[᭑᭘ 18B]
᭑᭘
ᬲᬸᬃᬭ᭄ᬬᬓ᭄᭟ᬗ᭄ᬤᬾᬓᬶᬦ᭄ᬢᬫ᭄ᬩᭂᬢ᭄ᬲᬂᬩᬶᬫ᭞ᬤ᭄ᬕᬕ᭄ᬗᬫᬸᬲᬸᬳᬶᬦ᭄ᬧᬲᬶᬄ᭞ᬧᬫᬸᬧᬸᬢ᭄ᬮᬬᭀᬦᬾᬓᬫ᭄ᬩᬂ᭞ᬯᬃᬡ᭄ᬦᬦᬾᬳᬶᬋᬂᬫᬍᬗᬶᬲ᭄᭞ᬮ᭄ᬯᬶᬃᬢᬸᬜ᭄ᬚᬸᬂᬩᬶᬭ
ᬦᬾᬮ᭄ᬯᬶᬄ᭞ᬧᬫᬸᬲ᭄ᬧᬦ᭄ᬳ᭄ᬬᬂᬩᬭᬸᬡᬳᬶᬓᬸ᭞ᬫᬫᬸᬚᬳ᭄ᬬᬂᬮᭀᬓᬲ᭄ᬭᬬ᭞ᬫ᭄ᬭᬶᬄᬲᬂᬳᬲᬶᬮᬬᬸᬓ᭄ᬢᬶ᭞ᬓ᭄ᬦᬶᬭᬳᬬᬸ᭞ᬫᬶᬥᬦ᭄ᬤᬲᬂᬫᬸᬮᬄᬲᬮᬄ᭟ᬳᬧᬦ᭄ᬮ
ᬬᭀᬦ᭄ᬲᬗ᭄ᬳᬸᬢᬫ᭞ᬢᬸᬭᬸᬦᬦ᭄ᬫᬯᬗ᭄ᬲᬮ᭄ᬯᬶᬄ᭞ᬧᬗᬯᬓ᭄ᬳᬭᬦᬶᬂᬤᬾᬯ᭞ᬲᬗ᭄ᬓᬦ᭄ᬫᬧ᭄ᬭᬪᬯᬮ᭄ᬯᬶᬄ᭞ᬳᬓᬾᬄᬧ᭄ᬭᬘᬶᬭᬶᬭᬶᬂᬮᬗᬶᬢ᭄᭞ᬢᬾᬚᬕᬸᬮᬶᬂᬮ
ᬦ᭄ᬓᬸᬯᬸᬂ᭞ᬲᬸᬃᬬ᭄ᬬᬓᬮᬗᬦ᭄ᬓᭂᬫ᭄ᬩᬂ᭞ᬳᬸᬚᬦ᭄ᬭᬚᬦᬤᬓ᭄ᬕ᭄ᬭᬶᬫᬶᬲ᭄᭞ᬤᬸᬮᬸᬃᬓ᭄ᬭᬸᬕ᭄᭞ᬓᬶᬮᬢ᭄ᬢᬢᬶᬢᬾᬢᬦ᭄ᬧ᭄ᬕᬢ᭄᭟ᬳᬶᬩᬧᬲᬂᬳ᭄ᬬᬂᬳᬓ
[19A]
ᬲ᭞ᬮ᭄ᬯᬶᬃᬳᬗᭂᬦ᭄ᬫᬦᬗᬶᬲᬶᬦ᭄᭞ᬫᬢᭀᬬᬘᬶᬗᬓ᭄ᬩᬦ᭄ᬳᬸᬚᬦ᭄᭞ᬰᭂᬋᬳᬾᬧᬶᬦᬓᬢᬗᬶᬲ᭄᭞ᬕᬸᬍᬫᬾᬮ᭄ᬯᬶᬃᬭᬫ᭄ᬩᬸᬢ᭄ᬕᬺᬱᬶᬢ᭄᭞ᬳ᭄ᬬᬂᬳᬶ
ᬩᬸᬧᬺᬢᬶᬯᬶᬫᬶᬮᬸ᭞ᬩᬗᭂᬢ᭄ᬲ᭄ᬥᬶᬄᬳᬗᭂᬦ᭄ᬘᬶᬗᬓ᭄᭞ᬮᬬᭀᬦ᭄ᬲᬂᬩᬶᬫᬭᬶᬂᬧᬲᬶᬄ᭞ᬢᭀᬫ᭄ᬩᬓ᭄ᬫᬸᬯᬸᬕ᭄᭞ᬲᬓ᭄ᬱᬢ᭄ᬚ᭄ᬭᬶᬄᬢᬦ᭄ᬫᬢ᭄ᬮᬲᬦ᭄᭟ᬘᬭᬶᬢᬮ
ᬬᭀᬦᬾᬓᬫ᭄ᬩᬂ᭞ᬫ᭄ᬦᭂᬂᬮ᭄ᬯᬶᬃᬫᬲᭂᬫᬥᬶ᭞ᬫᬢᬶᬢᬶᬲ᭄ᬚᭂᬜᬦᬲᬸᬓ᭄ᬮ᭞ᬢᬦ᭄ᬧᬳᬯᬓ᭄ᬢᬦ᭄ᬧᬕᬸᬫᬶ᭞ᬤᬳᬦ᭄ᬲ᭄ᬧᬶᬳ᭄ᬦᬶᬂᬩᬺᬱᬶᬄ᭞ᬕᬮᬂᬢᬦ᭄ᬓᬯᭀᬭᬦ᭄ᬍᬢᬸᬄ
ᬘᬶᬢᬩᬸᬥᬶᬫᬦᬄᬳᬶᬮᬂ᭞ᬮᬦᬸᬲ᭄ᬫᭂᬤᬮ᭄ᬕᬸᬫᬶᬲᬸᬘᬶ᭞ᬫᬗᭂᬮᬸᬯᬸᬂ᭞ᬮ᭄ᬯᬶᬃᬢᬫᭀᬯᬓ᭄ᬓᬸᬦ᭄ᬢᬸᬮ᭄ᬳᬗ᭄ᬮᬬᬂ᭟ᬢᬦ᭄ᬳᬲ᭄ᬯᬾᬓᬕᬾᬢ᭄ᬧ᭄ᬭᬧ᭄ᬢ᭞ᬳ᭄ᬬᬂᬋᬱᬶᬯᬭ
Kaca:Bali-lontar-gaguritan-lokika-02-450ppi.pdf/19
Kaca puniki sampun kauji-wacén
