[᭔᭖ 46 B]
᭔᭖
ᬳᬓᭂᬦ᭄ᬤᬾᬦᬵᬕ᭄ᬮᬶᬲ᭄᭞ᬤᬾᬦᬶᬂᬓᬳᬸᬮᬵᬳᬶᬂᬘᬶᬡ᭄ᬦᬵ᭞ᬳᬫᬃᬖ᭄ᬕᬵᬧᬮ᭄ᬯᬵᬲᬂᬤᬶᬯᬶ᭞ᬤᬾᬦᬶᬂᬓᬮᬗᬦ᭄ᬲ᭄ᬬᬂᬮᬢ᭄ᬭᬶ᭞ᬤᬢᬦ᭄ᬓᬯᬃᬡ᭄ᬦᬳᬶᬂᬮᬯᬸᬢ᭄᭞ᬲᬓᬶᬂᬕ᭄ᬮᬶᬲᬶᬂᬘᬶᬦᬭᬶᬢ᭄ᬣᬵ᭞ᬮᬫ᭄ᬧᬄᬳᬶᬭᬭᬲᬫ᭄ᬧᬸᬦ᭄ᬧ᭄ᬭᬧ᭄ᬢᬶ᭞ᬭᬶᬂᬧᬵ
ᬩᬾᬬᬦ᭄᭞ᬳᬶᬭᬶᬓᬵᬕ᭄ᬦᬄᬢᬸᬫᬸᬭᬸᬡ᭄ᬦᬵ᭟ᬲᬂᬤ᭄ᬬᬄᬫᬓᬵᬓᬯ᭄ᬯᬵᬦ᭄ᬤᬰᬵ᭞ᬤᬶᬯᬶᬯᬶᬤᬢ᭄ᬣᬵᬤᬶᬯᬶᬤᬢ᭄ᬣᬶ᭞ᬯᬶᬤᬦᬶᬖ᭄ᬕᬵ᭞ᬧ᭄ᬭᬲᬫ᭄ᬫᬳᬮᭀᬦ᭄ᬮᬸᬫᬭᬶᬲ᭄᭞ᬬᬾᬦ᭄ᬓᬲᬧᬸᬢᬶᬂᬯ᭄ᬗᬶ᭞ᬳᬭᬭ᭄ᬬᬦ᭄ᬱᭀᬭᬶᬂᬓᬵ
ᬬᬸ᭞ᬳᬾᬜ᭄ᬚᬂᬫᬮᬶᬄᬮᬸᬫᬫ᭄ᬧᬄ᭞ᬫᬸᬗ᭄ᬕᬄᬢᬸᬭᬸᬦ᭄ᬫᬭᬶᬂᬳᬸᬓᬶᬃ᭞ᬮᬫ᭄ᬧᬄᬳᬶᬭ᭞ᬳᬚᬸᬚᬸᬃᬤᬾᬱᬵᬫᬸᬓᬤᬫ᭄᭟ᬮᬓᬸᬩᬸᬮᬦ᭄ᬩᬸᬮᬡ᭄ᬦᬦ᭄᭞ᬮᬫ᭄ᬧᬄᬳᬶᬭᬵᬓᬜ᭄ᬘᬶᬢ᭄ᬧ᭄ᬭᬧ᭄ᬢᬶ᭞ᬫᬭᬶᬂᬦ᭄ᬕᬭᬾᬦᬵᬕ᭄ᬫᬸᬓᬤᬫ᭄᭞ᬭᬯᬸᬄ
ᬳᬾᬓᬮᬦᬶᬂᬯ᭄ᬗᬶ᭞ᬫᬜ᭄ᬚᬶᬂᬫᬭᬶᬂᬦ᭄ᬕᬭᬶ᭞ᬳᬕ᭄ᬮᬶᬲ᭄ᬫᬸᬗ᭄ᬕᬄᬳᬶᬂᬫᬗᬸᬦ᭄ᬢᬸᬃ᭞ᬕ᭄ᬮᬶᬲ᭄ᬓᬢ᭄ᬫᬸᬫᬭᬶᬂᬲᬸᬮ᭄ᬢᬦ᭄᭞ᬢᬶᬗ᭄ᬓᬄᬧᬸᬢ᭄ᬭᬶᬘᬶᬡ᭄ᬦᬵᬧ᭄ᬭᬧ᭄ᬢᬶ᭞ᬚᬬᬾᬂᬭᬡ᭄ᬦᬵ᭞ᬓᬾᬲᬄᬫ᭄ᬥᬮ᭄ᬲᬓᬶᬂᬚᬩᬵ᭟ᬲᬭᬯᬸᬳᬾᬫᬭᬶᬂᬚᬵᬩ᭞ᬧᬸ᭠
[᭔᭗ 47 B]
ᬢ᭄ᬭᬶᬘᬶᬡ᭄ᬦᬵᬲᬫ᭄ᬬᬦᬗᬶᬲ᭄᭞ᬓᬶᬤᭂᬫᬢ᭄ᬳᬭᬲ᭄ᬧᬤ᭄ᬥᬵ᭞ᬳᬗᬡ᭄ᬥᬶᬓᬵᬚᬬᬾᬂᬧᬢ᭄ᬣᬶ᭞ᬥᬹᬄᬜᬯ᭄ᬯᬵᬳᬦᬓ᭄ᬫᬫᬶ᭞ᬧᬭᬦ᭄ᬓᬭᬦᬾᬳᬯᬗ᭄ᬲᬸᬮ᭄᭞ᬯᬶᬤᬦᬶᬕᬵᬃᬳᬯᬸᬶᬦᭂᬫ᭄ᬩᬄ᭞ᬫᬳᬢᬸᬃᬯᬶᬦᭀᬭᬶᬂᬢᬗᬶᬲ᭄᭞ᬳ
ᬗᬢᬸᬭ᭞ᬫᬃᬫᬶᬦᬾᬲᬫᬶᬯᬗ᭄ᬲᬸᬮᬵ᭟ᬤᬃᬢ᭄ᬣᬵᬤᬾᬦᬶᬭᬫᬢᬸᬭᬵ᭞ᬭᬾᬢᬸᬡ᭄ᬦᬵᬤᬢᬦ᭄ᬮᬯᬶᬄ᭞ᬮᬶᬦ᭄ᬢᬂᬳᬯ᭄ᬮᬲᬸᬮ᭄ᬢᬦ᭄ᬳᬭᬩ᭄᭞ᬲᬕ᭄ᬭᬄᬳᬗᬚᬓᬸᬫᬜ᭄ᬚᬶᬂ᭞ᬫᬭᬳᬶᬂᬤᬍᬫ᭄ᬧᬸᬭᬶ᭞ᬲᬭᬯᬸᬳᬾᬭᬶᬗ᭄ᬓᬤᬢᬹᬦ᭄᭞
ᬳᬕ᭄ᬮᬶᬲ᭄ᬗᭂᬲᬾᬗᬶᬦ᭄ᬧᬹᬢ᭄ᬭᬵ᭞ᬭᬳᬤᬾᬦ᭄ᬩᬜ᭄ᬚᬭᬦ᭄ᬱᬭᬶ᭞ᬦᬸᬮ᭄ᬬᬧᬋᬓ᭄᭞ᬫᬭᬵᬫᬭᬶᬂᬚᭂᬗᬶᬂᬭᬫ᭄ᬫᬵ᭟ᬲᬸᬮ᭄ᬢᬦ᭄ᬳᬮᭀᬦ᭄ᬫᬗᬦ᭄ᬤᬶᬓᬵ᭞ᬳᬾᬄᬲᬸᬯᭀᬗ᭄ᬲᬵᬳᬦᬓ᭄ᬫᬫᬶ᭞ᬯᬶᬤᬤᬶᬳᬵᬃᬳᬶᬓᬶᬧ᭄ᬭᬧ᭄ᬢᬵ᭞ᬲᬋᬂᬫᬓᬵᬋᬂᬤ
ᬰᬶᬄ᭞ᬳᬰ᭄ᬭᬄᬚᬶᬯ᭄ᬯᬦᬾᬲᬫᬶ᭞ᬫᬭᬶᬂᬲᬶᬭᬵᬳᬦᬓ᭄ᬳᬶᬗ᭄ᬲᬸᬦ᭄᭞ᬫᬗ᭄ᬓᬾᬳᬗᬦ᭄ᬕᭀᬦ᭄ᬕᬃᬯ᭄ᬯᬵ᭞ᬧᬸᬢ᭄ᬭᬦᬾᬫᬢᬹᬃᬯᭀᬢ᭄ᬲᬭᬶ᭞ᬲᬳᬡ᭄ᬥᬶᬓᬵ᭞ᬓᬳᬸᬮᬵᬤᬢ᭄ᬣᬦᬼᬗ᭄ᬕᬡ᭄ᬦᬵ᭟ᬲᬶᬕᬻᬲᬂᬧᬸᬢ᭄ᬭᬶᬘᬶᬦᬡ᭄ᬥᬓ᭄᭞ᬭᬶᬂᬭᬤᬾᬦ᭄ᬩ
Kaca:Bali-lontar-gaguritan-kendit-birayung-300ppi.pdf/47
Kaca puniki sampun kauji-wacén
