[᭒ 2B]
᭒
ᬢ᭄ᬳᬶᬤᬸᬧ᭄ᬚᭂᬭᬶᬄ᭞ᬳᬶᬤᬸᬧ᭄ᬭᬶᬂᬓᬵᬮᬶᬲᬗ᭄ᬳᬭ᭞ᬧᬢᬶᬩᬶᬫ᭄ᬩᬂᬢᬦ᭄ᬧᬳᬶᬦ᭄ᬤᬶᬓ᭄᭞ᬬᬦ᭄ᬢᬦ᭄ᬳᬶᬘ᭄ᬘᬳᬶᬤᬪᬝᬵᬭ᭞ᬢᬦ᭄ᬳᬸᬭᬸᬂᬓᬲᬫ᭄ᬩᬄᬓᬵᬮᬶ᭟᭜᭟ᬓᬲᬓᬲᬶᬓᬾᬄᬧᬓᬾ
ᬯᬸᬄ᭞ᬉᬘᬧ᭄ᬫᬦ᭄ᬢ᭄ᬭᬢᬦ᭄ᬧᬫᬦ᭄ᬤᬶ᭞ᬤᬶᬦᬶᬂᬢᬫ᭄ᬩᬢᬦ᭄ᬧᬢᬫ᭄ᬩᬵ᭞ᬩᬱᬫᬸᬜᬶᬦᬾᬫᬫᬹᬃᬢ᭄ᬢᬶ᭞ᬢᬶᬫ᭄ᬩᬂᬢᬶᬫ᭄ᬩᬂᬭᬶᬂᬲᬗᬭ᭞ᬭᬱᬳᬭᬂᬳᬦᬓ᭄ᬳᬾᬮᬶᬂ᭟᭜᭟ᬮᬶᬗ᭄ᬕᬶᬂᬳᬚᬶ
ᬫᬓᬧᬵᬦ᭄ᬧᬸ᭞ᬓᬸᬓᬸᬄᬓᬸᬓᬸᬮ᭄ᬫᬗᬋᬧᬶᬦ᭄᭞ᬧᬶᬲᬤ᭄ᬬᬳᬬᬸᬦ᭄ᬦᬕᬭ᭞ᬭᬱᬢ᭄ᬯᬭᬧᬘᬂᬧᭂᬮᬶᬄ᭞ᬮᬶᬬᬸᬩᬱᬍᬩᭂᬂᬫᬢᬄ᭞ᬢᬶᬫ᭄ᬩᬂᬢᬶᬫ᭄ᬩᬂᬫᬜᬶᬘᬶᬧᬶᬦ᭄᭟᭜᭟
ᬧᬸᬄᬧᬸᬘᬸᬂ᭟᭜᭟ᬤᬶᬚᬭᬸᬭᬸᬄ᭞ᬲᬸᬘᬶᬦᬾᬦᭀᬭᬧᬩᬜᬸ᭞ᬬᬦ᭄ᬢᬦ᭄ᬦᬶᬗᬶᬂᬘᬶᬧ᭄ᬢ᭞ᬤᬤᬶᬓᬸᬫᬸᬃᬢ᭄ᬯᬭᬧᬲ᭄ᬢᬶ᭞ᬲᬶᬗ᭄ᬮᬂᬲᬶᬗ᭄ᬮᬸᬃ᭞ᬲᬳᬶᬫᬳᬸᬤᭂᬃᬳᬸᬤᭂᬭᬦ᭄
[᭓ 3A]
᭟᭜᭟ᬤᬩ᭄ᬤᬩ᭄ᬲᬭᬸ᭞ᬲᬚᬢ᭄ᬗᬦ᭄ᬢᬸᬕ᭄ᬓᭂᬦᬶᬗ᭄ᬮᬦ᭄ᬢᬸᬓ᭄᭞ᬫᬗᭂᬦᭂᬓᬂᬢᬗ᭄ᬓᬄ᭞ᬲᬵᬓ᭄ᬱᬢ᭄ᬓᭂᬦᬳᬸᬧᬲ᭄ᬳᬗᬶᬦ᭄᭞ᬬᬦ᭄ᬢᬦ᭄ᬓᬸᬓᬸᬄ᭞ᬩᬶᬱᬕᭂᬫᭂᬢ᭄ᬦᬪᬂᬕᬸᬮᬂ᭟᭜᭟ᬲᬳᬶ
ᬢᬸᬬᬸᬄ᭞ᬜᬦ᭄ᬢᭀᬲ᭄ᬧᬗ᭄ᬭᭀᬩᬾᬤᬭᬯᬸᬄ᭞ᬲᬓᬶᬂᬪᬸᬢᬓᬮ᭞ᬦᬾᬫᬗ᭄ᬤᬓᭂᬋᬂᬦᬗ᭄ᬕᭂᬦᬶᬦ᭄᭞ᬳᬶᬦ᭄ᬤᬶᬄᬫᬸᬭᬸᬩ᭄᭞ᬕᭂᬦᬶᬦᬶᬂᬓᬵᬮᬶᬲᬗ᭄ᬳᬭ᭟᭜᭟᭠
ᬫᬶᬯᬄᬳᬶᬧᬸᬦ᭄᭞ᬫᬶᬯᬶᬄᬬᬦᬫ᭄ᬩᬓᬯᬶᬱ᭄ᬬᬭᬯᬸᬄ᭞ᬦᬾᬗᬭᬸᬲᬓ᭄ᬫᬦᬄ᭞ᬮᬶᬯᬢ᭄ᬮᬶᬯᬢ᭄ᬫᬓᬾᬯᭂᬳᬶᬦ᭄᭞ᬲᭂᬤᬦᬦᬾ᭞ᬗᬯᬶᬦᬂᬳᬭᬂᬧᬯᬶᬓᬦ᭄᭟᭜᭟
ᬬᬦ᭄ᬢᬦ᭄ᬢᬸᬮᬸᬲ᭄᭞ᬲᬶᬳᬶᬂᬳ᭄ᬬᬂᬲᬹᬓ᭄ᬱ᭄ᬫᬳᬕᬸᬂ᭞ᬯᬶᬰᬾᬱᬭᬶᬂᬚᬕᬢ᭄᭞ᬲᬳᬶᬲᬶᬦᬶᬂᬪᬸᬫᬶᬮᬗᬶᬢ᭄᭞ᬓᬂᬲᬶᬦᬫ᭄ᬩᬸᬢ᭄᭞ᬲᬓᬾᬳᬶᬂᬚᬦ᭄ᬫᬲᬗ᭄ᬲᬭ᭟᭜᭟ᬓᬧᬶᬂ
