Kaca:Bali-lontar-gaguritan-majapahit-250ppi.pdf/25

Saking Wikisource
Kaca puniki sampun kauji-wacén

[᭒᭔ 24B]
᭒᭔
ᬦ᭄ᬲᬫᬶ᭟ᬓᬳᬗ᭄ᬕᬾᬦ᭄ᬧᬘᬸᬦ᭄ᬤᬂᬳᬸᬭᬶᬧ᭄᭞ᬩᭂᬘᬶᬓᬦ᭄ᬚᬲᬵᬫ᭄ᬧᬸᬦ᭄ᬮᬫ᭄ᬧᬸᬲ᭄᭞ᬳᬸᬭᬶᬧᬾᬫᬦᬦ᭄ᬤᬂᬚᭂᬗᬄ᭞ᬤᬤᭀᬲ᭄ᬓᬓᭂᬤᬾᬓᬦ᭄ᬕᬸᬫᬶ᭞ᬜᬤ᭄ᬬᬫᬸᬧᬸᬢ᭄᭞ᬦᬶᬃᬕᬸᬡᬫᬦᬤᭀᬲ᭄ᬚᬤ᭄ᬫ᭟ᬫᭀᬚᬃᬲᬶᬭᬧ᭄ᬭᬪᬸᬲᬸᬡ᭄ᬥ᭞ᬧᬫ
ᬦ᭄ᬧᬢᬶᬄᬢᬡ᭄ᬥᬫᬦ᭄ᬢ᭄ᬭᬶ᭞ᬯᬤ᭄ᬯᬦᬾᬧᬥᬫᬓᭂᬚᬂ᭞ᬳᭂᬤᬩᬜᬢᬓᬸᬢ᭄ᬚᬦᬶ᭞ᬦᬸᬢᬸᬭᬂᬳᭂᬜᭂᬢᬾᬚᬢᬶ᭞ᬳᬧᬂᬲᬶᬤ᭄ᬥᬦᬶᬭᬢᬳᬸ᭞ᬧᬓᭂᬜᭂᬢ᭄ᬘᬳᬶᬫᬓᭂᬚᬂ᭞ᬓᬾᬦ᭄ᬓᬾᬦ᭄ᬚᬦᬶᬩᬳᬦ᭄ᬫᬶᬦᭂᬳᬶᬦ᭄᭞ᬳᬧᬗᬶᬕᬸᬫ᭄
᭞ᬲᬶᬤ᭄ᬥᬩᭂᬦᭂᬄᬩᬦ᭄ᬗᬶᬢᬸᬗᬂ᭟ᬬᬦ᭄ᬧᬢᬸᬢ᭄ᬩᬩᬯᭀᬲ᭄ᬦᬶᬭ᭞ᬫᭂᬮᬄᬚᬫᬢᬓᬶᬢᬓᬶ᭞ᬲᬕᬺᬳᬦ᭄ᬘᬳᬶᬫᬚᬮᬦ᭄᭞ᬓ᭄ᬮᭂᬲᬶᬢᬾᬢ᭄ᬯᬭᬫᬢᬹᬢᬶᬦ᭄᭞ᬓᭂᬫᭀᬘᬳᬶᬧᬥᬫᬸᬮᬶᬄ᭞ᬳᬶᬭᬶᬗᬂᬳᬶᬦᬦᬓ᭄ᬕᬮᬸᬄ᭞ᬫᬸᬯᬄ
ᬳᬤᬶᬧ᭄ᬭᬫᬶᬰ᭄ᬯᬭᬶ᭞ᬫᭂᬮᬳᬂᬳᬶᬤᬤᬶᬧᬸᬭᬶ᭞ᬦᬶᬭᬫᬸᬧᬸᬢ᭄᭞ᬮᬰ᭄ᬘᬃᬬ᭄ᬬᬗᭂᬢᭀᬳᬶᬦ᭄ᬫᬦᬄ᭟ᬢᬸᬤᬸᬄᬳᬶᬤᬲᬂᬳ᭄ᬬᬂᬯᬶᬤᬶ᭞ᬧᬗ᭄ᬕᬸᬳᬶᬦ᭄ᬦᬶᬭᬦᬾᬚᬦᬶ᭞ᬢᬦ᭄ᬜᬦ᭄ᬤᬂᬧᬘᬂᬲᭂᬮ᭄ᬲᭂᬮᬂ᭞ᬢ᭄ᬯᬄᬫᬸᬮᬳᬶ᭟ᬍ

[᭒᭕ 25A]
᭒᭕
ᬦ᭄ᬕᬸᬫᬶ᭟ᬲᬶᬬᬂᬤᬮᬸᬦᬾᬫᬕᬶᬮᬶᬃ᭞ᬧᬸᬦᬶᬓᬲᬳᬶᬢ᭄ᬬᬓᬧᬗ᭄ᬕᬸᬄ᭞ᬲᬸᬓᬤᬸᬄᬓᬦᬾᬢᬦ᭄ᬧᬲᬄ᭞ᬲᬚ᭄ᬭᭀᬦᬶᬂᬓᬢᬸᬗ᭄ᬕᭀᬦ᭄ᬳᬸᬭᬶᬧ᭄᭞ᬓᬾᬢᭀᬢᬸᬳᬸ᭞ᬢ᭄ᬯᬭᬲᬶᬤ᭄ᬥᬩᬦ᭄‌ᬗ᭄ᬮᬾᬫ᭄ᬧᬲᬂ᭟ᬥᬃᬫ᭄ᬫᬦᬶᬂᬮᬶᬗ᭄ᬕᬶᬄᬲᬂᬲ
ᬢ᭄ᬭ᭄ᬬ᭞ᬬᬰᬦᬾᬭᬶᬂᬢᬸᬂᬢᬸᬂᬓᭂᬭᬶᬲ᭄᭞ᬲᬤ᭄ᬬᬫᬫᭀᬮᬶᬳᬶᬂᬬᬰ᭞ᬳᬾᬕᬃᬫᬦᬳᬾᬓᬲᬶᬯᬶ᭞ᬫᬤᭂᬕ᭄ᬓᬾᬗᬶᬦ᭄‌ᬰ᭄ᬭᬷᬪᬹᬧᬢᬶ᭞ᬬᬾᬦᬶᬂᬮᬘᬸᬭᬾᬓᬧᬗ᭄ᬕᬸᬄ᭞ᬫᬸᬧᬸᬢᬂᬭᬕᬭᬶᬂᬭᬡ᭞ᬢᬦ᭄ᬯᭂᬤᬶᬗᭂᬢᭀ
ᬳᬂᬧᬢᬶ᭞ᬢᬸᬳᬸᬭᬢᬸ᭞ᬲᬂᬲᬢ᭄ᬭ᭄ᬬᬧᭂᬚᬄᬭᬶᬂᬮᬕ᭟ᬧᬢᬶᬄᬫᬦ᭄ᬢ᭄ᬭᬶᬩᬳᬸᬤᬡ᭄ᬥ᭞ᬲᬕᬺᬳᬦ᭄ᬳᬢᬸᬭᬾᬜᬶᬓᬶ᭞ᬤᬺᬤ᭄ᬥᬪᬓ᭄ᬢᬶᬭᬶᬂᬲᬂᬦᬵᬣ᭞ᬫᬸᬧᬸᬢᬂᬓᬬᬸᬦᬾᬧᬱ᭄ᬝᬶ᭞ᬭᬶᬂᬭᬡᬗ᭄ᬕᬦᬗᬸᬦ᭄ᬓᬶᬃᬢ᭄ᬢᬶ᭞ᬗᬶᬭᬶᬂᬯᬘᬦ
ᬦ᭄ᬲᬂᬧ᭄ᬭᬪᬸ᭞ᬳᬾᬭᬂᬫᬦᬳᬾᬫᬢᬸᬮᬓ᭄᭞ᬫᬦ᭄ᬢᬸᬓ᭄ᬓᬲᬸᬡ᭄ᬥᬦᬵᬕᬭᬶ᭞ᬗᬯᬾᬩᬶᬬᬸᬃ᭞ᬤᬤᭀᬲ᭄ᬳᬸᬘᬧᬸᬘᬧ᭄ᬚᬕᬢ᭄᭟ᬳᬶᬦᬸᬘᬧ᭄ᬧᭂᬚᬄᬭᬶᬂᬭᬡ᭞ᬯᬶᬱ᭄ᬡᬸᬮᭀᬓᬦᬾᬓᬧᬗ᭄ᬕᬶᬄ᭞ᬲᬳᬶᬢ᭄ᬬᬦᭂᬫᬸᬓ

Kapolihang saking "https://ban.wikisource.org/w/index.php?title=Kaca:Bali-lontar-gaguritan-majapahit-250ppi.pdf/25&oldid=44953"