[᭓᭔ 34B]
᭓᭔
ᬦ᭄ᬢᬚ᭄ᬜᬦ᭟ᬬᬦᬶᬂᬳᬶᬤᬵᬩᬕᬸᬲ᭄ᬧᬹᬃᬡ᭄ᬦ᭞ᬳᬦᬹᬢ᭄ᬭᬕᬦᬾᬫᬍᬗᬶᬲ᭄᭞ᬜᬦ᭄ᬤᬂᬧᬫᬃᬕ᭄ᬕᬶᬦᬾᬳᬮᭀᬦ᭄᭞ᬤᬾᬦᬶᬂᬯᬶᬩᬸᬳᬾᬗ᭄ᬭᬾᬫ᭄ᬩᬢᬶᬦ᭄᭞ᬦᬵᬗ᭄ᬳᬶᬂᬧᬸᬕᬸᬄᬫ᭄ᬩᬮ᭄ᬬᬦᬶᬦ᭄᭞ᬢᬩᬸᬳᬾ
ᬲᬃᬚ᭄ᬚᬯ᭄ᬯᬳᬮᬸᬲ᭄᭞ᬗ᭄ᬕᬯᬾᬲᬸᬓᬦᬶᬂᬚᬕᬢ᭄᭞ᬚᬢᬶᬲ᭄ᬟᭂᬂᬧᬸᬚᬶᬧᬸᬚᬶ᭞ᬳᬗ᭄ᬕᬾᬦ᭄ᬢᬸᬗ᭄ᬕᬸ᭠ᬮ᭄ᬲᬯᬶᬢᬺᬯ᭄ᬓᬲᬶᬂᬲᬬᬂ᭟ᬳᬶᬤᬧ᭄ᬭᬡ᭄ᬟᬳᬶᬲ᭄ᬢ᭄ᬭᬶᬧ᭄ᬭᬪᬵ᭞ᬫᬕ᭄ᬭ᭄ᬬᬭᬶᬂᬕ᭄ᬭ᭄ᬬᬲᬓ᭄ᬱᬭᬷ᭞ᬯᬶᬓᬸᬯ᭄ᬓᬲᬶᬂᬥᬃ᭠
ᬫ᭄ᬫᬯᬦ᭄᭞ᬬᬤᬶᬦ᭄ᬢᬦ᭄ᬭᬯᬸᬄᬓᬩᬮᬶ᭞ᬢᬍᬃᬯᬾᬦ᭄ᬢᭂᬦ᭄ᬧᬢᬶᬢᬶᬧ᭄᭞ᬯ᭄ᬓᬲ᭄ᬳᬸᬢ᭄ᬢᬫᬓᬳᬢᬸᬃ᭞ᬲᬤᬦᬦ᭄ᬤᬾᬯ᭄ᬯᬬᬚ᭄ᬜ᭞ᬤᬸᬮᬸᬭᬶᬦ᭄ᬯᬘᬡ᭄ᬦᬍᬯᬶᬄ᭞ᬦᬾᬓᬳᬢᬸᬃᬳᬸᬫᬸᬗ᭄ᬕᬸᬄᬲ
ᬚ᭄ᬭᭀᬦᬶᬂᬲᬹᬭᬢ᭄᭟ᬯ᭄ᬓᬲ᭄ᬳᬦ᭄ᬢᬸᬓ᭄ᬜᬸᬓ᭄ᬱ᭄ᬫᬬᬂ᭞ᬓᬳᬗ᭄ᬕᬾᬧᬗᬾᬮᬶᬂᬗᬾᬮᬶᬂ᭞ᬜᬶ᭠ᬫ᭄ᬧᭂᬦ᭄ᬭᬶᬂᬳᬦ᭄ᬢᬳᬺᬤ᭄ᬟᬬ᭞ᬯᬮᬸᬬᬧ᭄ᬭᬲᬤ᭄ᬟᬫᬦᬶᬓ᭄᭞ᬫᬤᬓ᭄ᬤᬸᬮᬸᬭᬶᬦ᭄ᬯᬶᬤ᭄ᬟᬶ᭞ᬲᬶᬤ᭄ᬟᬤᬶᬃᬕ᭄ᬕᬬᬸ
[᭓᭕ 35A]
ᬱᬦᬸᬮᬸᬲ᭄᭞ᬳᬶᬥᬲᬂᬫᬳᬘᬃᬫ᭄ᬫ᭞ᬲᬓᬮᬦᬶᬲ᭄ᬓᬮᬍᬯᬶᬄ᭞ᬦ᭄ᬫᬸᬲᬤ᭄ᬬᬸᬄᬫᬦᬸᬗ᭄ᬓᬧ᭄ᬦᬶᬃᬩ᭄ᬪᬡᬰᬸᬦ᭄ᬬ᭟ᬧᬜ᭄ᬚᬂᬧᬓᭀᬬᬦ᭄ᬳᬸᬘᬧᬂ᭞ᬤᬾᬦᬶᬂᬲᬵᬫ᭄ᬧᬸᬦ᭄ᬢ᭄ᬗᬄᬯ᭄ᬗᬶ᭞ᬧᬭᬵᬢᬫ᭄ᬬᬸᬦᬾ᭠
ᬲᬫ᭄ᬬᬦ᭄᭞ᬫᬲᭂᬧ᭄ᬲᭂᬧᬦ᭄ᬲᬶᬋᬧ᭄ᬳᬭᬶᬲ᭄᭞ᬦᬾᬗᬚᬂᬩᬾᬢᬓ᭄ᬫᬮᬶᬄ᭞ᬫ᭄ᬤᬮ᭄ᬓᬫᬃᬕ᭄ᬕᬶᬦᬾᬗᬗ᭄ᬕᬸᬃ᭞ᬗᬶᬮᬩᬂᬓᬩᬕᬸᬲᬦ᭄᭞ᬜᬤᬂᬲ᭄ᬓᬭᬾᬭᬶᬂᬫᬃᬕ᭄ᬕᬶ᭞ᬳᬮᬸᬫ᭄ᬤᬮᬸᬲᬸᬦ᭄ᬤᬃᬫᬍᬫ᭄ᬲ
ᬦᬾᬫᬬᬂ᭚᭐᭚ᬧᬗ᭄ᬓᬸᬃ᭚᭐᭚ᬯᬯᬸᬗᭂᬤᬲ᭄ᬭᬳᬶᬦᬳᬂ᭞ᬲᬬᬦ᭄ᬩᬳᬓ᭄ᬮᬗᬶᬢᬾᬕᬮᬂᬓᬗᬶᬦ᭄᭞ᬳᬗ᭄ᬲᭂᬗᬦ᭄ᬚᬕᬢᬾᬤᬬᬸᬄ᭞ᬓ᭄ᬱᭂᬄᬳᬗᬶᬦᬾᬫ᭄ᬮᬄ᭞ᬧᬩ᭄ᬭ᭄ᬬᬸᬂᬲᬤ᭄ᬧᬤᬦᬾᬭ
ᬯᬸᬄᬗ᭄ᬭᬸᬩᬸᬂ᭞ᬲᬫᬶᬗᬶᬲᭂᬧ᭄ᬲᬭᬶᬦ᭄ᬲ᭄ᬓᬃ᭞ᬲᬬᬦ᭄ᬫᬜᭂᬧᬸᬓᬂᬫᬶᬳᬶᬓ᭄᭟ᬧᬓ᭄ᬱᬶᬦᬾᬳᬓᬾᬄᬫᬗᬶᬫ᭄ᬩᬂ᭞ᬫᬗᬫ᭄ᬩᬭᬵᬳ᭄ᬟᭀᬄᬮᬸᬗ᭄ᬳᬵᬫᬳᭂᬲᬶᬓ᭄᭞ᬧᬦᬓ᭄ᬜᬦᬾᬲᬫᬶᬫᬗᬸ᭞
Kaca:Bali-lontar-gaguritan-ligya-1937-350ppi.pdf/35
Kaca puniki sampun kauji-wacén
