[᭘ 8B]
᭘
ᬧᬗ᭄ᬭᬯᭀᬲᬾᬲᬤᬲᬶᬗᬶᬤ᭄᭞ᬦᬄᬫᬳᬶᬦᬂᬤᬶᬦᬶᬦᭂᬕᬓ᭄᭞ᬓᬾᬦ᭄ᬓᬾᬦ᭄ᬢᬦᬶᬩᬦ᭄ᬫᬧᬳᬶᬢᬸᬂ᭞ᬢ᭄ᬮᬄᬜᬫᬦᬾᬧᬩ᭄ᬬᬕ᭄ᬩ᭄ᬬᬕ᭄᭞ᬚᬮᬜ᭄ᬚᬦᬶ᭞ᬳᬸᬦᬶᬗᬬᬂᬭᬶᬂᬲᬗᬫᬯᬭᬵᬢ᭄᭟ᬭᬶᬂᬧᬮᬸᬗ᭄ᬕᬸᬳᬶᬤ
ᬘᭀᬓᭀᬃᬤ᭄ᬥ᭞ᬭᬶᬂᬓᬢ᭄ᬬᬧᬸᬭᬫᬗ᭄ᬯᬶ᭞ᬘᭀᬓᭀᬃᬤ᭄ᬥᬰᬓ᭄ᬢᬶᬩ᭄ᬮᬗ᭄ᬩᬗᬦ᭄᭞ᬳᬧᬂᬕ᭄ᬮᬶᬲ᭄ᬳᬶᬤᬢᭂᬤᬸᬦ᭄᭞ᬲ᭄ᬯᬾᬘᬳᬶᬤᬫᬘᬘᬶᬗᬓ᭄᭞ᬳᬧᬂᬳᬸᬦᬶᬂ᭞ᬳᬶᬦ᭄ᬤᬶᬓᬮᬭᬦ᭄ᬳᬶᬧᬜ᭄ᬚᬓ᭄᭟ᬲᬵᬫ᭄ᬧᬸᬦ᭄ᬲᬫᬶᬲᬸᬫᬗ᭄ᬓᭂᬫ᭞
ᬩᬾᬜ᭄ᬚᬂᬲ᭄ᬫᭂᬂᬳᬬᬢᬗ᭄ᬓᬶᬮ᭄᭞ᬲᬕᬾᬢ᭄ᬯᬾᬦ᭄ᬢᭂᬦ᭄ᬯᭀᬂᬧ᭄ᬭᬧ᭄ᬢᬶ᭞ᬩᬺᬗᭂᬲ᭄ᬧᭀᬦ᭄ᬤᬮ᭄ᬓᬯᬸᬓᬯᬸᬓ᭄᭞ᬗᭀᬭᬳᬂᬧ᭄ᬬᬦᬓ᭄ᬜᬧᭂᬚᬄ᭞ᬢᭀᬦᬾᬫᬗ᭄ᬓᬶᬦ᭄᭞ᬦᬕᬶᬄᬜᬫ᭄ᬩᬮ᭄ᬫᬢᬦ᭄ᬮᬾᬬᬓ᭄᭟ᬧᬘᬂᬮᬮᬩᬗᬢ᭄ᬯ
ᬓ᭄᭞ᬯᬯᬸᬧ᭄ᬕᬢᬶᬧᬸᬦ᭄ᬫᬫᬸᬜᬶ᭞ᬲᬕᬾᬢ᭄ᬳᭂᬩᬄᬗᬸᬢᬄᬩᬬ᭞ᬢᬦ᭄ᬤᬸᬫᬤᬾᬭᬭᬶᬲ᭄ᬮᬫ᭄ᬧᬸᬲ᭄᭞ᬤᬤ᭄ᬯᬲᬯᬦᬾᬓᬲᬾᬢᬺ᭞ᬓᬢᬄᬗ᭄ᬭᬶᬂᬓᬶᬂ᭞ᬩᬸᬗᬸᬢ᭄ᬦᬾᬫᬓᬤᬘᬘᬤ᭄᭟ᬢᬦ᭄ᬓᬘᬭᬶᬢᬧᬸᬦᬶ
[᭙ 9A]
ᬓ᭞ᬉᬢᬸᬲᬦᬾᬕ᭄ᬮᬶᬲ᭄ᬫᬫᬃᬕ᭄ᬕᬶ᭞ᬧ᭄ᬭᬚᬸᬚᬸᬃᬤᬾᬰᬮᬦ᭄ᬧᬦ᭄ᬯ᭞ᬲᬋᬂᬤᬦᬾᬚ᭄ᬭᭀᬫᬗ᭄ᬓ᭞ᬧᬫᬃᬕ᭄ᬕᬶᬦᬾᬲᬗᬶᬤᬦ᭄᭞ᬲᬵᬫ᭄ᬧᬸᬦ᭄ᬧ᭄ᬭᬧ᭄ᬢᬶ᭞ᬫᬭᬶᬂᬧᬸᬭᬶᬓᬯ᭄ᬦᬧᬸᬭᬵ᭟ᬭᬶᬲᬵᬫ᭄ᬧᬸᬦ᭄ᬧᭀᬮᬶᬄᬯᭂᬓᬲᬦ᭄᭞ᬢᬸᬃᬤᬶᬕ᭄ᬮᬶᬲ᭄ᬧᭀᬮᬶᬄᬢᬗ᭄ᬓᬶᬮ᭄᭞ᬳᬸᬢᬸᬲ
ᬦᬾᬫᬗᬸᬦᬶᬗᬂ᭞ᬳᬶᬦ᭄ᬤᬶᬓ᭄ᬤᬾᬰᬲᬳᬸᬕ᭄ᬭᬸᬩᬸᬕ᭄᭞ᬓᬶᬩᬮ᭄ᬬᬦ᭄ᬩᬢᬸᬃᬗ᭄ᬭᬶᬲ᭄ᬢ᭞ᬩᬾᬘᬾᬓ᭄ᬕ᭄ᬭᬶᬂ᭞ᬲᬵᬫ᭄ᬧᬸᬦ᭄ᬓᬢᬄᬲᬦᬾᬧ᭄ᬚᬄ᭟ᬯᬯᬸᬋᬓᬾᬲᬧᬸᬦᬶᬓ᭞ᬘᭀᬓᭀᬃᬤ᭄ᬥᬗᬦ᭄ᬤᬶᬓᬕ᭄ᬮᬶᬲ᭄᭞ᬕ᭄ᬮᬄᬢᬸᬲᬶᬂᬫᬘᬘᬶᬗᬓ᭄᭞ᬕ᭄ᬮᬄᬲᬸᬩ
ᬢᬢᬲ᭄ᬳ᭄ᬭᬸᬄ᭞ᬫᬸᬲᬸᬳᬾᬩᬦᬮ᭄ᬳᬶᬢᬸᬗᬂ᭞ᬦᬸᬭᬂᬧᬢᬶ᭞ᬳᬕᬸᬂᬤᭀᬲᬦᬾᬭᬶᬂᬕ᭄ᬮᬄ᭟ᬲᬢ᭄ᬫᬓᬦᬂᬢᬗᬶᬦ᭄ᬕ᭄ᬮᬄ᭞ᬕ᭄ᬮᬄᬜᬤ᭄ᬬᬫᬦᬶᬫ᭄ᬧᬮᬶᬦ᭄᭞ᬳᬫ᭄ᬩᬸᬮᬧᬓᬰᬓ᭄ᬢ᭄ᬬᬦ᭄ᬜ᭞ᬳᬦᬾᬫᬤᬦ᭄ᬩᬮ᭄ᬬᬦ᭄ᬩᬢᬸᬃ᭞ᬳᬦ᭄ᬢᭀᬲᬂ
ᬧᬗ᭄ᬯᬍᬲ᭄᭞ᬕ᭄ᬮᬄ᭞ᬦᬄᬦᬾᬚᬦᬶ᭞ᬓ᭄ᬫᬫᬮᬸᬓᬧ᭄ᬯᬋᬕᬦ᭄᭟ᬧᬂᬤᬓᬲᬢᬦ᭄ᬤᬶᬚᬮᬦ᭄᭞ᬳᬾᬗ᭄ᬕᬮᬾᬗ᭄ᬕᬮ᭄ᬮᬦ᭄ᬢᬲ᭄ᬕᬮᬶᬄ᭞ᬕᭂᬩ᭄ᬬᭀᬕᬶᬦ᭄ᬤᬶᬢᬗ᭄ᬕᬸᬦ᭄ᬤᬾᬰ᭞ᬫᬢᬸᬗ᭄ᬕᬸᬧᬂᬳᬚᬓ᭄ᬮ᭄ᬬ᭞ᬲᬢᬢᬗᭂᬦ᭄ᬤᬶᬳᬂ
Kaca:Bali-lontar-gaguritan-ki-balyan-batur-300ppi.pdf/9
Kaca puniki sampun kauji-wacén
