[᭑᭔᭔ 144B]
᭑᭔᭔
ᬬ᭄ᬯᬦ᭄ᬫᬓᬤᬶᬓᬳᬶᬘᬾᬦ᭄ᬫᬸᬮᬶᬄᬢᬸᬮᬓ᭄ᬓᬵᬫ᭄ᬮᬦᬵᬕᬭᬶ᭞ᬦᬾᬳᬧ᭄ᬢᬶᬤᬶᬚ᭄ᬭᭀᬦᬶᬂᬢᬓᬸ᭠ᬩᬸᬫᬭᬵᬢᬢᬲᬼᬫᬄᬫᬋᬚᬵᬲᬤ᭄ᬥᬵᬫ᭄ᬭᬥᬗᬶᬦ᭄ᬲᬕᬾᬢ᭄ᬢᭂᬓᬵᬤᭀᬓᬃᬳᬸᬮᬶᬤᬶᬮᭀᬮᭀᬯᬦ᭄᭟
ᬤᭀᬓᬃᬫᬾᬮᭀᬃᬲᬸᬩᬗᬫ᭄ᬩ᭄ᬬᬃᬤᬶᬫᬃᬕ᭄ᬕᬦᬾᬮᬶᬬᬸᬕᬢᬶᬲᬸᬳᬸᬤ᭄ᬫᬤᬩ᭄ᬥᬩ᭄ᬧᭂᬲᬸᬯᬦ᭄ᬫ᭄ᬦᬾᬓ᭄ᬤᬶᬤᭀᬓᬭᬾᬲᬫᬶᬫᬾᬮᭀᬭᬾᬧᬶᬦᬶᬭᬶᬳᬶᬦ᭄ᬧᬶᬦᬓᬵᬤᬶᬦᬶᬂᬧᬧᬸᬘᬸᬓ᭄ᬦᬸᬤᬸᬄᬗᬶᬬᬳᬂᬳᬫ᭄ᬩᬄ
ᬯᬶᬭᬾᬄᬫᬮᬶᬬᬸᬜᭂᬩᬶᬢ᭄ᬧᬂᬤᬵᬧᬮᬶᬂᬤᬾᬦᬶᬂᬢ᭄ᬯᬭᬦᬯᬂᬧᬬᬃ᭟ᬧᬚᬮᬦᬾᬕᬕᬗ᭄ᬲᬭᬦ᭄ᬲᬕᬾᬢ᭄ᬗᭂᬦᬄᬕ᭄ᬥᭀᬂᬧᬸᬢᬶᬄᬳᬦ᭄ᬤᬸᬲᬾᬜᬼᬕ᭄ᬓᬭᬸᬭᬵᬫᬗᬗᭀᬩ᭄ᬳᬗᭀᬩᬂᬳᬢᬶ
ᬓᭀᬘᬧ᭄ᬫᬳᬤᬦ᭄ᬧᬩ᭄ᬭᬶᬓ᭄ᬫᬸᬜᬶᬦᬾᬕ᭄ᬥᬾᬫᬘ᭄ᬩᬸᬂᬫᬳᬶᬭᬶᬩ᭄ᬲᬸᬗᬹᬦ᭄ᬓᬨᬮ᭄ᬲᬕᬾᬢ᭄ᬲᬫ᭄ᬧᬶᬮᬶᬬᬸᬕᬢᬶᬢᬹᬭᬵᬫᬧᬬᬲ᭄ᬢᬦ᭄ᬤᬸᬓᬾᬫᬧᭀᬦ᭄ᬢᬂᬲ᭄ᬮᬓᬵ᭟ᬫᬩᬸᬗᬵᬫᬳᭀᬗ᭄ᬕᬃᬳᭀ
[᭑᭔᭕ 145B]
ᬗ᭄ᬕᬃᬫᬸᬜᬶᬦ᭄ᬕᭂᬫ᭄ᬩᭂᬂᬜᬦᬾᬯᬶᬗ᭄ᬮᬶᬲ᭄ᬫᬶᬭᬶᬩ᭄ᬢᬫ᭄ᬩᬸᬃᬬᬦ᭄ᬧᬃᬡ᭄ᬦᬬᬂᬦᬾᬗᬢᭂᬄᬫᬳᬶᬭᬶᬩ᭄ᬩᬭᬶᬲ᭄ᬧᬢᬸᬄᬫᬓ᭄ᬮᬫ᭄ᬩᬶᬧᬸᬢᬶᬄᬫᬳᬸᬤᭂᬂᬫᬩᬸᬗᭃᬧᬸᬘᬸᬓ᭄ᬲᬧᬸᬢ᭄ᬲᬸᬢᬺᬫᬩᬶᬦ᭄ᬢᬂᬫᬲᬼᬢ᭄ᬓᬮᬾᬯᬂᬲᬫᬶᬲᬳᬸᬂᬜ
ᬦᬾᬫᬓ᭄ᬚᬂᬫᬧᭀᬦ᭄ᬢᬂᬲ᭄ᬮᬓᬵ᭟ᬫᬚᬮᬦ᭄ᬗᭂᬩᭂᬓᬶᬦ᭄ᬫᬃᬕ᭄ᬕᬵᬲᬫ᭄ᬧᬶᬕ᭄ᬥᬾᬕ᭄ᬥᬾᬕᬢᬶᬲᬯ᭠ᬢᬭᬳᬤᬵᬲᬢᬓ᭄ᬳᬤᬗᬋᬧᬶᬦ᭄ᬫᬸᬗ᭄ᬓᬸᬭᬶᬦ᭄ᬗᬧᬶᬢᬂᬩᬶᬮᬂᬲᬵᬫ᭄ᬧᬶᬂᬳᬯᬓᬾᬤᬶᬢ᭄ᬗᬄᬫᬸᬗ᭄ᬕᬸᬄ
ᬲᬫ᭄ᬧᬶᬦᬾᬩᭀᬄᬫᬓ᭄ᬚᬂᬢᬸᬢᬸᬢ᭄ᬫᬶᬭᬶᬩ᭄ᬦ᭄ᬤᬶᬗᭂᬄᬫᬸᬜᬶᬤᬶᬘᬭᬶᬓᬾᬲᬫ᭄ᬧᬶᬲᬕᬾᬢ᭄ᬮᬶᬬᬸᬧᬶᬲᬦ᭄᭟ᬤᬶᬘᬭᬶᬓᬾᬲᬸᬭᬓ᭄ᬱᬸᬭᬓ᭄ᬳᬚᬸᬫ᭄ᬲ᭄ᬩᭂᬗᬾᬧᬩᬮᬶᬄᬢᬹᬃᬗᬩᬵᬧ᭄ᬘᬸᬢ᭄ᬫᬓ᭄ᬚᬂᬲᬸᬭᬓᬾ
ᬫᬯᬦ᭄ᬢᬶᬯᬦ᭄ᬢᬶᬭᬫ᭄ᬬᬫ᭄ᬮᬄᬧᬩᬮᬶᬄᬮᬶᬯᬢ᭄ᬘᬭᬶᬓ᭄ᬤᬾᬰᬲᬵᬫ᭄ᬧᬸᬦ᭄ᬫᬃᬕ᭄ᬕᬦᬾᬗᬫ᭄ᬦᬾᬓᬂᬲ᭄ᬭᬶᬧᬶᬢ᭄ᬢᭀᬂᬤᬤᬶᬤᭀᬓᬭᬶᬦ᭄ᬧᬬᬸᬢᬸᬳᬸᬦ᭄ᬫᬚᬮᬦ᭄ᬗᬚᬓ᭄ᬫᬓ᭄ᬚᬵᬂ᭚᭜᭚ᬢ᭄ᬯᬭᬫᬭᬶ᭠
Kaca:Bali-lontar-gaguritan-maselong-ka-jembrana-350ppi.pdf/145
Kaca puniki sampun kauji-wacén
