[᭙ 9B]
᭙
ᬫᬶ᭞ᬫᬲᬤᬾᬯᬾᬓ᭄ᬢᬶᬢ᭄ᬬᬂᬭᬢᬸ᭞ᬧᬲᬯᬸᬃᬕᬸᬲ᭄ᬢᬶᬕ᭄ᬢᬲ᭄᭞ᬢᬶᬢ᭄ᬬᬂᬗᬶᬭᬶᬂᬤᬸᬫᬤᬓ᭄ᬯᬾᬦ᭄ᬢᭂᬦ᭄ᬫᬗᬸᬕᬸ᭞ᬫᬾᬲᭂᬫ᭄ᬲᬂᬧ᭄ᬭᬪᬸᬗᬦ᭄ᬤᬶᬓ᭞ᬫᬲᬓᬸᬯᬂᬕᬸᬲ᭄ᬢᬶᬤᬶᬦᬶ᭟ᬳᬦᬓ᭄ᬮᬸᬄᬳᬗ᭄ᬕᭀᬦ᭄ᬧᬗᬬᬄᬫ᭄ᬲᬭᬕᬸᬲ᭄ᬢᬶᬫᬶᬮᬶᬳᬶᬦ᭄ᬦᬾᬤ᭄ᬫᭂᬦᬶᬦ᭄᭞ᬬᬦ᭄ᬲᬸ
ᬩᬓ᭄ᬦᭂᬳᬾᬘᬸᬫ᭄ᬧᬸ᭞ᬬᬤᬶᬦ᭄ᬫᬯᬗ᭄ᬲᬫᬾᬦᬓ᭄᭞ᬮᬓᬃᬳᬶᬤᬶᬄᬲᬭᬢᬂᬳᬧᬗᬧᬬᬸ᭞ᬕᬸᬲ᭄ᬢᬶᬳᬾᬗ᭄ᬕᬮ᭄ᬗᬮᬶᬄᬲᭀᬫᬄ᭟ᬳᬦᬾᬚ᭄ᬕᬾᬕᬦ᭄ᬧᬶᬮᬶᬳᬶᬦ᭄᭟ᬲᬭᬢ᭄ᬧᬗᬗ᭄ᬲᭀᬓ᭄ᬱᬂᬦᬵᬣ᭞ᬫᬶᬓ᭄ᬤᭂᬳᬂᬕᬸᬲ᭄ᬢᬶᬕ᭄ᬢᬲ᭄ᬫᬭᬩᬶ᭞ᬢᬹᬃᬤᬦᬾ
ᬢᬦ᭄ᬧᬜ᭄ᬚᬂᬳᬢᬹᬃ᭞ᬗᬶᬭᬶᬂᬓᬳ᭄ᬬᬸᬦ᭄ᬲᬂᬦᬵᬣ᭞ᬯᬸᬲ᭄ᬫᬕᬶᬗ᭄ᬲᬶᬃᬚᬸᬫ᭄ᬦᭂᬓ᭄ᬭᬶᬂᬩᬜ᭄ᬚᬃᬲᬦ᭄ᬢᬸᬦ᭄᭞ᬲᬓᬾᬂᬧᬸᬦᬶᬓᬗᬯᬶᬦᬂ᭞ᬤᬦᬾᬫᬕᭂᬦ᭄ᬢᭀᬲ᭄ᬧᬧᬲᬶᬄ᭟ᬗᬦᬹᬢᬶᬦ᭄ᬕᭂᬦᬄᬫᬩᬜ᭄ᬚᬃ᭞ᬭᬵᬤᬾᬦ᭄ᬩᬜ᭄ᬚᬃᬕ᭄ᬢᬲ᭄ᬧᬭᬩᬾᬫᬗ᭄ᬓᬶᬦ᭄᭞ᬧᬗᬍᬫ᭄ᬲᬧ
ᬜ᭄ᬚᬓ᭄ᬤᬸᬲᬸᬦ᭄᭞ᬲᬓᬾᬂᬳᬶᬧᬸᬦ᭄ᬜᬶᬗ᭄ᬕᬶᬳᬂ᭞ᬕᬸᬲ᭄ᬢᬶᬕ᭄ᬢᬲ᭄ᬤᬾᬦᬶᬂᬲᬵᬫ᭄ᬧᬸᬦ᭄ᬧᭀᬮᬶᬄᬮᬸᬗ᭄ᬕᬸᬄ᭞ᬤᬤᭀᬲ᭄ᬚᬚ᭄ᬜᭂᬂᬧ᭄ᬭᬲᬶᬤ᭄ᬥ᭞ᬫᬂᬕᭂᬄᬭᬵᬤᬾᬦ᭄ᬧᭂᬘᬓ᭄ᬕᬸᬲ᭄ᬢᬶ᭟ᬳᬕᬸᬂᬳᬮᬶᬢ᭄ᬗᭂᬦ᭄ᬢᭀᬲ᭄ᬩᬲ᭞ᬫᬵᬢᬹᬃᬭᬵᬤᬾᬦ᭄ᬭᬶᬂᬲᬗᬶᬂᬩᬜ᭄ᬚᬃᬲᬭᬶ᭞ᬓᬮᭀ
[᭑᭐ 10A]
ᬓᬲ᭄ᬦᭂᬂᬫᬕᬸᬩᬸᬕ᭄᭞ᬯᬶᬓᬦ᭄ᬗᬮᬧ᭄ᬧᬶᬢᬺᬱ᭄ᬡ᭞ᬲᬗ᭄ᬓᬦ᭄ᬳᬲᬶᬄᬧᬜ᭄ᬚᬓᬾᬭᬶᬂᬤᬸᬲᬸᬦ᭄ᬤᬸᬲᬸᬦ᭄᭞ᬘ᭄ᬭᬶᬓ᭄ᬓᭂᬮᬶᬄᬩᬚᬂᬢᬸᬯ᭞ᬲᬸᬫᬸᬬᬸᬕ᭄ᬓᬩᬜ᭄ᬚᬃᬲᬭᬶ᭟ᬲᬬᬦ᭄ᬓᬾᬄᬲᬋᬂᬫᬤᬾᬰ᭞ᬓᬗ᭄ᬓᬢ᭄ᬤᭀᬫ᭄ᬬᬭᬶᬂᬕᬸᬩᬸᬕ᭄ᬩᬜ᭄ᬚᬃᬲᬭᬶ᭞ᬓᬤᬶᬳᬭᬤ᭄ᬓ
ᬧᬶᬮᬸᬮᬸᬢ᭄᭞ᬭᬶᬂᬭᬵᬤᬾᬦ᭄ᬩᬜ᭄ᬚᬃᬕ᭄ᬢᬲ᭄᭞ᬭᬾᬄᬕᬸᬫᬦ᭄ᬢᬶᬲᬸᬫᬤ᭄ᬬᬤᬦᬾᬫᬕᬸᬩᬸᬕ᭄᭞ᬚᬦ᭄ᬢᭀᬲ᭄ᬲᬯᬢᭂᬓ᭄ᬳᬸᬧᬜ᭄ᬚᬃ᭞ᬩᬶᬲᬓᬦ᭄ᬩᬸᬦ᭄ᬢᬸᬢᬾᬕ᭄ᬦᬸᬢ᭄᭟ᬫᬓᬶᬢᬓᬩᬜ᭄ᬚᬃᬲ᭄ᬓᬃ᭞ᬜᬩ᭄ᬭᬦ᭄ᬗᬗ᭄ᬕᬸᬃᬲᬤᬫᬧᬳ᭄ᬬᬰ᭄ᬘᭂᬧᬶᬂ᭞ᬓᬩᬢᭂᬓ᭄ᬫᬦ
ᬳᬾᬲᬸᬮᬸᬓ᭄᭞ᬭᬶᬂᬭᬵᬤᬾᬦ᭄ᬩᬜ᭄ᬚᬃᬕ᭄ᬢᬲ᭄᭞ᬮᬶᬗ᭄ᬮᬸᬂᬧᬮᬶᬂᬫᬓᬶᬢᬫᬓᬸᬢᬸᬦ᭄ᬳᬲᬸ᭞ᬗᬢ᭄ᬓᬸᬮ᭄ᬗᬢᬹᬭᬂᬳᬬᬄ᭞ᬫᬘᬾᬤᭀᬓ᭄ᬱᬗ᭄ᬕᬄᬗᬮᬦ᭄ᬢᬶᬂ᭟ᬘᬭᬓ᭄ᬦᬶᬚᬭᬶᬂᬲᬸᬢᬺ᭞ᬉᬬᬂᬧᬮᬶᬂᬲᬩᬶᬮᬂᬧᬸᬍᬲ᭄ᬫᬗᬶᬧᬶ᭞ᬫᬓᬸᬜᬶᬢ᭄ᬳᬮᬲ᭄ᬫᬢ᭄ᬫᬸ᭞
ᬭᬶᬂᬭᬵᬤᬾᬦ᭄ᬩᬜ᭄ᬚᬃᬕ᭄ᬢᬲ᭄᭞ᬭᬱᬫᬵᬩᬶᬦ᭄ᬲᬮᬶᬂᬳᬭᬲ᭄ᬲᬮᬶᬂᬭᬸᬫ᭄ᬭᬸᬫ᭄᭞ᬤᬲᬃᬫ᭄ᬓᬬᬦ᭄ᬭᬱᬬᬂ᭞ᬢᭀᬫ᭄ᬧᭂᬮᭀᬓ᭄ᬳᬮᬸᬲ᭄ᬤᭂᬓ᭄ᬗᬩᬶᬂ᭟ᬓᭂᬲ᭄ᬬᬩ᭄ᬓᭂᬲ᭄ᬬᬩ᭄ᬗᬭᬸᬧᬢ᭞ᬓᬧᬸᬧᬸᬗᬦ᭄ᬦᬸᬗᭂᬮᬸᬢ᭄ᬕᬍᬂᬕᬸᬮᬶᬂ᭞ᬕᬩᬕ᭄ᬤᬶᬲᬫ᭄ᬧᬶᬗᬾᬲᬸ
Kaca:Bali-lontar-gaguritan-mas-denda-kuning-300ppi.pdf/10
Kaca puniki sampun kauji-wacén
