[᭑ 1B]
᭑
᭛᭐᭛ᬲᬶᬦᭀᬫ᭄᭛᭐᭛ᬚᬸᬂᬢᬫᬦ᭄ᬲᬸᬓᬵᬲᬤ᭄ᬥᬵ᭞ᬫᬦᬸᬚᬸᬳᬂᬕ᭠ᬮᬂᬓᬗᬶᬦ᭄᭞ᬲᬹᬃᬬ᭄ᬬᬩᬸᬮᬦᬾᬫᬓᭂᬲ᭄ᬬᬃ᭞ᬭᬶᬂᬫᬸᬜ᭄ᬘᬸᬓ᭄ᬕᬸᬦᬸᬂᬋᬜ᭄ᬚᬦᬶ᭞ᬳᬮᬂᬗ᭄ᬩᭂᬓᬶᬦ᭄ᬕᬸᬫᬶ᭞ᬲᬵ
ᬮᬜ᭄ᬚᬕᬢᬾᬍᬩᬸᬃ᭞ᬤᬤᭀᬲ᭄ᬧᬭᬫᬲᬸᬓ᭞ᬯ᭄ᬢᬸᬇᬤᬧᬾᬫᬗᬯᬶ᭞ᬫᬗᬸᬘᬧᬂᬢᬶᬗ᭄ᬓᬄᬓᬃᬬ᭄ᬬᬤᬾᬯ᭄ᬯᬵᬬᬚ᭄ᬜᬵ᭟ᬦᬵᬗ᭄ᬳᬶᬂᬤᬯᭂᬕ᭄ᬲᬶᬦᬫ᭄ᬧᬸᬭᬵ᭞ᬳᬶᬢᭂᬫ᭄ᬩᬢ᭄᭞ᬳᬳᬩᭂᬢ᭄ᬭᬶᬭᬶᬄ᭞ᬧ
ᬗ᭄ᬓᬗᬃᬬ᭄ᬬᬕᬕᭂᬦ᭄ᬤᬶᬗᬦ᭄᭞ᬓᬾᬯᬦ᭄ᬢᭂᬦ᭄ᬲᬶᬤ᭄ᬥᬫᬗᬭᬶᬓ᭄᭞ᬧᬶᬮᬶᬄᬯᬦ᭄ᬢᭂᬦ᭄ᬲᬶᬄᬯᬶᬤ᭄ᬥᬶ᭞ᬜᬶᬤᬬᬂᬗᬦ᭄ᬢᬲ᭄ᬫᬫᬸᬧᬸᬄ᭞ᬫᬦᬹᬢ᭄ᬲ᭄ᬯᬭᬯ᭄ᬬᬜ᭄ᬚᬦ᭞ᬫᬗ᭄ᬥᬾᬯᬾᬦ᭄ᬢᭂᬦ᭄᭞
ᬗ᭄ᬕᬦ᭄ᬧᬓᬾᬮᬶᬂ᭞ᬍᬕᬦ᭄ᬫᬦᬄᬕᭂᬦ᭄ᬤᬂᬕᭂᬦ᭄ᬤᬶᬂᬫᬓᬭᭀᬦᬦ᭄᭟ᬢᬼᬩ᭄ᬳᬶᬗᭂᬢ᭄ᬫᬗ᭄ᬭᬲᬬᬂ᭞ᬲᬸᬰ᭄ᬭᬸᬲᬦ᭄ᬚᬕᬢᬾᬩᬓ᭄ᬢᬶ᭞ᬭᬶᬂᬳᬶᬤᬭᬚᬤᬾᬯ᭄ᬯᬢ᭄ᬣ᭞ᬤᬯᬕᬸᬂᬕ᭄ᬥᬾᬡ᭄ᬝᬶᬓ᭄᭞
[᭒ 2A]
ᬫᬶᬮᬸᬧᬶᬦᬸᬚᬶᬧᬸᬚᬶ᭞ᬲᬫᬤᬦᬵᬤᬃᬫ᭄ᬫᬵᬦᬸᬮᬸᬲ᭄᭞ᬫᬯᬦᬦ᭄ᬓᬩᬶᬦᬯ᭞ᬧ᭄ᬭᬘᬶᬳ᭄ᬦᬦ᭄ᬚᬕᬢᬾᬲᬫᬶ᭞ᬫᬩᬭᬶᬬᬸᬓ᭄ᬱᬗ᭄ᬕᬸᬧ᭄ᬢᬸᬮᬸᬂᬗᬺᬫ᭄ᬩᬓᬃᬬ᭄ᬬ᭟ᬫᬮᬶᬄᬯᬮᬶᬦᬶᬜ᭄ᬚᬯᬧᬂ᭞ᬭ
ᬳᬶᬦᬦᬾᬢ᭄ᬥᬸᬦ᭄ᬜᬦᬶ᭞ᬆᬗ᭄ᬕᬭᬵᬓ᭄ᬮᬶᬯᭀᬦ᭄ᬫᬤᬱ᭄ᬬ᭞ᬢᬗ᭄ᬕᬮ᭄ᬧᬮᬶᬫᭀᬮᬲ᭄ᬯ᭄ᬬᬓ᭄ᬢᬶ᭞ᬰᬰᬶᬄᬲᬤ᭄ᬥᬵᬦ᭄ᬫᭀᬦᬶᬦ᭄᭞ᬇᬰᬓᬵᬲ᭄ᬬᬸᬳᬸᬮᬸᬗᬢᬸᬲ᭄᭞ᬦᬗ᭄ᬕᬸᬲᬾᬓᭂᬢ᭄ᬳᬰᬶᬬ᭞
ᬳ᭄ᬬᬕᭂᬄᬯᬃᬰᬦᬶᬂᬪᬸᬫᬶ᭞ᬲᬓᬶᬂᬢᬺᬱ᭄ᬡᬫᬓᬾᬄᬭᬯᬸᬄᬲᬦᬾᬗᬬᬄ᭟ᬳᬶᬤᬤᬦᬾᬧᬭᬵᬫᬾᬦᬓ᭄᭞ᬫᬓᬲᬶᬧᬭᬵᬲᬸᬮᬶᬗ᭄ᬕᬶᬄ᭞ᬲᬓᬸᬳᬸᬫ᭄ᬳᬫ᭄ᬮᬦ᭄ᬕᬭ᭞ᬲᬕᬺᬳ
ᬦ᭄ᬮᬦᬂᬳᬶᬲ᭄ᬢ᭄ᬭᬶ᭞ᬲᬫᬶᬢᬕᭂᬦ᭄ᬫᬭᬤᬗᬶᬦ᭄᭞ᬗᬬᬄᬓᬲᬸᬘ᭄ᬙᬷᬫᬦᬸᬕᬸᬃ᭞ᬫᬓᬃᬬ᭄ᬬᬲᬲᬗᬦ᭄᭞ᬲᬧᬦᬶᬲ᭄ᬓᬭᬦᬶᬂᬲᬸᬘ᭄ᬙᬶ᭞ᬢᬦ᭄ᬫᬗᬾᬢᬂᬗᬵᬦ᭄ᬢᬸᬬᬸᬄᬫᬧᬸᬕᬮ
Kaca:Bali-lontar-gaguritan-ligya-1937-350ppi.pdf/2
Kaca puniki sampun kauji-wacén
