[ ᭓᭐ 30B]
ᬓᬧᬗ᭄ᬕᬶᬄ᭞ᬚᬢᬶᬳᬶᬓᬸ᭞ᬲᬓᬶᬂᬰᬶᬯᬭᬢ᭄ᬭᬶᬩ᭄ᬭᬢᬵ᭟᭐᭟ᬦ᭄ᬢᭀᬦᭂᬫᬤᬦ᭄ᬳᬶᬮᬸᬩ᭄ᬥᬓᬵ᭞ᬯᬶᬢ᭄ᬯᬶᬲᬸᬩᬗ᭄ᬮᬓ᭄ᬱᬦᬬᬂ᭞ᬫᬤᬦ᭄ᬰᬶᬯᬭᬢ᭄ᬭᬶᬩ᭄ᬭᬢᬵ᭞ᬓᬲᬂ
ᬦᬗ᭄ᬕᭂᬄᬩ᭄ᬭᬢᬍᬯᬶᬄ᭞ᬫᬚᬕᬺᬭᬶᬓᬮᬵᬯ᭄ᬗᬶ᭞ᬦᬸᬚᬸᬰᬰᬶᬳᬾᬓᬧᬶᬢᬸ᭞ᬢ᭄ᬧᬢ᭄ᬧᬗ᭄ᬮᭀᬂᬧᬶᬂᬧᬢ᭄ᬩᭂᬮᬲ᭄᭞ᬓᬗᬶᬂᬢᬸᬲᬶᬂᬲᬗ᭄ᬓᬦ᭄ᬳᬸᬦᬶᬂ᭞ᬓᬸᬤᬸᬓᬸᬤᬸ᭞ᬢᬸᬲᬶᬂᬧᬸ
ᬍᬲ᭄ᬩᬳᬜ᭄ᬚᭂᬚᭂᬄ᭟᭐᭟ᬤ᭄ᬬᬧᬶᬦ᭄ᬓᬾᬢᭀᬧᬢᬸᬢ᭄ᬧᭂᬲᬦ᭄᭞ᬳᬶᬮᬸᬩ᭄ᬥᬓᬵᬫᬧᬶᬓᭀᬮᬶᬄ᭞ᬫᬳᬦ᭄ᬦᬶᬜ᭄ᬘᬧ᭄ᬰᬶᬯᬮᭀᬓ᭞ᬕᬸᬕᬸᬭᬯᭀᬲ᭄ᬩᬧᬘ᭄ᬦᬶᬂ᭞ᬳ᭄ᬤᬵᬧ᭄ᬲᬦ᭄
ᬢ᭄ᬯᬭᬗᬶᬭᬶᬂ᭞ᬳᬸᬤᬸᬄᬤᬾᬯᬓ᭄ᬫᬵᬫᬦ᭄ᬢᬸᬓ᭄᭞ᬫᬫᬕᭂᬳᬂᬓᬲᬸᬤᬃᬫ᭄ᬫᬦ᭄᭞ᬓᬤᬶᬳᬦᬾᬲᬸᬩᬘ᭄ᬦᬶᬂ᭞ᬳᬦᬾᬮᬫ᭄ᬧᬸᬲ᭄᭞ᬦ᭄ᬢᭀᬧᬘᬂᬳᬸᬭᬶᬧᬂᬩᬧᬵ᭟᭐᭟
[ ᭓᭑ 31A]
ᬯᬶᬭᬾᬄᬫᬯᬶᬤᬶᬧᬲ᭄ᬬᬢᬦ᭄᭞ᬢᬶᬦ᭄ᬤᬶᬄᬭᬶᬂᬧᬶᬢᬸᬤᬸᬄᬕᬸᬲ᭄ᬢᬶ᭞ᬧᬤᬩᭂᬦᭂᬄᬧᬧᬶᬦᭂᬄᬜ᭞ᬦ᭄ᬢᭀᬓ᭄ᬭᬦᬩᬧᬜ᭄ᬯᬾᬘᬦᬶᬦ᭄᭞ᬩᬯᭀᬲ᭄ᬳᬶᬤᬩᬗᭂᬢ᭄ᬧᬗᬶᬤ᭄᭞ᬲᬂᬳ᭄ᬬᬂ
ᬬᬫᬵᬗᬦ᭄ᬤᬧ᭄ᬫᬢᬸᬃ᭞ᬲᬶᬗ᭄ᬕᬶᬄᬩᬓ᭄ᬢᬶᬦ᭄ᬢᬶᬢ᭄ᬬᬂ᭞ᬯᬦ᭄ᬢᬢᬶᬕᬵᬢᬦ᭄ᬓᬓᬮᬶᬄ᭞ᬫᬗ᭄ᬤᭀᬄᬧᬸᬭᬸᬦ᭄᭞ᬢᬶᬢ᭄ᬬᬂᬧᬘᬂᬢᭂᬫ᭄ᬧᬮ᭄ᬚᬸᬮᬓ᭄᭟᭐᭟ᬲᬫ᭄ᬧᬸᬭᬬᬂᬧᬶᬲᬦ᭄ᬢᬶᬢ᭄ᬬᬂ᭞ᬫ
ᬦ᭄ᬤᬵᬢᬦ᭄ᬗᬯᬶᬦᬂᬯᬾᬘᬶ᭞ᬦᬶᬓᬶᬯᬦ᭄ᬢᬄᬮᬸᬗ᭄ᬲᬸᬃᬢᬶᬢ᭄ᬬᬂ᭞ᬲᬓᬳᬶᬯᬂᬢᬶᬢ᭄ᬬᬂᬯ᭄ᬬᬓ᭄ᬢᬶ᭞ᬧᬸᬭᬸᬦ᭄ᬢᬶᬢ᭄ᬬᬂᬜᬗ᭄ᬲᬭᬦᬶᬦ᭄᭞ᬫᬺᬩᬢᬶᬦ᭄ᬳᬢ᭄ᬫᬦ᭄ᬳᬶᬧᬸᬦ᭄᭞ᬳᬢ᭄ᬫᬦ᭄ᬳᬶᬧᬸᬦ᭄ᬳᬶ
ᬮᬸᬩ᭄ᬥᬓᬵ᭞ᬭᬶᬂᬧᬭᬕᬕᬡᬵᬲᬫᬶᬩᬾᬲ᭄ᬓᬤᬸᬭᬸᬲ᭄᭞ᬦᭀᬭᬢ᭄ᬧᬢ᭄ᬭᬶᬂᬯᬶᬯᬾᬓᬵ᭟᭐᭟ᬓᬢᬄᬳᬢᬸᬃᬲᬂᬳ᭄ᬬᬂᬬᬫᬵ᭞ᬧᬦᬫ᭄ᬬᬲᬳᬗᬸᬩᬓ᭄ᬢᬶ᭞ᬭᬶᬂᬘᭀᬓᭀᬃᬩ
Kaca:Bali-lontar-gaguritan-lubdaka-300ppi.pdf/31
Kaca puniki sampun kauji-wacén
