[᭑᭕ 15B]
᭑᭕
ᬦᬾᬲᬫᬢ᭄ᬭᬵ᭞ᬫᬢᬶᬦᬾᬢᬦ᭄ᬤᬤᭀᬲ᭄ᬧᬮᬲ᭄᭞ᬭᬶᬂᬳᬸᬭᬶᬧ᭄ᬲᬃᬯ᭄ᬯᬢᬸᬫᬸᬯᬸᬄ᭞ᬦᬵᬗ᭄ᬳᬶᬂᬧᬸᬦᬂᬗᬸᬢᬂᬢᬶᬢ᭄ᬬᬂ᭟ᬢᬺᬱ᭄ᬡᬩᬦ᭄ᬤᬦᬗᬚᬓᬶᬦ᭄᭞ᬩᬦᬶᬢᬸᬬᬸᬄᬗᬸᬢᬂᬮᬫ᭄ᬧᬄ᭞ᬓᭂᬦᭂᬄᬳᬶᬗᬸᬄᬲᬳᬶᬳᭀᬯᭀᬦ᭄᭞ᬤᬸᬭᬸᬂᬳᬦ᭄ᬢᭂᬲ᭄ᬩᭂᬮᬶᬦᬶ
ᬗ᭄ᬕᬮ᭄᭞ᬢᬶᬢ᭄ᬬᬂᬲᬋᬂᬲᬶᬦᬫ᭄ᬬᬦ᭄᭞ᬢᬸᬗ᭄ᬓᬲᬂᬫᬗ᭄ᬤᬦᬾᬳᬶᬤᬸᬧ᭄᭞ᬳᬶᬭᬶᬂᬢᬶᬢ᭄ᬬᬂᬓᬭᬶᬭᬸᬫᬄ᭟ᬓᬾᬢᭀᬤᬶᬘ᭄ᬳᬕᬸᬂᬗᬲ᭄ᬬᬲᬶᬄ᭞ᬢᬸᬃᬦᬗᬶᬲ᭄ᬫᬲᬲᬫ᭄ᬩᬢᬦ᭄᭞ᬧᭂᬲᬸᬬᬾᬄᬫᬢᬦᬾᬳᬯᭀᬃ᭞ᬓᬾᬦ᭄ᬳᬶᬥᭂᬧᬾᬧᬮᬶᬂᬳᬸᬬᬂ᭞ᬗᬸᬲ
ᬧ᭄ᬜᬾᬓ᭄ᬦᬾᬫᬕᬫ᭄ᬩᬳᬦ᭄᭞ᬳᬶᬗᭂᬢ᭄ᬢᭂᬓᬾᬦ᭄ᬤᬾᬯᬾᬓ᭄ᬮᬘᬸᬃ᭞ᬳ᭄ᬬᬵᬗᬬᬳᬶᬦ᭄ᬧᭂᬢᭂᬂᬍᬫᬄ᭟ᬳᬶᬗᭂᬢ᭄ᬬᬦ᭄ᬓᬮᬳᬶᬦ᭄ᬫᬢᬶ᭞ᬲᭂᬤᬶᬄᬳᬶᬬᬵᬢ᭄ᬯᬄᬧᬤᬶᬤ᭄ᬬᬦ᭄᭞ᬜᬫᬧ᭄ᬬᬦᬓ᭄ᬧᬥᬳᭂᬚᭀᬄ᭞ᬦᬦ᭄ᬤᬗᬶᬦ᭄ᬮᬭᬓᬢᬺᬱ᭄ᬡᬦ᭄᭞ᬧᭂᬢᭂᬂᬍ
ᬫᬄᬓᭂᬩᬸᬤ᭄ᬪᬭᬵ᭞ᬫᬸᬮᬢᬶᬢ᭄ᬬᬂᬳᬸᬮᬶᬫᬮᬸ᭞ᬚᬦ᭄ᬤᬤ᭄ᬯᬢᭀᬂᬢᬳᬾᬦ᭄ᬩᭂᬮᬲ᭄᭟ᬩ᭄ᬯᬶᬦ᭄ᬧᬶᬤᬦ᭄ᬬᬦ᭄ᬫᬦᬸ᭠ᬫᬤᬶ᭞ᬳᬧᬂᬧᬗ᭄ᬕᬶᬄᬫᬓᬭᭀᬦᬦ᭄᭞ᬲᬸᬲᬢ᭄ᬬᬳᬶᬥᭂᬧᬾᬢᬸᬯᭀᬦ᭄᭞ᬫᬦᭂᬕᬸᬮ᭄ᬓᬬᬂᬓᬯᭂᬓᬲ᭄᭞ᬳᭂᬦ᭄ᬢᭀᬘᬶ
[᭑᭖ 16A]
ᬳ᭄ᬦᬧᬢᬶᬩ᭄ᬭᬢ᭞ᬢᬺᬱ᭄ᬡᬦ᭄ᬓᬬᬸᬦᬾᬢᬸᬮᬸᬲ᭄᭞ᬚᬓ᭄ᬓᬤ᭄ᬯᬵᬦᬦ᭄ᬤᬂᬓᬮᬭᬦ᭄᭟ᬦᬤᬓ᭄ᬱᬭᬫᬓᭂᬦᭂᬄᬫᬸᬮᬶᬄ᭞ᬳᬶᬗᭂᬢ᭄ᬢᭂᬓᬾᬦ᭄ᬦᬾᬦᬾᬚᬸᬫᬄ᭞ᬫᬓᭂᬚᬂᬳᬗᬺᬓᬾᬋᬓᭀ᭞ᬢᬫᬭᬧ᭄ᬲᭂᬫᬭᬓ᭄ᬓᭂᬫ᭄ᬩᬂ᭞ᬳ᭄ᬬᬵᬳᬶᬧᬶᬦ᭄ᬢᬵᬦᬾᬦᬸᬢᬸᬭ
᭞ᬘᬵᬫ᭄ᬧᬓᬕᬦ᭄ᬪᬭᬾᬗᬮᬸᬩ᭄᭞ᬦᬾᬫᬸᬮᬜᬲᬳᬶᬳᬮᬧ᭄᭟ᬧᬃᬡ᭄ᬦᬬᬂᬳ᭄ᬬᬗᬲᬶᬳᬲᬶᬄ᭞ᬦᬸᬮᬫᬾ᭠ᬦᬕᬶᬄᬋᬲᭂᬧᬂ᭞ᬚᬦ᭄ᬤᬤ᭄ᬯᬵᬗᬮᬳᬶᬦᭂᬚᭀᬄ᭞ᬤᬶᬅ᭄ᬳᬕᬸᬂᬦᬾᬦᬸᬮᬾᬫᬦᬂ᭞ᬕᬸᬫᬦ᭄ᬢᬶᬜᬲᬳᬶᬜᬶᬭᬫ᭄᭞ᬫᭂ᭠
ᬢᬶᬂᬫᭂᬢᬶᬂᬳᬶᬮᬶᬫᬮᬸ᭞ᬓᬦ᭄ᬢᬶᬳᬶᬤᬸᬧ᭄ᬬᬵᬫᬓᭂᬚᬂ᭟ᬮᬭᬢ᭄ᬢᬾᬫᬯᬃᬡ᭄ᬦ᭞ᬳᬤᬧᬸᬢᬶᬄᬓᬸᬦᬶᬂᬕᬥᬂ᭞ᬓᬢ᭄ᬮᬾᬬᬵᬲᭀᬓ᭄ᬮᬢ᭄ᬓᬫ᭄ᬩᭀᬫ᭄ᬩᭀ᭞ᬦᬾᬢᬗᬶᬭᬕᬾᬫᬲ᭄ᬭᬶᬬᬓ᭄᭞ᬫᬾᬭᬄᬧᬸᬢᬶᬄᬤᬤᬸᬯᬬᬄ᭞ᬫᬓᭂ᭠
ᬚᬂᬲᭂᬫᬸᬮᬸᬫ᭄ᬮᬸᬫ᭄᭞ᬧᬃᬡ᭄ᬦᬬᬂᬤᬶᬚ᭄ᬭᭀᬦᬶᬂᬫᬦᬄ᭛᭜᭛ᬧᬸᬧᬸᬄᬲᬶᬦᭀᬫ᭄᭛᭜᭛ᬓᬧᬶᬦ᭄ᬤᭀᬯᬦᬾᬳᬸᬩᬦᬂ᭞ᬑᬧ᭄ᬦᬫᬵᬤᬶᬭᬸᬫᬄᬲᬓᬶᬢ᭄᭞ᬓᭀᬘᬧ᭄ᬳᭂᬫ᭄ᬧᭂᬥᬸᬓᬲᬸᬫ᭄ᬩᬢ᭄᭞ᬗᬯᬶᬦᬂᬓᭂᬦᭂᬳᬾᬧᬮᬶᬂ᭞ᬳᬶᬩᬸᬓᬸ
Kaca:Bali-lontar-gaguritan-ligya-patibrata-300ppi.pdf/16
Kaca puniki sampun kauji-wacén
