[᭗᭑ 71B]
᭗᭑᭟
ᬳᬶᬩᬩᬸᬯᬸᬂᬫᬫ᭄ᬧᬸᬲ᭄᭞ᬓᬢᬥᬄᬩᬦ᭄ᬲᬂᬧ᭄ᬭᬪᬸ᭞ᬳᬶᬍᬫ᭄ᬩᬸᬳᬸᬚᬭᬾᬩᬦ᭄ᬩᬦ᭄᭞ᬢ᭄ᬯᬭᬳᬶᬭᬯᭂᬤᬶᬓᬾᬗ᭄ᬕᬸᬄ᭞ᬗᬮᬯᬦ᭄ᬲᬂᬧ᭄ᬭᬪᬸᬲᬶᬗ᭄ᬳ᭞ᬳᬘᭂᬧᭀᬓ᭄ᬘᬦ᭄ᬢᬾᬢᬶᬦ᭄ᬓᬸᬯᬂ᭟᭜᭟ᬢᬦᬸᬘᬧ
ᬦ᭄ᬳᬶᬮᬸᬢᬸᬂᬭᬶᬂᬳᭂᬦᬸ᭞ᬕᭂᬮᬶᬲ᭄ᬧᬚᬮᬦᬾ᭞ᬭᬶᬂᬳᬚᭂᬂᬲᬂᬧ᭄ᬭᬪᬸᬧ᭄ᬭᬧ᭄ᬢᬶ᭞ᬲᬂᬧ᭄ᬭᬪᬸᬕᭂᬮᬶᬲ᭄ᬳᬦ᭄ᬤᬸᬮᬸ᭞ᬲᬳᬗᬦ᭄ᬤᬶᬓᬳᬶᬄᬮᬸᬢᬸᬂ᭞ᬳᬧᬲᬥ᭄ᬬᬦ᭄ᬳᬶᬩᬢᭂᬓ᭞ᬳᬶᬮᬸᬢᬸᬂᬳᬸᬫᬢᬸᬃᬳᬮᬸᬲ᭄᭞ᬥᬸᬄᬭᬢᬸ
ᬤᬯᭂᬕ᭄ᬳᬫ᭄ᬧᬸᬭ᭞ᬢᬶᬢ᭄ᬬᬂᬳᬶᬓᬯᬸᬮᬦᬶᬱ᭄ᬝ᭟᭜᭟ᬓᬫᬶᬧᬸᬭᬸᬦ᭄ᬫᬗᬢᬸᬭᬂᬘᭂᬧᬸᬂ᭞ᬲᭀᬭᬶᬦ᭄ᬩᬸᬓ᭄ᬧᬥᬦᬾ᭞ᬳᬶᬗ᭄ᬕᬶᬄᬢᬦ᭄ᬮ᭄ᬬᬦᬶᬲᬫ᭄ᬧᬶ᭞ᬳᬶᬧᬸᬦ᭄ᬜᬫᬸᬓᬭᬢᬸ᭞ᬮᬗ᭄ᬕᬄᬭᬶᬂᬮᬶᬗ᭄ᬕᬶᬄᬲᬂᬧ᭄ᬭ
ᬪᬸ᭞ᬳᬶᬧᬸᬦ᭄ᬢᬦ᭄ᬗᬶᬭᬶᬂᬓᬧ᭄ᬭᬾᬦ᭄ᬢᬄ᭞ᬫᬩᬮᬶᬓᬶᬧᬸᬦ᭄ᬫᬫᬸᬲᬸᬄ᭞ᬜᬤ᭄ᬬᬫᬢᬗ᭄ᬓᭂᬧ᭄ᬫᬬᬸᬤ᭄ᬥ᭞ᬗᬮᬯᬦ᭄ᬘᭀᬓᭀᬭᬶᬤᬾᬯ᭟᭜᭟ᬭᬶᬲᬫ᭄ᬧᬸᬦᬾᬓᬧᬶᬤᬃᬣᬧᬸᬧᬸᬢ᭄᭞ᬓᬮᬗ᭄ᬓᬸᬂᬤᬸᬄᬓᬦᬾ᭞ᬲᬂ
[᭗᭒ 72A]
ᬧ᭄ᬭᬪᬸᬫᬗ᭄ᬓᬶᬦ᭄ᬫᬦᭂᬮᬶᬓ᭄᭞ᬳᬗᬸᬘᬧᬸᬚᬭᬾᬩᬗ᭄ᬕ᭄ᬭᬲ᭄᭞ᬤᬶᬚᬢᭀᬗᭀᬲ᭄ᬦᬾᬳᬶᬩ᭄ᬩᬶᬸᬂᬫ᭄ᬩᬸ᭞ᬦᬄᬮᬯᬸᬢ᭄ᬘᬳᬶᬳᭀᬭᬳᬂ᭞ᬳᬶᬭᬚᬦᬶᬓᭂᬫᬗᬮᬸᬭᬸᬕ᭄᭞ᬳᬶᬮᬸᬢᬸᬂᬳᬢᬸᬭᬾᬩᬦ᭄ᬩᬦ᭄᭞ᬳᬶᬭᬶ
ᬓᬳᬶᬧᬸᬦ᭄ᬫᬕᭂᬦᬄ᭟᭜᭟ᬢᬦᬲ᭄ᬯᬾᬲᬂᬧ᭄ᬭᬪᬸᬢᬸᬫᭂᬤᬸᬦ᭄᭞ᬳᬰ᭄ᬭᬸᬧᬫᬃᬕ᭄ᬕᬶᬦᬾ᭞ᬳᬶᬮᬸᬢᬸᬂ᭠ᬢᬦ᭄ᬤᭀᬄᬫᬗᬶᬭᬶᬂ᭞ᬢᬦᬸᬘᬧᭂᬦ᭄ᬬᬭᬶᬂᬳᭂᬦᬸ᭞ᬳᬶᬍᬫ᭄ᬩᬸᬫᬗ᭄ᬓᬶᬓᬯᬸᬯᬸᬲ᭄᭞ᬫᬗᬮᬶᬄᬬ
ᬳᬶᬮᬮᬲᬦ᭄᭞ᬘᬭᬶᬢᬬᬲᬸᬩᬓᬧᬗ᭄ᬕᬸᬄ᭞ᬮᬯᬸᬢ᭄ᬫᬦᬸᬢᬸᬭᬂᬢᬶᬗ᭄ᬓᬄ᭞ᬢᭂᬮᬲ᭄ᬲᬫᬶᬓᬧᬶᬤᬃᬣ᭟᭜᭟ᬳᬶᬮᬮᬲᬦ᭄ᬫᬾᬲᭂᬫ᭄ᬦᬸᬮᬶᬫᬸᬯᬸᬲ᭄᭞ᬕᭂᬢᬃᬧᬗᬸᬘᬧᬾ᭞ᬳᬶᬭᬩ
ᬓᬮ᭄ᬫᬦᬦ᭄ᬤᬶᬗᬶᬦ᭄᭞ᬳᭂᬤᬓᬾᬯᭂᬄᬳᬶᬩᬍᬫ᭄ᬩᬸ᭞ᬫᬲᬩᬸᬯᬸᬂᬜ᭄ᬚᬬᬰᬢ᭄ᬭᬸ᭞ᬬᬢᬓᭀᬲᬶᬗ᭄ᬳᬲᬦᬸᬗ᭄ᬕᬮ᭄᭞ᬲᬶᬬᬸᬲᬶᬗ᭄ᬳᬓᭀᬦᬗᬺᬩᬸᬢ᭄᭞ᬢ᭄ᬯᬭᬳᬶᬭᬧᬘᬂᬓᬮᬄ᭞
Kaca:Bali-lontar-gaguritan-lutung-mungil-02-350ppi.pdf/72
Kaca puniki sampun kauji-wacén
