[᭘᭘ 88B]
᭘᭘
ᬦ᭄ᬤᬂ᭞ᬳᬦ᭄ᬩᭂᬄᬧᬓᭂᬩᭂᬭᬾᬳᬭᬶᬲ᭄᭞ᬩᭀᬩᭀᬢᬾᬫᬗᬯᬶᬦᬂ᭞ᬗᬃᬤ᭄ᬥᬶᬭᬶᬓᬢ᭄ᬢ᭄ᬯᬭᬫᬫ᭄ᬧᬸᬄ᭞ᬩᭀᬬᬜᬶᬤ᭄ᬥᬬᬂᬗᬸᬗ᭄ᬕᬳᬂ᭞ᬓᬮᬯᬦᬶ
ᬦ᭄᭞ᬳᬸᬕᬶᬢᬦ᭄ᬯᬾᬦ᭄ᬢᭂᬦ᭄ᬜᬶᬤ᭄ᬥᬬᬂ᭟ᬲᬗ᭄ᬓᬦ᭄ᬢᭂᬤᬸᬦ᭄ᬫᬮᬶᬧ᭄ᬢᬦ᭄᭞ᬤᬶᬩᭀᬗ᭄ᬓᭀᬮ᭄ᬢᬭᬸᬦᬾᬲ᭄ᬥᬶᬄ᭞ᬩᭂᬢ᭄ᬳᬢᬸᬩ᭄ᬜᬦ᭄ᬤᬶᬂᬢᬸᬓᬤ᭄᭞ᬯ᭄ᬢᭂᬗᬾᬦ᭄ᬭᬲᬓᬸᬫ᭄ᬤᬸᬢ᭄᭞
ᬳᬚᬳᬦ᭄ᬲᬓᬶᬢ᭄ᬚᭂᬕ᭄ᬭᬳᬢ᭄᭞ᬓᬕᬾᬢ᭄ᬫᬶᬚᬶᬮ᭄᭞ᬭᬭᬾᬦᬾᬭᬭᬶᬲ᭄ᬓᬢᬶᬗ᭄ᬕᬮ᭄᭟ᬮᬲ᭄ᬬᬫᬓᭂᬩᬸᬃᬗᬸᬗ᭄ᬕᬳᬂ᭞ᬳᬾᬮᬄᬦᬸᬦ᭄ᬘᬧ᭄ᬲᬫ᭄ᬧᬸᬦ᭄ᬳᬶᬬᬶᬂ᭞
ᬩᬾᬩᬲ᭄ᬫᬦ᭄ᬢᬸᬓ᭄ᬢᬦ᭄ᬓᬢᬺᬱ᭄ᬡᬦ᭄᭞ᬭᬶᬂᬧᬸᬢ᭄ᬭᬦᭂᬳᬮᬶᬢ᭄ᬓᬦ᭄ᬢᬸᬦ᭄᭞ᬓᬓᬸᬢᬂᬢ᭄ᬗᬳᬶᬂᬳᬮᬲ᭄᭞ᬢᬸᬯᬶᬚᬢᬶ᭞ᬲᬶᬧᬢ᭄ᬤᬤᬭᬶᬦᬾᬳ᭄ᬮᬲ᭄᭟ᬢ
[᭘᭙ 89A]
ᬦ᭄ᬘᬭᬶᬳᬢᬶᬯᬶᬤ᭄ᬬᬤᬃᬬ᭞ᬯᬸᬲ᭄ᬧ᭄ᬭᬧ᭄ᬢᬾᬂᬳᬶᬦ᭄ᬤ᭄ᬭᬦᬕᬭᬶ᭞ᬭᬭᬾᬦᬾᬚᬦᬶᬲᬢ᭄ᬯᬬᬂ᭞ᬳᭂᬗ᭄ᬓᬶᬓ᭄ᬳᭂᬗ᭄ᬓᬶᬓ᭄ᬦᬗᬶᬲ᭄ᬤᬶᬢᬸ᭞ᬤᬶᬢᭂᬗᬄᬳᬮᬲᬾᬯᬬᬄ᭞ᬗ᭄ᬭ
ᬕᬲ᭄ᬥᬶᬄ᭞ᬢᭀᬂᬳᬤᬫᬬᬦ᭄ᬫᬦᬸᬱ᭟ᬢᬗᬶᬲᬾᬫᬶᬭᬶᬩ᭄ᬫᬫ᭄ᬯᬢ᭄᭞ᬳᬸᬘᬧ᭄ᬳᬸᬘᬧ᭄ᬲᬧᬸᬦᬶᬓᬶ᭞ᬳᬤᬸᬄᬚ᭄ᬭᭀᬓᬬᬸᬳᬮᬲ᭄᭞ᬚᬸᬭᬸᬢᬸᬮᬸᬂᬗ
ᬯᬾᬤᬬᬸᬄ᭞ᬮ᭄ᬯᬶᬄᬳᬶᬧᬸᬜᬦ᭄ᬯᭀᬄᬯᭀᬳᬦ᭄᭞ᬲ᭄ᬭᬶᬂᬗᬸᬮᬸᬗᬶᬦ᭄᭞ᬩ᭄ᬯᬄᬓᬮᬳᬦᬓ᭄ᬫᭂᬦ᭄ᬢᬲ᭄᭟ᬯᬶᬭᬾᬄᬢᭀᬂᬩᬶᬲᬫᬚᬮᬦ᭄᭞ᬳ᭄ᬬᬂᬮᬯᬸ
ᬢ᭄ᬚᭀᬄᬤᬶᬦᬶ᭞ᬓᬸᬤ᭄ᬬᬂᬚ᭄ᬭᭀᬦᬸᬮᬸᬂᬳ᭄ᬬᬂ᭞ᬦᬄᬲᬸᬩᬬᬂᬳ᭄ᬤᬗᬸᬦ᭄ᬗᬸᬦ᭄᭞ᬲᬓᬶᬂᬳ᭄ᬬᬂᬢ᭄ᬯᬄᬫᬗᬩ᭞ᬮᬭᬳᬢᬶ᭞ᬢᬶᬢᬄᬧ᭄ᬭᬓ᭄ᬭᬢᬶᬦᬾᬓᬸᬦ᭟ᬫᬶᬭᬶ
Kaca:Bali-lontar-gaguritan-lokika-02-450ppi.pdf/89
Kaca puniki sampun kauji-wacén
