[᭔᭒ 42B]
᭔᭒
ᬯᬶᬦᬂ᭟ᬳᬦ᭄ᬢᬸᬓ᭄ᬢᬶᬢ᭄ᬬᬂᬢᬸᬦᬫᬦᬄ᭞ᬢᬦ᭄ᬢᬢᬲ᭄ᬭᬶᬂᬤᬕᬶᬂᬳᬚᬶ᭞ᬓᬾᬯᭂᬄᬬᬦᬶᬂᬓᬧ᭄ᬢᭂᬗᬦ᭄᭞ᬩᬦᬾᬳᬶᬮᬂᬦᬾᬓᬤᬸᬮᬸ᭞ᬲᬗᭂᬢ᭄ᬢᭀᬂᬤᬤᬶᬓ᭄ᬯ
ᬗᬶᬦ᭄᭞ᬲᬫᬄᬲ᭄ᬥᬶᬄ᭞ᬲᬸᬓᬦᬾᬤᬳᬢᬶᬂᬮᬗᬄ᭟ᬦᬖᬶᬂᬳᬶᬤᬲᬂᬯᬸᬲ᭄ᬧ᭄ᬭᬤ᭄ᬜᬦ᭄᭞ᬢᭂᬢᭂᬧ᭄ᬮᬦ᭄ᬤᬸᬄᬚ᭄ᬭᭀᬦᬶᬂᬳᬢᬶ᭞ᬤ᭄ᬬᬲ᭄ᬢᬸᬦ᭄ᬚᬚᬕᬢᬾᬳᬶ
ᬘᬮ᭄᭞ᬗᬮᬸᬯᬸᬃᬫᬜ᭄ᬚᬶᬂᬭᬶᬂᬲᬸᬯᬸᬂ᭞ᬫᬗ᭄ᬕᭂᬄᬳᬶᬤᬮᬗ᭄ᬕᭂᬂᬲᬸᬓ᭞ᬭᬾᬄᬢᬦ᭄ᬗᬫ᭄ᬩᬶᬮ᭄᭞ᬲᬸᬓᬦᬶᬂᬧᬜ᭄ᬘᬳᬶᬦ᭄ᬤ᭄ᬭ᭟ᬦᬯᬶᬳᬸᬓᬸᬄᬗ᭄ᬮᬦ᭄ᬢᬸᬃᬧᬜ᭄ᬚᬂ᭞ᬭᬶᬓ᭄ᬭᬶ
ᬓᬦ᭄ᬫᬦᬳᬾᬫᬶᬚᬶᬮ᭄᭞ᬕ᭄ᬮᬶᬲᬦ᭄ᬳᬶᬤᬲᬂᬢᬧ᭞ᬫᬦ᭄ᬤᬶᬓᬫᬭᬭ᭄ᬬᬦ᭄ᬤᬸᬫᬸᬦ᭄᭞ᬢᬸᬫᬸᬮᬶᬢᬶᬢ᭄ᬬᬂᬫᬭᬭ᭄ᬬᬦ᭄᭞ᬲ᭄ᬥᭂᬂᬩ᭄ᬘᬶᬓ᭄᭞ᬯᬾᬦ᭄ᬢᭂᬦ᭄ᬩᬢᬸᬮᬾᬫ᭄ᬧᬾᬄ
[᭔᭓ 43A]
ᬮᬸᬫ᭄ᬩᬂ᭟ᬳᬶᬭᬶᬓᬢᬶᬢ᭄ᬬᬂᬫᬦ᭄ᬕᬓ᭄᭞ᬗᬶᬭᬶᬂᬳᬶᬤᬲᬂᬳᬮ᭄ᬯᬶᬄ᭞ᬦᬸᬮᬶᬳᬤᬫᬲᬂᬬᭀᬕ᭞ᬢᬶᬢ᭄ᬬᬂᬫᬗᬸᬦ᭄ᬢᬸᬮ᭄ᬭᬶᬂᬧᬸᬗ᭄ᬓᬸᬃ᭞ᬓᬕᬾᬢ᭄ᬯᬾᬦ᭄ᬢᭂᬦ᭄ᬢᬾᬚ
ᬜᬸᬦ᭄ᬤᬃ᭞ᬲᬓᬶᬂᬳᬓ᭄ᬱᬶ᭞ᬲᬩᭂᬄᬳ᭄ᬜᬢ᭄ᬫᬃᬕ᭄ᬕᬶᬕᬮᬂ᭟ᬫᬦᬄᬢᬶᬢ᭄ᬬᬂᬭᬸᬫᬲᬢᬯᬳ᭄᭞ᬧᬸᬭᬸᬦ᭄ᬫᬤᬸᬓᬦ᭄ᬳᬚ᭄ᬭᬶᬄ᭞ᬳᬦ᭄ᬢᬸᬓ᭄ᬢᭂᬫ᭄ᬩᬾᬫᬫᬗᬸᬳᬂ᭞ᬳᬶ
ᬦ᭄ᬤᬶᬓᬓᬤᬶᬯᬳᬸ᭞ᬮ᭄ᬯᬶᬃᬢᬦ᭄ᬳᬶᬦ᭄ᬤᬶᬓ᭄ᬭᬶᬂᬲᬓᬮ᭞ᬓᬤᬶᬗᬶᬧᬶ᭞ᬢᬦ᭄ᬢᬢᬃᬳᬦ᭄ᬢᬸᬓ᭄ᬗᬸᬦᬶᬗᬂ᭟ᬕ᭄ᬮᬶᬲ᭄ᬫᬢᬗᬶᬲᬗ᭄ᬢᬧ᭞ᬲᬳᬮᬶᬫᬦ᭄ᬢᬶᬢ᭄ᬬᬂᬓ
ᬫ᭄ᬩᬶᬮ᭄᭞ᬓᬤᬦ᭄ᬤᬦ᭄ᬮᬯᬸᬢ᭄ᬫᬫᬃᬕ᭄ᬕ᭞ᬩᬶᬮᬶᬄᬲᬫ᭄ᬧᬸᬦ᭄ᬯᭂᬗᬶᬲᬫ᭄ᬧᬸᬦ᭄᭞ᬫᬶᬭᬕᬶᬓ᭄ᬭᬸᬬᬸᬓᬦ᭄ᬳᬬᬫ᭄᭞ᬗᬮᬸᬧ᭄ᬚᬗᬶᬄ᭞ᬳᬚᬳᬦ᭄ᬧᭀᬦ᭄ᬤᭀᬓ᭄ᬧᬗ᭄ᬕᬸ
Kaca:Bali-lontar-gaguritan-lokika-02-450ppi.pdf/43
Kaca puniki sampun kauji-wacén
