[᭘ 8B]
᭘
ᬯᬶ᭞ᬢᬸᬫᬸᬮᬶᬭᬭᬶᬲ᭄ᬫᬳ᭄ᬬᬲ᭄᭟ᬕ᭄ᬳᬸᬂᬧᬳ᭄ᬬᬲᬫ᭄ᬩᬭᬦ᭞ᬯᬃᬡ᭄ᬦᬮ᭄ᬯᬶᬃᬰᬰᬶᬄᬫᬶᬚᬶᬮ᭄᭞ᬲ᭄ᬥᭂᬓ᭄ᬧᬸᬃᬡ᭄ᬦᬫᬦᬶᬂᬓᬧᬢ᭄᭞ᬮᬸᬫ᭄ᬮᬸᬫ᭄ᬕᬤᬶᬂᬩᬸᬓᬕ᭄ᬭᬸᬲ᭄᭞ᬓᬤᬶᬕᬫ᭄ᬩᬃᬯᬯᬗᬸᬦᬦ᭄᭞ᬫᬗᬾᬤᬦᬶᬦ᭄᭞ᬚᬕᬾᬕᬾ
ᬢᭀᬂᬳᬤᬫᬤ᭟ᬦᬶᬤᬸᬓᬸᬄᬗᬭᬲᬭᬶᬂᬫᬦᬄ᭞ᬢᬓᭀᬦᬶᬦ᭄ᬳᬦᬓᬾᬘᭂᬦᬶᬓ᭄᭞ᬳ᭄ᬤᬳᬶᬤᬾᬯᬫᬗᬸᬩ᭄ᬤ᭞ᬢ᭄ᬯᬶᬩᬶᬩᬶᬓᬧᬶᬢᬦ᭄ᬤ᭄ᬭᬸᬄ᭞ᬧᬸᬢ᭄ᬭᬶᬦ᭄ᬭᬢᬸᬦᬾᬦᬾᬤᬶᬚ᭞ᬓᬸᬤᬕᬸᬲ᭄ᬢᬶ᭞ᬢᬸᬢᬸᬭᬶᬦ᭄ᬚᬓᬸᬤᬢᬶ
ᬢ᭄ᬬᬂ᭟ᬦᬶᬤᬸᬓᬸᬄᬲᭂᬲᭂᬤ᭄ᬦᬓᭀᬦᬂ᭞ᬗᬦ᭄ᬤᬶᬓᬭᬳᬤᬾᬦ᭄ᬤᬾᬯᬶ᭞ᬦᬵᬗ᭄ᬳᬶᬂᬩᬶᬩᬶᬳ᭄ᬤᬯᬾᬭ᭞ᬲᬲᬃᬢ᭄ᬬᬗᬾᬓᬮᬗ᭄ᬓᬸᬂ᭞ᬳᬸᬮᬶᬂᬩᬸᬫᬭᬫᬚᬦ᭄ᬫ᭞ᬓᬜ᭄ᬘᬂᬚᬦᬶ᭞ᬢ᭄ᬬᬂᬫᬦᬦ᭄ᬤᬂᬤᬸᬄᬓᬶᬢ᭟ᬢ᭄ᬬᬂᬳᭀᬓᬦ᭄ᬧ᭄ᬭᬪᬸ
ᬤ᭄ᬳ᭞ᬗᬸᬦᬶᬩᬋᬂᬩ᭄ᬬᬂᬲᬸᬭᬶ᭞ᬫᬓᬸᬢᬂᬢ᭄ᬗᬳᬶᬂᬳᬮᬲ᭄᭞ᬧᬕᬯᬾᬦ᭄ᬳᬶᬩᬶᬩᬶᬮᬶᬓᬸ᭞ᬳᬾᬮᬶᬂᬭᬶᬂᬩ᭄ᬬᬗᬾᬲᬾᬤ᭞ᬭᬭᬶᬲ᭄ᬦᬗᬶᬲ᭄᭞ᬭᬤᬾᬦ᭄ᬤᬾᬯᬶᬜᭂᬮ᭄ᬲᭂᬮ᭄ᬭᬵᬕ᭟ᬦᬶᬤᬸᬓᬸᬄᬦᬶᬗᭂᬳᬂᬓᬗᭂᬦ᭄᭞ᬗᭂᬮᬸᬢ᭄ᬘᭀ
[᭙ 9A]
᭙
ᬓᭀᬃᬩᬋᬂᬗᭂᬮᬶᬂ᭞ᬤᬸᬄᬭᬢᬸᬫᬵᬲ᭄ᬳᬢ᭄ᬫᬚ᭄ᬯᬶᬢ᭞ᬳᬸᬲᬦᬂᬳᬶᬤᬾᬯᬲᬸᬗ᭄ᬲᬸᬢ᭄᭞ᬮᬶᬮᬬᬂᬭᬶᬂᬧᬓᬳ᭄ᬬᬸᬦᬦ᭄᭞ᬲᬦᬾᬫᬗ᭄ᬓᬶᬦ᭄᭞ᬧᬕᭂᬳᬂᬭᬢᬸᬓᬾᬃᬢ᭄ᬢᬶᬬᬂ᭟ᬳᬶᬕᬮᬸᬄᬭᬭᬶᬲ᭄ᬗᬦ᭄ᬤᬶᬓ᭞ᬫᬸᬮᬢᬶᬢᬄᬢᬸᬤᬸᬄ
ᬯᬶᬥᬶ᭞ᬳᬧᬂᬳᬤᬲᬢ᭄ᬯᬋᬓᭀ᭞ᬤᬶᬓᬶᬤᬸᬂᬧᬗᬯᬶᬫᬸᬗ᭄ᬕᬄᬫᬦᬤᬶᬳᬸᬘᬧᬦ᭄ᬚᬕᬢ᭄᭞ᬓᬾᬢᭀᬩᬶᬩᬶ᭞ᬳ᭄ᬤᬲᬗᭂᬢ᭄ᬫᬦᬦ᭄ᬭᬸᬳᬂ᭟ᬦᬶᬤᬸᬓᬸᬄᬭᬭᬶᬲ᭄ᬫᬢᬸᬭ᭞ᬲᬵᬫ᭄ᬧᬸᬦ᭄ᬩᬗᭂᬢ᭄ᬗᬫᭂᬗ᭄ᬕᬳᬶᬦ᭄᭞ᬕᭂ
ᬦ᭄ᬢᭀᬲᬶᬦ᭄ᬭᬢᬸᬧᬲᬾᬗᬦ᭄᭞ᬢᬢ᭄ᬓᬵᬮᬦᬶᬂᬯᬾᬦ᭄ᬢᭂᬦ᭄ᬭᬯᬸᬄ᭞ᬘᬶᬮᬶᬦᬬᬂᬳᬦᬸᬢ᭄ᬧᬶᬲᬦ᭄᭞ᬬᬦᬶᬂᬩᬶᬩᬶ᭞ᬫᬢᬓᭀᬦ᭄ᬫᬦᭂᬩᬄᬪᬱ᭟ᬲᬧᬸᬦᬶᬓᬫᬦᬄᬢᬶᬢ᭄ᬬᬂ᭞ᬫᬗ᭄ᬤᬾᬲᬭᬸᬯᬦ᭄ᬳᬓᬶᬤᬶᬓ᭄᭞ᬭ
ᬤᬾᬦ᭄ᬕᬮᬸᬄᬲᬳᬸᬃᬳᬮᭀᬦ᭄᭞ᬦᬄᬓᬾᬢᭀᬚᬫᬲᬶᬄᬧᬢᬸᬢ᭄᭞ᬢ᭄ᬬᬂᬢ᭄ᬯᬭᬩᬦᬶᬧᬶᬯᬮ᭄᭞ᬢ᭄ᬓᬾᬦ᭄ᬩᬶᬩᬶ᭞ᬲᬸᬩᬳᭀᬮᬲ᭄ᬢ᭄ᬓᬾᬦ᭄ᬢ᭄ᬬᬂ᭟ᬳ᭄ᬦᭂᬗᬓ᭄ᬦᬭᬳᬤ᭄ᬬᬦ᭄᭞ᬳᬦᬓᬯᬃᬡ᭄ᬦᬳᬫᬗ᭄ᬓᬶᬦ᭄
