[᭑᭔᭐ 140B]
᭑᭔᭐
ᬦ᭄ᬭᬯᬸᬄᬭᬶᬂᬢᬫᬦ᭄ᬫᬲᬶᬭᬫ᭄ᬕ᭄ᬮᬶᬲ᭄᭞ᬳᬶᬤᬵᬧᬸᬢᬸᬫᬫ᭄ᬩᬮ᭄᭞ᬳᬶᬤᬵᬬᬸᬤᬬᬸᬦᬾᬲᬫᬶ᭞ᬳᬸ᭠ᬲᬦ᭄ᬫᬲᬶᬭᬫ᭄ᬫᬧᬬᬲ᭄᭟ᬤᬡ᭄ᬥᬅᬓᬭᬂᬲᬋᬂᬤᬬᬸᬫᬥᬾᬭᬳᬶ᭞ᬫᬬᬲᬶᬦ᭄ᬭᬶᬂᬢᬫᬦ᭄᭞ᬫᬗ᭄ᬕᬮᬵᬳᬶ᭠
ᬤᬵᬬᬸᬲᬸᬘᬶ᭞ᬧᬧᬭᬱᬦᬾᬫᬩᭂᬗᬤ᭄᭟ᬕᬶᬕᬶᬳᬢᬧ᭄ᬫᬲᬶᬲᬶᬕ᭄ᬧᬢ᭄ᬧᬢ᭄ᬫᬲᬗ᭄ᬮᬶᬂ᭞ᬳᬧᬶᬢ᭄ᬲᬼᬫ᭄ᬜᬮᬂ᭞ᬓ᭄ᬫᬶᬓᬦ᭄ᬮᬕᭂᬲ᭄ᬳᬫᬦᬶᬲ᭄᭞ᬭᬲᬵᬗᭂᬜ᭄ᬘᭀᬃᬕᬸᬮᬵᬤ᭄ᬭᬯ᭄ᬯᬵ᭟ᬳᬲᬶᬦ᭄ᬧᬳᬸᬢ᭄ᬘᬘᬸᬦ᭄ᬤᬸᬓ᭄ᬢᬗ᭄ᬕᬸᬮᬶ
ᬕᭂᬦ᭄ᬤᬶᬂ᭞ᬩᬦ᭄ᬳᭂᬫᬵᬲ᭄ᬳᬘᬭᬂ᭞ᬗᬭᬾᬤᬾᬧ᭄ᬲᬸᬳᬸᬤ᭄ᬫᬲᬗ᭄ᬮᬶᬂ᭞ᬫᬓᬫ᭄ᬩᭂᬦ᭄ᬲᬸᬢᬺᬫᬩᬶᬦ᭄ᬢᬂ᭟ᬲᬩᬸᬓ᭄ᬱᬸ᭠ᬢᬺᬧᬸᬢᬶᬄᬫᬓᬓᭂᬫ᭄ᬩᬂᬳᬮᬶᬫ᭄᭞ᬫᬭᬫ᭄ᬩᬸᬩᬦ᭄ᬭᭀᬬᬄ᭞ᬲᬗ᭄ᬓᬸᬳᬸᬩ᭄ᬫᬧᬳᬸᬢ᭄ᬳᬲᬶᬦ᭄᭞ᬩᬢᬶᬓ᭄ᬲᬸᬢᬺᬧᬸᬢᬶᬄ
ᬋᬫ᭄ᬩᬂ᭟ᬤᬬᬸᬲ᭄ᬬᬂᬲᬋᬂᬭᬶᬂᬳᬶᬤᬵᬬᬸᬭᬢᬶᬄ᭞ᬓᬫ᭄ᬩᭂᬦ᭄ᬲᭀᬗ᭄ᬓᬾᬢ᭄ᬤᬯᬵ᭞ᬥᬥᬸᬧᬢᭂᬄᬲᬋᬂᬓᬮᬶᬄ᭞ᬲᬲᬩᬸᬓ᭄ᬲᬸᬢᬺᬱᬮ᭄ᬕᬥᬂ᭞ᬳᬦ᭄ᬢᭂᬂᬩᬗ᭄ᬲᬶᬂᬩᬶᬜᬸᬫᬵᬲ᭄ᬢᬶᬫ᭄ᬩᬗᬾᬳᬮᬶᬫ᭄᭞ᬩᬸᬗ᭄ᬳᬵᬳᬗ᭄ᬕ᭄ᬭᬾᬓ᭄ᬳᭂ
[᭑᭔᭑ 141A]
ᬫᬲ᭄᭞ᬫᬩᬸᬗ᭄ᬓᬸᬂᬳᬶᬦ᭄ᬢᭂᬦ᭄ᬧᬓ᭄ᬭᬶᬦᬶᬂ᭞ᬢᬹᬃᬫᬕ᭄ᬮᬂᬧᬧᬢᬸᬳᬦ᭄᭟ᬤᬵᬬᬸᬢᬶᬃᬢ᭄ᬣᬤᬵᬬᬸᬋᬩᭂᬄᬤᬵᬬᬸᬧᬶᬗ᭄ᬕᬶᬮ᭄᭞ᬲᬋᬂᬤᬬᬸᬦᬫ᭄ᬫ᭞ᬫᬓᬫ᭄ᬩᭂᬦ᭄ᬫᬩᬶᬦ᭄ᬢᬂᬲᬫᬶ᭞ᬲᬩᬸᬓ᭄ᬱᬸᬢᬺᬓᬸᬦᬶᬂᬮᭀᬓ᭄ᬘ᭄ᬯᬦ᭄᭟ᬳ᭠
ᬦ᭄ᬢᭂᬂᬩᬗ᭄ᬲᬶᬂᬗᬸᬮᬾᬮᬫ᭄ᬩᬶᬜᬸᬫᬲ᭄ᬓᬸᬦᬶᬂ᭞ᬫᬩᬸᬗ᭄ᬳᬵᬓᬘᬶᬢᬵ᭞ᬗᬭᬾᬤᬾᬧ᭄ᬲᬸᬳᬸᬤ᭄ᬫᬲᬗ᭄ᬮᬶᬂ᭞ᬳ᭄ᬤᬵᬳᬗ᭄ᬕ᭄ᬭᬾᬓ᭄ᬰᬰᬶᬄᬳ᭄ᬫᬲ᭄᭟ᬧᬧᬢᬸᬳᬦ᭄ᬫᬕ᭄ᬮᬂᬲᬫᬶᬲᬯᬯᬶ᭞ᬳᬶᬤᬵᬬᬸᬲᬫᬶᬬᬦ᭄᭞ᬤ
ᬧᬸᬢᬸᬫᬫ᭄ᬩᬮ᭄ᬩᬮᬶᬓᬶᬦ᭄᭞ᬫᬗᬶᬮᭀᬦᬧ᭄ᬢᬧᬂᬭᭀᬫ᭟ᬫᬩᬍᬗ᭄ᬓᭂᬃᬳ᭄ᬫᬲ᭄ᬢᬹᬃᬫᬲ᭄ᬓᬃᬢᬚᬶ᭞ᬫᬢᬍᬓᬹᬃᬳ᭄ᬫᬲ᭄᭞ᬳᭂᬫ᭄ᬧᬓᭂᬫ᭄ᬧᬓᬾᬫᬦ᭄ᬢᭂᬲᬶᬦ᭄᭞ᬫᬓᬫ᭄ᬩᭂᬦ᭄ᬲᬸᬢᬺᬫᬩᬶᬦ᭄ᬢᬂ᭟ᬫᬩᬩᬲᬩ᭠
ᬢᬶᬓ᭄ᬫᬧᬭᬲᬵᬗᭂᬦ᭄ᬤᬶᬄ᭞ᬲᬧᬸᬢᬾᬫᬧ᭄ᬭᬤᬵ᭞ᬫᬳᬸᬫ᭄ᬧᬮ᭄ᬲᬸᬢᬺᬱᬮ᭄ᬢᬗᬶ᭞ᬳᭂᬩᭀ᭠ᬫᬶᬳᬶᬓ᭄ᬫᬶᬫ᭄ᬧᬸᬕᬦ᭄᭟ᬲᬸᬩᬵᬧ᭄ᬭᬕᬢ᭄ᬫᬧᬬᬲ᭄ᬗᬮᬯᬸᬢ᭄ᬫᬸᬮᬶᬄ᭞ᬢᬦ᭄ᬓᭀᬘᬧ᭄ᬤᬶᬚᬮᬦ᭄᭞ᬳᬶᬤᬵᬬᬸᬫ᭠
Kaca:Bali-lontar-gaguritan-maselong-ka-jembrana-350ppi.pdf/141
Kaca puniki sampun kauji-wacén
