[᭔᭕ 45B]
᭔᭕
᭟ᬲᬫᬶᬢ᭄ᬮᬄᬭᬸᬧᬦᬾᬰᬸᬤ᭄ᬟᬧᬯᬶᬢ᭄ᬭ᭞ᬘᬶᬭᬶᬦ᭄ᬲᬵᬫ᭄ᬧᬸᬦ᭄ᬫᬩ᭄ᬭᬲᬶᬄ᭞ᬫᬫᬦ᭄ᬢ᭄ᬭᬧᬯᬶᬦ᭄ᬢᭂᬦᬦ᭄᭞ᬮ᭄ᬯᬶᬄᬰᬸᬘᬶᬮᬓ᭄ᬱᬡ᭞ᬓᬮᬸᬕ᭄ᬭᬳᬫᬸᬚᬓᬶᬓ᭄᭞ᬧᬦ᭄ᬢᭂᬲ᭄ᬧᬃᬡ᭄ᬦᬬᬂ᭞ᬫᬳᬶ
ᬦᬩ᭄ᬫᬬᬸᬭᬵᬧᬸᬢᬶᬄ᭟ᬫᬸᬮᬓᬲᬸᬩ᭄ᬲᬮᬸᬦ᭄ᬤᬶᬂᬤ᭄ᬯᬾᬦ᭄ᬪᬝᬵᬭᬵ᭞ᬫᬓᬾᬄᬤᬳᬦᬾᬫᬗᬶᬭᬶᬂ᭞ᬫᬗᬶᬕᭂᬮ᭄ᬗᬋᬚᬂ᭞ᬢᬸᬃᬫᬓᬫ᭄ᬩᭂᬦ᭄ᬓᬓᬜ᭄ᬘᬦ᭄᭞ᬳᬰ᭄ᬭᬷᬬᬫᬲᬩᬸᬓᬸᬦᬶᬂ᭞ᬫ
ᬦ᭄ᬢᭂᬂᬓᬓᬜ᭄ᬘᬦ᭄᭞ᬕᬥᬂᬫᬲᭀᬭᭀᬢ᭄ᬓᬸᬦᬶᬂ᭟ᬕᬕ᭄ᬮᬸᬗᬦ᭄ᬜᬦᬾᬢ᭄ᬕᭂᬄᬧᬸᬢᬶᬄᬩᬸ᭠ᬗᬄ᭞ᬧᬦ᭄ᬢᭂᬲ᭄ᬫᬩᬸᬗ᭄ᬳᬰ᭄ᬭᭀᬦᬶ᭞ᬓᬮᬶᬄᬩᬸᬗ᭄ᬳᬧ᭄ᬮᬰ᭞ᬧᬶᬦ᭄ᬤᭂᬩᬸᬮᬦ᭄ᬢᬸᬫᬗ᭄ᬕᬮ᭄᭞ᬲᬫ᭄ᬬᬦ᭄ᬫ
ᬩᭀᬭᭀᬄᬫᬶᬳᬶᬓ᭄᭞ᬭᬭᬶᬲ᭄ᬗᬋᬚᬂᬧᬗ᭄ᬕᬸᬗᬦᬾᬓᬶᬤᭂᬭᬶᬦ᭄᭟ᬲᬫᬶᬩ᭄ᬘᬶᬓ᭄ᬢᬶᬦ᭄ᬤᬓᬾᬳᬍᬧ᭄ᬭᬡᬫ᭄ᬬ᭞ᬤᬾᬫ᭄ᬧᭀᬤᬾᬫ᭄ᬧᭀᬫᬦᬸᬮᬶᬄ᭞ᬍᬫᬸᬄᬫᬕᬾᬮᭀᬳᬦ᭄᭞ᬢᬬᬸᬗ
[᭔᭖ 46A]
ᬦ᭄ᬧᬧᬢᭂᬳᬦ᭄᭞ᬧᬮᬶᬬᬢᬾᬜᭂᬜᭂᬃᬫᬦᬶᬲ᭄᭞ᬤ᭄ᬯᭂᬕ᭄ᬫᬭᬭᬲ᭄ᬧᬦ᭄ᬢᭂᬲ᭄ᬗᬜᬸᬤᬂᬳᬢᬶ᭟ᬓᬮᬶᬄᬳᬶᬤᬵᬤᬾᬯ᭄ᬯᬕ᭄ᬟᬾᬓ᭄ᬢᬸᬢ᭄ᬳᭀᬓ᭞ᬫᬫᬋᬓᬦ᭄ᬲᬓᬶᬂᬳᬮᬶᬢ᭄᭞ᬧᬸᬕᬸᬄᬫ
ᬗᬾᬦ᭄ᬢᭂᬭᬂ᭞ᬦᬸᬮᬶᬗ᭄ᬳᬦᬾᬫᬓᬃᬬ᭄ᬬ᭞ᬭᬶᬂᬧ᭄ᬬᬚ᭄ᬜᬦ᭄ᬲᬓᬶᬂᬧᬗᬯᬶᬢ᭄᭞ᬗ᭄ᬯᬗᬸᬦ᭄ᬧᬗ᭄ᬕᬸᬗᬓ᭄ᬓᬮᬶᬄᬦ᭄ᬫᬓᬸᬄᬭᬶᬂᬰᬸᬘ᭄ᬙᬶ᭟ᬳᬶᬤᬫᬤᬾᬲᬶᬤ᭄ᬫᭂᬦ᭄ᬲᬓᬶᬂᬕ᭄ᬭ᭄ᬬᬳᬸᬮᬄ᭞ᬦᬸᬓᬗᬶᬦ᭄ᬩᬸᬓᬸᬭᬾᬲ
ᬫᬶ᭞ᬲᬓᬶᬂᬯᬯᬸᬗ᭄ᬭᬜ᭄ᬘᬂ᭞ᬲᬋᬂᬯᬢᭂᬓ᭄ᬩᬸᬚᬩᬸᬓ᭄ᬧᬤᬵ᭞ᬲᬓᬸᬳᬸᬫ᭄ᬲᬶᬩ᭄ᬢᬦ᭄ᬲᬫᬶ᭞ᬲᬳᬵᬗᬢᬸᬭᬂ᭞ᬢᬶᬳᬶᬂᬩᬸᬓᬸᬭᬾᬲᬫᬶ᭟ᬲᬵᬫ᭄ᬧᬸᬦ᭄ᬧᬸᬧᬸᬢ᭄ᬓ᭄ᬭᬜ᭄ᬘᬂᬭᬶᬂᬤᬾᬰᬲᬶᬩ᭄ᬢᬦ᭄᭞ᬯ
ᬯᬸᬓᬋᬫ᭄ᬩᬢ᭄ᬭᬭᬶᬲ᭄᭞ᬯᬗᬸᬦ᭄ᬭᬶᬂᬧ᭄ᬬᬵᬚ᭄ᬜᬦ᭄᭞ᬲᬺᬕᭂᬧ᭄ᬲᬳᬸᬧᬘᬵᬭ᭞ᬳᬶᬧᬲᭂᬓ᭄ᬕᬤᬸᬄᬫᬹᬃᬯ᭄ᬯᬦᬶᬦ᭄᭞ᬲᬓᬶᬂᬢᬶᬳᬶᬗᬦ᭄᭞ᬫ᭄ᬘᬳᬂᬓᬃᬬ᭄ᬬᬦᬾᬲᬫᬶ᭟ᬭᬶᬂᬧ᭄ᬬᬚ᭄ᬜᬦ᭄ᬫᬗ᭄ᬭᬭᬶᬲ᭄ᬓᬩ
Kaca:Bali-lontar-gaguritan-ligya-1937-350ppi.pdf/46
Kaca puniki sampun kauji-wacén
