[᭑᭒ 12B]
᭑᭒
ᬳᬦ᭄ᬢᬸᬓ᭄ᬳᬶᬤ᭄ᬟᬵ᭞ᬜᬫᬢᬫ᭄ᬬᬸᬩᬗ᭄ᬲᬵᬳᬲᬶᬂ᭞ᬢᬸᬃᬗᬢᭂᬭᬂᬲᬫᬶᬗᬸᬗ᭄ᬲᬶᬧᬲᬗ᭄ᬕ᭄ᬭᬳᬦ᭄᭚᭐᭚ᬤᬂᬤᬂ᭚᭐᭚ᬢᭂᬫ᭄ᬩᬂᬥᬗ᭄ᬤᬗᬾᬲᬦᬾᬓᬧᬸᬚᬶ᭞ᬜᬭᬶᬢᬬᬂ᭞ᬚ᭄ᬭᬾᬦᬶᬂᬓᬸᬝᬭ
ᬚ᭄ᬬ᭞ᬯᬢᭂᬓ᭄ᬧᬭᬵᬳᬫ᭄ᬢᭂᬦᬭᬾ᭞ᬲᬫᬶᬭᬭᬶᬲ᭄ᬳᬕᬸᬫ᭄᭞ᬗᬢᬸᬭᬂᬲᬤᬦᬵᬮ᭄ᬯᬶᬄ᭞ᬲᬵᬫ᭄ᬧᬸᬦ᭄ᬧᬸᬧᬸᬢ᭄ᬫᬤᬩ᭄ᬤᬩ᭄᭞ᬭᬯ᭄ᬯᬶᬂᬳ᭄ᬮᬸᬄᬳ᭄ᬮᬸᬄ᭞ᬲᬫᬶᬫᬗᬚᬓᬸᬋᬦᬦ᭄᭞ᬫᬶᬯᬄᬧ
ᬦᬓ᭄᭞ᬢ᭄ᬯᬦ᭄ᬲᭀᬓ᭄ᬢᭂᬃᬤ᭄ᬯᬶᬚᭀᬯ᭄ᬬᬓ᭄ᬢᬶ᭞ᬧᬮᬶᬂᬳᬋᬧ᭄ᬫᬫᬃᬕ᭄ᬕᬵ᭟ᬧᬗᬢᬸᬭᬦ᭄ᬓᬩᬶᬦᬯᬵᬢᬺᬧ᭄ᬢᬶ᭞ᬓᬢᬶᬗ᭄ᬓᬳᬂ᭞ᬩ᭄ᬘᬶᬓ᭄ᬫᬧᬦ᭄ᬢᬵᬧᬦ᭄ᬢᬵ᭞ᬧᬢᭂᬄᬍᬫᬸᬄᬢᬬᬸᬭᬵᬦᬾ
᭞ᬦᬾᬭᬶᬂᬳᬋᬧ᭄ᬳ᭄ᬮᬸᬄᬳ᭄ᬮᬸᬄ᭞ᬜᬸᬳᬸᬦ᭄ᬘᬦᬂᬲᬭᬷᬗ᭄ᬭᬯᬶᬢ᭄᭞ᬢᬶᬦ᭄ᬤᬓᬦᬾᬫᬕᬫ᭄ᬧᬭᬦ᭄᭞ᬗᬗ᭄ᬕᬾᬲᬃᬯ᭄ᬯᬳᬮᬸᬲ᭄᭞ᬧᬧᬬᬲᬦ᭄ᬲᬫᬶᬩᬸᬗᬄ᭞ᬓᬳᬦᬸᬢᬂ᭞ᬲᭀ
[᭑᭓ 13A]
ᬢᬦᬶᬂᬢᬫᬾᬂᬦᬕᬭᬷ᭞ᬳᬯᬶᬦᬦ᭄ᬢᬫᬵᬫᬭᬭᬲ᭄᭟ᬧᬺᬩᬦ᭄ᬫᬾᬲ᭄ᬢᭂᬃᬕᬸᬲ᭄ᬢᬶᬓᭀᬫᬂᬭᬳᬶ᭞ᬫᬲᬮᬾᬦ᭄ᬤᬂ᭞ᬳᬦ᭄ᬢᬸᬓ᭄ᬱᬸᬢᬺᬕᬥᬂ᭞ᬢᬹᬃᬫᬲᭀᬮᬄᬭᬶᬂᬫᬃᬕ᭄ᬕᬶᬦᬾ᭞ᬫᬗᬋᬧᬶᬦ᭄ᬮᬸᬄᬳ᭄ᬮᬸᬄ
᭞ᬲᬦᬾᬚ᭄ᬕᬾᬕ᭄ᬚᭂᬕᬾᬕ᭄ᬫᬲ᭄ᬮᬶᬃ᭞ᬫᬧᬬᬲ᭄ᬓᬤᬶᬋᬚᬂ᭞ᬫᬲ᭄ᬓᬃᬫᬢᬸᬚᬸᬢ᭄᭞ᬳᬮᬶᬲᬾᬢᬚᭂᬧ᭄ᬫᬧᬗᬦ᭄᭞ᬧᬸᬢᬶᬄᬲᭂᬦ᭄ᬢᬓ᭄᭞ᬲᬸᬩᭂᬗᬾᬳᬦᬹᬢ᭄ᬫᬜᬦ᭄ᬤᬶᬂ᭞ᬳᬢᬾᬦᬢᬾᬦ᭄ᬫ
ᬩ᭄ᬗᬤ᭄᭟ᬤᬾᬫ᭄ᬧᭀᬤᬾᬫ᭄ᬧᭀᬢᬶᬦ᭄ᬤᬓᬾᬗᬾᬤᬦᬶᬦ᭄᭞ᬫᬕᬫ᭄ᬧᬭᬦ᭄᭞ᬳᬦᬹᬢ᭄ᬬᬦ᭄ᬧᬃᬡ᭄ᬦᬬᬂ᭞ᬳᬦ᭄ᬢᬸᬓ᭄ᬩᭂᬘᬶᬓᬳᬬᭀᬦᬾ᭞ᬯᬮᬸᬬᬵᬘᬥᬘᬭᬶᬦᬸᬭᬸᬦ᭄᭞ᬲᬓᬶᬂᬇᬦ᭄ᬤ᭄ᬭ
ᬮᭀᬓᬜᬋᬗᬶᬦ᭄᭞ᬳᬫ᭄ᬢᭂᬦᬭᬾᬲᬫ᭄ᬬᬦ᭄᭞ᬓᬧ᭄ᬬᬚ᭄ᬜᬦ᭄ᬫᬜᬸᬚᬸᬃ᭟ᬲᬫᬶᬫᬗᬯᬵᬳᬢᬸᬭᬦ᭄᭞ᬢᬸᬃᬫᬯᬤᬄ᭞ᬩᭀᬓᭀᬃᬲ᭄ᬮᬓᬵᬢᬸᬃᬫᬤᬕᬶᬂ᭞ᬚᬶᬦᬄᬥᬸᬧᬧᬾ
Kaca:Bali-lontar-gaguritan-ligya-1937-350ppi.pdf/13
Kaca puniki sampun kauji-wacén
