᬲᬂᬳ᭄ᬬᬂᬲᬹᬃᬬ᭄ᬬᬘᬦ᭄ᬤ᭄ᬭᬵᬬᬦ᭄ᬧᬃᬡ᭄ᬦᬬᬂᬧᬶᬦᬓᬵᬲᬸᬮᬸᬄ᭟ᬳ
ᬓᬾᬢᭀᬩᬳᬦ᭄ᬫᬮᬶᬮᬵᬫᬜᬭᬸᬯᬂᬓ᭄ᬦᭂᬳᬾᬲᬳᬶᬳᬶᬩᬸᬓ᭄ᬳᬧᬂᬳ᭄ᬤᬩᬸᬤᬸᬄᬓᬢᬶ᭠ᬜ᭄ᬚᭀᬢ᭄ᬩᬬᬸᬦᬾᬧᬮᬶᬂᬳᬓᬸᬤᬢᬫ᭄ᬧᭂᬤᬂᬫᬮᬦᬾᬮᬶᬬᬸᬫᬤᬸᬕ᭄ᬤᬸᬕ᭄ᬩᬦ᭄ᬲᬳᬶᬫᬕᬤᬂᬓᬶᬬ
ᬧᬾᬳᬶᬮᬂᬕᬢᬶᬫᬢᬦᬾᬧ᭄ᬤᬶᬄᬓᬶᬤᭂᬫ᭄ᬫᬂᬫᬦᬲ᭄ᬤᬶᬗᬶᬦ᭄ᬲᬧᬸᬢᬶᬦ᭄ᬓᭂᬩᬸᬲ᭄᭚᭜᭚ᬓᭂᬤᬶᬭᬶ᭚ᬧᬹᬭ᭄ᬯᬦᬶᬗ᭄ᬳᬗᬧᬶᬓᬸᬭᬶᬢ᭄ᬳᬧᬦ᭄ᬲᬶᬦᬺᬗ᭄ᬯᬶᬦᬶᬤᬶᬤᬾᬦᬶᬂᬢᬸᬯᬦ᭄ᬳᬓᬃᬬ᭄ᬬᬕᬶᬢ᭄ᬚᬵᬤᬸᬄ
ᬲᬶᬗ᭄ᬕᬶᬄᬧᬸᬓᬸᬮᬸᬦ᭄ᬓᬳᬸᬮᬵᬦᬸᬳᬸᬦ᭄ᬓᬧ᭄ᬢᬶᬢᬦ᭄ᬮᬗ᭄ᬕᬦᬵᬭᬶᬲᬚ᭄ᬜᬦ᭄ᬢᬫᬗ᭄ᬓᬾᬓᬶᬧᬦ᭄ᬓᬕᬸᬗᬦ᭄ᬲᬸᬰ᭄ᬭᬸᬲ?ᬳᬾᬂᬫᬦᬄᬩᬓ᭄ᬢᬶᬗ᭄ᬳᬢᬸᬯᬦ᭄ᬢᬦ᭄ᬓ᭄ᬦᬾᬂᬗᬸᬕᬳᬸᬕᬄᬲᬯ᭄ᬬᬓ᭄ᬢᬶᬮ᭄ᬯᬶᬃᬓᬸᬓᬸᬄᬦᬶᬓᬂᬧᬃᬯ᭄ᬯᬢ᭄ᬢ᭞
Kaca:Bali-lontar-gaguritan-maselong-ka-jembrana-350ppi.pdf/54
Kaca puniki sampun kauji-wacén
