[᭑᭙ 19B]
᭑᭙
ᬕᭀᬮ᭄᭞ᬥᬹᬄᬚ᭄ᬭᭀᬳᬶᬲ᭄ᬢ᭄ᬭᬷ᭞ᬲ᭄ᬯᬾᬘ᭄ᬙᬉᬕᬷᬜᬫ᭄ᬧᬸᬭ᭟ᬳᬦᬓ᭄ᬮᬸᬄᬧᬸᬦᬶᬓᬮᬕᬲ᭄᭞ᬫᬲᬳᬸᬃᬲᬤᬫᬓ᭄ᬚᬶᬢ᭄᭞ᬢᬦ᭄ᬳᬶᬯᬂᬚ᭄ᬭᭀᬦᬾᬫᬢᬓᭀᬦ᭄᭞ᬦᬵᬗ᭄ᬳᬶᬂᬬᬦ᭄ᬲᬓᬭᬶᬂᬧᬵᬢᬹᬢ᭄᭞ᬜᬤ᭄ᬬᬢᬶᬢ᭄ᬬᬂᬗᬸᬦᬶᬗᬬᬂ᭞ᬫᬜᬳᬸᬭᬶ
ᬦ᭄᭞ᬲᬧᬢᬓᬾᬜ᭄ᬚ᭄ᬭᭀᬦᬾᬩᬸᬲᬦ᭄᭟ᬕᬸᬲ᭄ᬢᬶᬦ᭄ᬢᬶᬢ᭄ᬬᬗᬾᬧᬸᬦᬶᬓ᭞ᬫᬧᬭᬩ᭄ᬭᬤᬾᬦ᭄ᬫᬲ᭄ᬓᬸᬦᬶᬂ᭞ᬳᭀᬓᬦ᭄ᬭᬵᬤᬾᬦ᭄ᬯᬷᬭᬦᬵᬣ᭞ᬳᬗ᭄ᬮᬸᬭᬄᬭᬶᬂᬩᬮᬾᬃᬕᬸᬦᬸᬂ᭞ᬗᭀᬤᬕ᭄ᬧᬜ᭄ᬚᬵᬓ᭄ᬢᬜ᭄ᬚᬸᬂᬩᬬᬦ᭄᭞ᬲᬓᬾᬂᬗᬹᬦᬶ᭞ᬯᬶᬪᬵᬯᬲᬸᬩ
ᬮᬯᬶᬃᬬ᭄ᬬ᭟ᬥᬹᬢᬶᬢ᭄ᬬᬂᬢᬍᬃᬦᬸᬦᬲᬂ᭞ᬲᬧᬲᬶᬭᬚ᭄ᬭᭀᬦᬾᬚᬢᬶ᭞ᬧᬲᬾᬗᬦ᭄ᬬᬤᬶᬦ᭄ᬓᬯ᭄ᬯᬗᬦ᭄᭞ᬫᬗ᭄ᬤᬲᬵᬫ᭄ᬧᬸᬦ᭄ᬢᬶᬢ᭄ᬬᬂᬢᬦ᭄ᬤ᭄ᬭᬸᬄ᭞ᬓ᭄ᬜᭂᬫ᭄ᬭᬵᬤᬾᬦ᭄ᬩᬜ᭄ᬚᬃᬕ᭄ᬢᬲ᭄᭞ᬫᬜᬳᬸᬭᬶᬦ᭄᭞ᬢᬶᬢ᭄ᬬᬂᬲᬓᬾᬂᬩᬜ᭄ᬚᬃᬲ᭄ᬓᬃ᭟ᬓᬓᬸᬤᬗᬦ᭄ᬰᬾ
ᬮᬧᬭᬂ᭞ᬭᬵᬤᬾᬦ᭄ᬩᬜ᭄ᬚᬃᬕ᭄ᬢᬲ᭄ᬦᬫᬶ᭞ᬓᬯᬶᬱᬬᬦᬾᬫᬩᭀᬭᭀᬲ᭄᭞ᬳᬦ᭄ᬢᬸᬓ᭄ᬪᬾᬓ᭄ᬱᬦᬾᬓᬧᬗ᭄ᬓᬸᬂ᭞ᬓᬵᬗᭂᬦ᭄ᬳᬦᬓ᭄ᬮᬸᬄᬧᬸᬦᬶᬓ᭟ᬲᬳᬸᬃᬓ᭄ᬜᬶᬂ᭞ᬳᬭᬄᬩᬵᬲ᭄ᬗᬦ᭄ᬤᬧᬂᬭᬕ᭟ᬢᬶᬢ᭄ᬬᬂᬧᬸᬭᬸᬦ᭄ᬗᬯᬢᬗᬂ᭞ᬮᬸᬗ᭄ᬳᬦᬾᬭᬯᬸᬄᬫᬭᬶᬓᬶ᭞ᬩᭀ
[᭒᭐ 20A]
ᬬᬕᬸᬫᬦ᭄ᬢᬶᬫᬩᭀᬭᭀᬲ᭄᭞ᬜᭂᬮᬧᬂᬓᬩᬮᬾᬃᬕᬸᬦᬸᬂ᭞ᬫᬦᬯᬶᬲᬵᬫ᭄ᬧᬸᬦ᭄ᬫᬕᬢᬺ᭞ᬯᬾᬦ᭄ᬢᭂᬦ᭄ᬧᬓ᭄ᬱᬶ᭞ᬢᬶᬢᬶᬭᬦ᭄ᬗᬢᭂᬗ᭄ᬓᬸᬂᬩᬦ᭄ᬩᬦ᭄᭟ᬕᬸᬫᬦᬭᬯᬸᬄᬫᬧᬶᬓᬢ᭄᭞ᬫᬶᬓᬢᬶᬦ᭄ᬦᬾᬜᬦ᭄ᬤᬂᬩ᭄ᬯᬢᬶᬦ᭄᭞ᬓᬤᬸᬓ᭄ᬧᬜᭂᬂᬘᭂᬗᬾᬩᬶᬦᬮ᭄
᭞ᬭᬵᬤᬾᬦ᭄ᬩᬜ᭄ᬚᬃᬕ᭄ᬢᬲ᭄ᬓᭂᬜᬸᬲ᭄᭞ᬲᬭᬚ᭄ᬭᭀᬦᬾᬫᬯᭀᬲᬂ᭞ᬢᬶᬢ᭄ᬬᬂᬗᬶᬭᬶᬂ᭞ᬗ᭄ᬳᬶᬂᬲᬸᬚᬢᬶᬫᬦᬄᬢᬶᬢ᭄ᬬᬂ᭟ᬕᬸᬫᬦ᭄ᬢᬶᬫᬩᭀᬭᭀᬲ᭄ᬓᬶᬤᬂ᭞ᬯᬳᬸᬄᬭᬶᬂᬳᬮᬲᬾᬧᬮᬶᬂ᭞ᬢᬦ᭄ᬳᬸᬦᬶᬂᬭᬶᬂᬳᬭᬳᬭᬄ᭞ᬫᬫᬃᬕ᭄ᬕᬶᬓᬮᬧᬸᬮᬧᬸ᭞ᬳᬶᬗ᭄ᬕᬶᬄ
ᬬᬦ᭄ᬕᬸᬫᬦ᭄ᬢᬶᬲ᭄ᬯᬾᬘ᭄ᬙ᭞ᬥᬹᬄᬚ᭄ᬭᭀᬳᬶᬲ᭄ᬢ᭄ᬭᬷ᭞ᬳᬶᬘ᭄ᬙᬾᬦ᭄ᬢᬶᬢ᭄ᬬᬂᬫᬤᬸᬦᬸᬗᬦ᭄᭟ᬫᬗ᭄ᬤᬧᭀᬮᬶᬄᬫᬲᬬᬸᬩᬦ᭄᭞ᬭᬾᬄᬓ᭄ᬜᭂᬮ᭄ᬲᬵᬫ᭄ᬧᬸᬦ᭄ᬫᬫᬃᬕ᭄ᬕᬶ᭞ᬮᬘᬸᬃᬢᬦ᭄ᬧᭀᬮᬶᬄᬫᬩᭀᬭᭀᬲ᭄᭞ᬳᬦᬓ᭄ᬮᬸᬄᬧᬸᬦᬶᬓᬓ᭄ᬜᬸᬂ᭞ᬢᬦ᭄ᬲᬦ᭄ᬤᬂᬭᬵᬤᬾ
ᬦ᭄ᬗᭀᬩᭂᬢᬂ᭞ᬲᬋᬂᬲᬫᬶ᭞ᬳᬶᬭᬶᬓᬶᬭᬶᬂᬤᬾᬰᬩᬬᬦ᭄᭟ᬓᬦ᭄ᬢᬸᬦ᭄ᬮᬶᬗ᭄ᬕᬄᬧᬕᭂᬜ᭄ᬚᬳᬦ᭄᭞ᬲᬵᬫ᭄ᬧᬸᬦ᭄ᬮᬶᬦ᭄ᬢᬗᬦ᭄ᬳᬰᬰᬶᬄ᭞ᬭᬵᬤᬾᬦ᭄ᬫᬕ᭄ᬦᬄᬭᬶᬂᬩᬬᬦ᭄᭞ᬢᬶᬢ᭄ᬬᬂᬗᬵᬢᬹᬭᬶᬦ᭄ᬧᬤᬸᬦᬸᬂ᭞ᬭᬵᬤᬾᬦ᭄ᬩᬜ᭄ᬚᬃᬕ᭄ᬢᬲ᭄ᬦᬶᬫ᭄ᬩᬮ᭄᭞ᬢᬹᬃ
Kaca:Bali-lontar-gaguritan-mas-denda-kuning-300ppi.pdf/20
Kaca puniki sampun kauji-wacén
