[᭑᭕ 15B]
᭑᭕
ᬳᬧᬂᬦᬯᬗᬗ᭄ᬳᬯᬓ᭄᭞ᬯᬦ᭄ᬢᬄᬳᭂᬦ᭄ᬢᭀᬘ᭄ᬦᬶᬂᬓᬩ᭄ᬯᬢᬂᬫᬕᬸᬭᬸ᭞ᬤᬵᬳᬶᬚᬸᬗ᭄ᬤᬸᬫ᭄ᬧᬭᬬᬂ᭞ᬤᬾᬯᬾᬓ᭄ᬫᬮᬸᬳᬧᬂᬧᬲ᭄ᬢᬶ᭟᭙᭙᭟ᬧᬦᬯᬗᬾᬜᬮᬶᬯ᭄ᬕᬂ᭞ᬬᬾᬦ᭄ᬢ᭄ᬯᬄᬦᬸᬘ᭄ᬦᬶᬂᬮᬯᬸᬢ᭄ᬓᬢᬮᬶ
ᬦᬶᬦ᭄᭞ᬩᬳᬦ᭄ᬳᬚᬸᬫ᭄ᬦᬕᬶᬄᬕᬸᬕᬸ᭞ᬤᬤᬶᬕᬸᬭᬸᬦᬶᬂᬚᬕᬢ᭄᭞ᬬᬦ᭄ᬓᬲᬶᬤ᭄ᬤᬵᬦ᭄ᬧᬲ᭄ᬧᬲᬶᬜ᭄ᬚᬵᬤᬦ᭄ᬤᬾᬦ᭄ᬫᬮᬸ᭞ᬮᬜ᭄ᬘᬃᬦᬕᬶᬄᬓᬲᬸᬫ᭄ᬩᬸᬗᬂ᭞ᬩᬳᬸᬰᬶᬱ᭄ᬬᬗ᭄ᬕᬯᬾᬧᬮᬶᬂ᭟᭑᭐᭐᭟ᬅᬚ᭄ᬜᬡ
ᬦᬾᬲᬬᬦ᭄ᬲᬯᬢ᭄᭞ᬬᬦᬶᬂᬘ᭄ᬦᬶᬂᬫ᭄ᬩ᭄ᬬᬓ᭄ᬢᬳᬂᬳᬯᬓ᭄ᬱ᭄ᬳᬓ᭄ᬢᬶ᭞ᬬᬦ᭄ᬳᬶᬤᬵᬲᬂᬲᬸᬩᬵᬧᬸᬢᬸᬲ᭄᭞ᬚᭀᬄᬲᬯᬓ᭄ᬧᬢᬶᬲᬫ᭄ᬩᬢ᭄᭞ᬳᬧᬵᬩ᭄ᬯᬶᬦ᭄ᬗᭀᬮᬾᬲ᭄ᬜᬘᬤ᭄ᬗ᭄ᬕᬯᬾᬩᬸᬳᬸᬢ᭄᭞ᬭᬾᬄᬲᬶ
ᬤᬵᬲᬸᬩᬵᬫᬢᬶᬗ᭄ᬕᬮ᭄᭞ᬧ᭄ᬢᭂᬂᬧᬶᬢᬸᬦᬾᬤᬶᬳᬢᬶ᭟᭑᭐᭑᭟ᬓᬾᬢᭀᬓᬢᬢ᭄ᬯᬦ᭄ᬤᬶᬰᬶᬯᬵ᭞ᬢᬢ᭄ᬯᬩᬸᬤ᭄ᬥᬵᬢ᭄ᬯᬭᬫᬩᬶᬦᬬᬦ᭄ᬓᬶᬓᬶᬢ᭄᭞ᬫᬢᬶᬢᬶᬲ᭄ᬫᬗᬮᬶᬄᬳᬬᬸ᭞ᬪᬾᬤᬵᬢᬸᬄ
[᭑᭖ 16A]
ᬧᬗ᭄ᬮᬓ᭄ᬱᬡᬦ᭄᭞ᬧᬤᬶᬗᭂᬳᬂᬳᬧᬂᬘ᭄ᬦᬶᬂᬢᬢᬲ᭄ᬢᬳᬸ᭞ᬩᬧᬵᬜᬤ᭄ᬬᬫᬶᬤᬃᬢ᭄ᬣᬬᬂ᭞ᬧᬢᬶᬓᬲᬾᬩ᭄ᬲᬶᬓ᭄ᬩᭂᬲᬶᬓ᭄᭟᭑᭐᭒᭟ᬓᬯᬶᬢ᭄ᬩᬦ᭄ᬩᬧᬵᬦ᭄ᬤᬃᬢ᭄ᬣᬬᬂ᭞ᬢᬢ᭄ᬯᬩᬸᬤ᭄ᬥᬵᬫᬲᬶᬄᬯ᭄ᬓᬲᬶᬂᬧᬶᬳᬶ
ᬢ᭄᭞ᬤᬤ᭄ᬯᬯᬦ᭄ᬢᬄᬦᬾᬓᬲᬸᬫ᭄ᬩᬸᬂ᭞ᬅᬥ᭄ᬬᬬᬵᬥ᭄ᬯᬬᬚ᭄ᬜᬦᬵ᭞ᬧᬫᬸᬕᭂᬳᬦ᭄ᬧᬢᬶᬢᬶᬲᬾᬩᬓᬮ᭄ᬦᬸᬚᬸ᭞ᬲᬂᬳ᭄ᬬᬂᬥᬶᬯᬵᬤᬹᬧᬵᬢᬸᬗ᭄ᬕᬮ᭄᭞ᬳᬥᬶᬩᬸᬤ᭄ᬥᬵᬓᬧᬭᬩᬶᬦ᭄᭟᭑᭐᭓᭟ᬫᬸ
ᬗ᭄ᬕ᭄ᬯᬶᬂᬰᬵᬲ᭄ᬢ᭄ᬭᬓᬲᬶᬦᬳᬂ᭞ᬅᬁᬅᬄᬳᭂᬦ᭄ᬢᭀᬯᬶᬚᬵᬓ᭄ᬱᬭᬤ᭄ᬯᬂᬩ᭄ᬲᬶᬓ᭄᭞ᬤᬶᬫᬹᬮᬵᬓᬦ᭄ᬢᬳᬸᬫᬸᬯᬸᬲ᭄᭞ᬤᬤ᭄ᬯᬰᬵᬲ᭄ᬢ᭄ᬭᬜᬢᬸᬗ᭄ᬕᬮ᭄᭞ᬲᬹᬃᬬ᭄ᬬᬘᬦ᭄ᬤ᭄ᬭᬲᬗ᭄ᬓᬦ᭄ᬯᬶᬢ᭄ᬘᬳ᭄ᬬᬦᬾᬫ᭄ᬢᬸ᭞ᬩᬚ᭄ᬭᬲ
ᬢ᭄ᬯᬩᬚ᭄ᬭᬚ᭄ᬜᬡ᭞ᬳᬶᬤᬵᬯᬦ᭄ᬢᬄᬢ᭄ᬯᬶᬳᬩ᭄ᬲᬶᬓ᭄᭟᭑᭐᭔᭟ᬤᬶᬦᬶᬲ᭄ᬓᬮᬵᬳᬶᬤᬵᬓᬹᬘᬧ᭄᭞ᬲᬶᬤ᭄ᬥᬶᬯᬓ᭄ᬬᬧᬭᬶᬧᬹᬃᬡ᭄ᬦ᭄ᬦᬮᬗ᭄ᬕᭂᬂᬳᬰᬶᬄ᭞ᬳᬸᬭᬶᬧᬶᬂᬚᬕᬢ᭄ᬧᬶᬢᬸᬳᬸ᭞ᬧ᭄ᬭᬲᬶᬤᬵᬲᬗ᭄ᬓᬦ᭄ᬧᬭᬦ᭄
Kaca:Bali-lontar-gaguritan-kadyatmikan-02-350ppi.pdf/16
Kaca puniki sampun kauji-wacén
