[᭑᭑ 11B]
᭑᭑
ᬘᬦ᭄ᬤ᭄ᬭ᭞ᬫᬡ᭄ᬥᬮᬅᬓᬰᬵᬧᬶᬳᬶᬢ᭄᭞ᬬᭀᬕᬶᬰ᭄ᬯᬭᬦᬾᬦᬫ᭄ᬩᬢᬂ᭞ᬫᬸᬜᬶᬦ᭄ᬱ᭄ᬫᬦᬾᬢᬸᬳᬸ᭞ᬳᭂᬦ᭄ᬢᭀᬳᬗ᭄ᬕᭀᬦ᭄ᬧᬗᬲ᭄ᬣᬯᬵ᭞ᬫᬗᬪᬓ᭄ᬢᬶᬫᬸᬗ᭄ᬕ᭄ᬯᬶᬂᬲᭀᬃᬧᬥᬦ᭄ᬪᬝᬵᬭ᭟᭗᭓᭟ᬦᬢᬃ
ᬢᬫᬦᬾᬢᬸᬭᬳᬂ᭞ᬩᬸᬦ᭄ᬢᭂᬃᬤᬶᬢ᭄ᬗᬄᬦᬾᬗ᭄ᬕᬶᬮᬶᬲ᭄᭞ᬯᬃᬡ᭄ᬦᬦᬾᬲᭂᬦ᭄ᬢᬓ᭄ᬓᭂᬮᬸᬲᬂ᭞ᬧᬸᬢᬶᬄᬳ᭄ᬦᬶᬂᬢ᭄ᬯᬄᬫᬦᬸᬮᬸᬲ᭄᭞ᬬᬾᬦᬶᬂᬘᬳᬶᬫᬯᬶᬢ᭄ᬩᬕ᭄ᬬ᭞ᬤᬶᬢᬸᬦᬫ᭄ᬧᬶᬲᬸᬓ᭄ᬱ᭄ᬫᬦ᭄ᬳᬶᬘᬢᬹᬃᬯᬾᬤ᭄ᬥᬵ᭟᭗᭔᭟
ᬓ᭄ᬭᬡᬓᬥᬶᬩ᭄ᬬᬘᬓ᭄ᬱᬹᬲᬦ᭄᭞ᬳᬶᬤᬵᬯᬦ᭄ᬢᬄᬫᬗ᭄ᬭᬕᬦᬶᬦ᭄᭞ᬦᬯᬂᬲᬗ᭄ᬓᬦ᭄ᬳᬶᬢ᭄ᬭᬶᬓᬵᬮᬵ᭞ᬅᬢᬶᬢᬵᬦᬵᬕᬢᬵᬮᬯᬸᬢ᭄᭞ᬢᬢᬲ᭄ᬢᭂᬓᬾᬦ᭄ᬯᬃᬣᬵᬫᬡ᭞ᬓᬾᬢᭀᬘᬳᬶᬳᬗ᭄ᬕᭀᬲ
ᬦ᭄ᬅᬤ᭄ᬜᬡᬦ᭄ᬳᬶᬤᬵ᭟᭗᭕᭟ᬕ᭄ᬮᬭᬶᬦ᭄ᬩᬵᬦ᭄ᬥ᭄ᬬᬦᬵᬬᭀᬕ᭄ᬕ᭞ᬧᬕᭂᬳᬂᬳᬶᬥᭂᬧ᭄ᬫᬫ᭄ᬩᭂᬲᬶᬓ᭄᭞ᬉᬥᬦᬵᬳᬗ᭄ᬕᭀᬦ᭄ᬮᬭᬧᬦ᭄᭞ᬢᬢ᭄ᬓᬮᬫᬧᬲᬸᬓ᭄ᬯ᭄ᬢᬸ᭞ᬘᬳᬶᬗ᭄ᬭᬱᬵᬚ᭄ᬭᭀᬦᬶᬂᬫᬦᬄ
[᭑᭒ 12A]
ᬮᬶᬯᬢ᭄ᬰᬘᬶᬳᬶᬥᭂᬧᬾᬕᬮᬂᬗᬧᬥᬂ᭟᭗᭖᭟ᬭᬶᬓᬮᬵᬓᬧ᭄ᬭᬡᬦ᭄ᬢᬶᬓ᭞ᬪᬝᬵᬭᬫᬦᬶᬓᬄᬤᬤᬶ᭞ᬤᬤ᭄ᬯᬳᬯᬓᬾᬓᬩ᭄ᬮᬲ᭄᭞ᬦᬾᬳᬩ᭄ᬲᬶᬓ᭄ᬫᬗᬫ᭄ᬩᬄᬢᬸᬳᬸᬦ᭄᭞ᬩ᭄ᬯᬶᬦ᭄ᬳᬩ᭄ᬲᬶᬓ᭄ᬫᬗᬯᬂ
ᬗᬯᬂ᭞ᬳᬧᬦ᭄ᬧᬶᬳᬶᬢ᭄ᬓᭀᬢ᭄ᬢᬫᬦ᭄ᬢᬫᬦᬾᬓᬹᬘᬧ᭄᭟᭗᭗᭟ᬓᬫᬦ᭄ᬳᬬᬸᬦᬾᬮᬮᬶᬫ᭞ᬳᬚ᭄ᬜᬲᬭᬷᬓᬤᬦᬶᬦ᭄᭞ᬳᬧᬂᬘᬳᬶᬢᬢᬲ᭄ᬦᬯᬂ᭞ᬤᬶᬧᬫ᭄ᬭᬕᬢ᭄ᬧᬘᬂᬚᬸᬚᬸᬃ᭞ᬲᬗ᭄ᬓ
ᬦ᭄ᬢᬶᬮᬶᬗᬂᬤᬶᬗᭂᬳᬂ᭞ᬓᬹᬃᬦ᭄ᬕᭂᬲᬶᬦ᭄ᬯᬗ᭄ᬰᬮ᭄ᬓᬓᬶᬦᬾᬫᬶᬥᬃᬢ᭄ᬣ᭟᭗᭘᭟ᬲᬸᬩᬦᬾᬳᬳ᭄ᬬᬸᬲ᭄ᬫᬰᬸᬘ᭄ᬬᬦ᭄᭞ᬲᬗ᭄ᬳ᭄ᬬᬂᬳᬬᬸᬓᬧᭂᬦ᭄ᬥᬓᬶᬦ᭄᭞ᬩᬳᬗ᭄ᬰᬧᬸᬢᬶᬄᬲᭂᬦ᭄ᬢᬓ᭄᭞ᬳᬸᬢᬸᬲᬦ᭄ᬳᬶᬤᬵᬳ᭄ᬬᬂᬳ
ᬕᬸᬂ᭞ᬳᬶᬦᬵᬕᬫᬯᬮᬶᬢᬸᬮᬓ᭄᭞ᬦᬸᬚᬸᬩ᭄ᬯᬶᬦ᭄ᬓᬧᬤ᭄ᬫᬵᬯᬗᬶᬕᬸᬫᬦᬵ᭟᭗᭙᭟ᬳᬗ᭄ᬰᬦᬾᬳᬾᬗ᭄ᬕᬮ᭄ᬳᬚᬳᬦ᭄᭞ᬫᬓ᭄ᬩᬸᬃᬬᬫᬮᬶᬗ᭄ᬕᬶᬳᬶᬦ᭄᭞ᬢᬦ᭄ᬤᬸᬫᬤ᭄ᬥᬾᬭᬯᬸᬄᬦᬧ
Kaca:Bali-lontar-gaguritan-kadyatmikan-02-350ppi.pdf/12
Kaca puniki sampun kauji-wacén
