[᭓᭐ 30B]
᭓᭐
ᬓᬓᬸᬂ᭞ᬩ᭄ᬯᬶᬦ᭄ᬧ᭄ᬯᬦ᭄ᬜᬦᬾᬫᬩᬸᬓᬅ᭄᭟ᬫᬗ᭄ᬕᬾᬫ᭄ᬧᬤᬕᬶᬗᬦ᭄ᬲᬸᬘ᭄ᬙᬶ᭟ᬗᬸᬘᬧ᭄ᬗᬫᬾᬜ᭄ᬚᬗᬂᬓᬃᬬ᭄ᬬ᭞ᬘᬭᬶᬢᬬᬂᬧᬭᬵᬳᬕᬸᬗᬾᬲᬫᬶ᭞ᬕ᭄ᬬᬜᬃᬩᬗ᭄ᬮᬶᬫᬶᬯᬄᬓ᭄ᬮᬸᬂᬓᬸᬂ᭞ᬩᬤᬸᬂᬫᬶᬯᬄ
ᬢᬩᬦᬦ᭄᭞ᬚᬫ᭄ᬩᭂᬭᬡ᭄ᬦᬦᬸᬮᬾᬮᬾᬂᬫᬗ᭄ᬯᬸᬭᬯᬸᬄ᭞ᬫᬳᬶᬭᬶᬗᬦ᭄ᬭᬚᬧᬸᬢᬺ᭞ᬫᬓᬤᬶᬧᬋᬲᬸᬮᬶᬗ᭄ᬕᬶᬄ᭟ᬪᬵᬕᬯᬵᬦ᭄ᬢᬧᬢᬶᬃᬢ᭄ᬣᬬᬦ᭄᭞ᬧᬸᬓᬸᬮᬫ᭄ᬧᬢ᭄ᬧ᭄ᬭᬬᬦᬧᬓ᭄ᬭᬶᬂᬧᬸᬭᬷ᭞ᬳ
ᬯᬵᬦᬦ᭄ᬲᬵᬫ᭄ᬧᬸᬦ᭄ᬫᬳᬢᬸᬃ᭞ᬗᬯᬶᬢ᭄ᬲᬓᬶᬂᬩᬮᬾᬤᬦᬵ᭞ᬩᬭᬶᬲ᭄ᬢᬸᬫ᭄ᬩᬓᬾᬫᬧᬦ᭄ᬢᬧᬦ᭄ᬢᬫᬢᬫ᭄ᬩᬸᬃ᭞ᬩᬭᬶᬲ᭄ᬧᬤ᭄ᬧᬶᬦ᭄ᬤᭂᬃᬫ᭄ᬯᬂᬭᬸᬤᬢ᭄᭞ᬲᬫᬶᬲᬬᬕᬫᭂᬦ᭄ᬤᬓᬶᬦ᭄᭟ᬲᬧᬜ᭄ᬚᬂ
ᬫᬃᬕ᭄ᬕᬶᬫᬩᬜ᭄ᬚᬄ᭞ᬓᬦᬦ᭄ᬓᬶᬭᬶᬫᭂᬫ᭄ᬩᬢ᭄ᬗᬦ᭄ᬢᭂᬕ᭄ᬓᬧᬸᬭᬷ᭞ᬳ᭄ᬕᭀᬗᬾᬲᬵᬫ᭄ᬧᬸᬦ᭄ᬫᬘ᭄ᬕᬸᬃ᭞ᬘᬶᬳ᭄ᬦᬦᬶᬂᬲᬵᬫ᭄ᬧᬸᬦᬧᬓ᭄᭞ᬲᬫᬶᬭᬯᬸᬄᬳᬶᬤᬲᬂᬧᬭᬵᬤᬶᬳᬕᬸᬂ᭞ᬭᬶᬂᬧᬸᬭᬷᬳᬫᬲ᭄ᬓ᭄ᬭᬤ
[᭓᭑ 31A]
᭓᭑
ᬫ᭄᭞ᬫᬗᬦ᭄ᬢᭀᬲᬫᬶᬫᬮᬶᬗ᭄ᬕᬶᬄ᭞ᬰ᭄ᬭᬷᬧᬤᬸᬓᭂᬢ᭄ᬯᬦ᭄ᬩᭂᬲᬃ᭞ᬓᬫᬗ᭄ᬕᬮᬵᬮᬶᬗ᭄ᬕᬦᬶᬂᬚᬕᬢ᭄ᬩᬮᬶ᭞ᬫᬶᬯᬄᬢ᭄ᬯᬦ᭄ᬳᬲᬶᬲ᭄ᬢᬾᬦ᭄ᬩᬤᬸᬂ᭞ᬢ᭄ᬯᬦ᭄ᬓᭀᬦ᭄ᬢ᭄ᬮᬶᬃᬲᬶᬗ᭄ᬳᬭᬚ᭞ᬳᬲᬓ᭄ᬱᬡᬧᬸᬓᬸᬮᬶᬫ
ᬲᬵᬫ᭄ᬧᬸᬦ᭄ᬭᬯᬸᬄ᭞ᬦᬧᬓ᭄ᬭᬶᬂᬓᭀᬢ᭄ᬣᬦᬕᬭ᭞ᬢ᭄ᬩᭂᬂᬳᬦᬓᬾᬫᬩᬮᬶᬄ᭟ᬭᬶᬂᬫᬃᬕ᭄ᬕᬶᬦᬾᬲᭂᬲᭂᬓ᭄ᬳᬢᬧ᭄᭞ᬲᬓᬶᬂᬓᬦ᭄ᬢᭀᬃᬓᬦ᭄ᬢᭀᬲ᭄ᬭᬯᬸᬄᬓᬧᬸᬭᬷ᭞ᬫᬧᬶᬮ᭄ᬧᬶᬮ᭄ᬫᬧᬸᬦ᭄ᬤᬸᬄᬧᬸ
ᬦ᭄ᬤᬸᬄ᭞ᬲᬫᬶᬗᬧᬶᬓᬶᬦ᭄ᬧᬬᬲ᭄᭞ᬤᬾᬦᬶᬂᬦᭂᬫ᭄ᬩᬾᬧᬭᬵᬳᬕᬸᬗᬾᬫᬩ᭄ᬭ᭄ᬬᬸᬓ᭄᭞ᬭᬯᬸᬄᬲᬋᬂᬢ᭄ᬯᬦ᭄ᬢ᭄ᬯᬦ᭄᭞ᬫᬢᬶᬜ᭄ᬚᭀᬓᬫ᭄ᬮᬦᬕᬭᬷ᭟ᬩᬳᬸᬫᬭᬧᬸᬓᬸᬮᬶᬫᬵ᭞ᬫᬲ᭄ᬮᬸᬭ
ᬦ᭄ᬲ᭄ᬯᬭᬦ᭄ᬳᬕᭀᬗᬾᬢᬭᬶᬓ᭄᭞ᬦᬫ᭄ᬩᬸᬂᬢᬶᬦᬫ᭄ᬩᬸᬂᬫ᭄ᬯᬂᬢᬫ᭄ᬩᬸᬃ᭞ᬫ᭄ᬯᬄᬲ᭄ᬫᬭᬧᬕᬸᬮᬶᬗᬦ᭄᭞ᬩᬭᬶᬲ᭄ᬢᬸᬫ᭄ᬩᬓ᭄ᬭᬸᬤᬢ᭄ᬧᬤ᭄ᬧᬶᬦ᭄ᬤᭂᬃᬫᬚᬸᬚᬸᬓ᭄᭞ᬧᬕᭂᬄᬦᬾᬦ᭄ᬢᭂᬦ᭄ᬫᬓᬶᬲ᭄ᬮᬦ᭄᭞ᬗ
Kaca:Bali-lontar-gaguritan-ligya-1937-350ppi.pdf/31
Kaca puniki sampun kauji-wacén
