[᭑᭖ 16B]
᭑᭖
ᬭᭀᬭᬲ᭄᭞ᬢᬶᬍᬫᬦ᭄ᬩᬄᬮᬶᬕ᭄ᬬᬵᬫᬮᬶᬄ᭚ᬧᬶᬢᬺᬬᬚ᭄ᬜᬵᬓᬯᬱ᭄ᬝᬦᬦ᭄᭞ᬋᬱᬶᬬᬚ᭄ᬜᬵ᭞ᬗᬢᬸᬭᬂᬪᬹᬓ᭄ᬢᬶᬲᬸᬘ᭄ᬘᬶ᭞ᬭᬶᬓᬮᬦᬶᬂᬯ᭄ᬯᬾᬭᬳᬬᬸ᭞ᬭᬶᬂᬳᬶᬤᬵᬲᬂᬧᬭᬯᬶᬓ᭄ᬯᬵ᭞ᬤᬦᬵᬧᬸᬲ᭄ᬬᬵ᭞ᬤᬤᬃᬲᬥᬦ
ᬦᬾᬯ᭄ᬢᬸ᭞ᬦᬗ᭄ᬳᬶᬂᬫᬲᬓ᭄ᬱᬶᬪᬵᬝᬵᬭᬵ᭞ᬓᬾᬢᭀᬢ᭄ᬓᬳᬾᬭᬶᬂᬪᬹᬫᬶ᭚ᬗᬺᬱᬶᬬᬚ᭄ᬜᬵᬓᬯᬲ᭄ᬢᬦᬦ᭄᭞ᬤᬾᬦᬶᬂᬮᭀᬓᬵ᭞ᬫᬦᬸᬱᬵᬬᬚ᭄ᬜᬵᬫᬮᬶᬄ᭞ᬲᬓᬮ᭄ᬯᬶᬭᬶᬂᬧᬫᬳᬬᬸ᭞ᬭᬶᬂᬭᬕ᭄ᬕᬵᬫ᭄ᬯᬂᬰᬭᬷᬭᬵ᭞ᬲᬓᬵ
ᬮ᭄ᬯᬶᬭᬾ᭞ᬉᬧᬵᬓᬭᬵᬲᬦᬾᬫᬲᬸᬓ᭄᭞ᬳᬗᬸᬧᬵᬓᬭᬵᬧᬯᬓᬦ᭄᭞ᬚᬦ᭄ᬫᬦᬾᬓᬭᬶᬫᬉᬭᬶᬧ᭄᭚᭞ᬳᬦᬸᬱᬵᬬᬚ᭄ᬜᬵᬳᬭᬦ᭄ᬬ᭞ᬬᬦ᭄ᬗᭀᬢᭀᬦᬶᬦ᭄᭞ᬫᬶᬯᬄᬫᬦ᭄ᬮᬸᬩᬸᬮᬦᬶᬦ᭄᭞ᬫᬕᭀᬫ᭄ᬩᬾ
ᬢ᭄ᬫᬢᬢᬄᬗ᭄ᬮᬯᬸᬢ᭄᭞ᬫᬯᬶᬦ᭄ᬢᭂᬦ᭄ᬫ᭄ᬯᬂᬫᬤᬶᬓ᭄ᬱᬵ᭞ᬲᬩᬩᬘᬓ᭄᭞ᬫᬦᬸᬱᬵᬦᬾᬓᬧᬳᬬᬸ᭞ᬧᬸᬦᬶᬓᬵᬦᬾᬓᬲᬫ᭄ᬩᬢᬂ᭞ᬫᬦᬸᬱᬵᬬᬚ᭄ᬜᬵᬧᬧᬰᬶᬄ᭚ᬧᬜ᭄ᬘᬬᬤ᭄ᬜᬵᬦᬾᬓᬋᬫ᭄ᬩᬢ᭄᭞ᬓᬫᬃ
[᭑᭗ 17A]
ᬕ᭄ᬕᬶᬬᬂ᭞ᬤᬾᬦᬶᬂᬚᬦ᭄ᬫᬵᬧ᭄ᬭᬯᬺᬢᬷ᭞ᬧᬦᬸᬕ᭄ᬭᬳᬦ᭄ᬳ᭄ᬬᬂᬲᬶᬦᬸᬳᬸᬦ᭄᭞ᬫᬓᬵᬚᬮᬭᬦ᭄ᬲᭂᬫ᭄ᬩᬄᬭᬶᬂᬓᬯᬗᬦ᭄᭞ᬓᬯᬶᬓᬦ᭄ᬤᬾᬯᬾᬓᬾᬦᬸᬭᬸᬦ᭄᭞ᬦᬦ᭄ᬤᬂᬳᬫ᭄ᬫᬵᬫᬭᬶᬂᬮᭀᬓᬵ᭞ᬲᬶᬱ᭄ᬝᬦᬶᬂᬤᬾᬯᬾᬓ᭄ᬤᬸ
ᬫᬦ᭄ᬥᬶ᭚ᬲᬗ᭄ᬓᬦ᭄ᬳᬸᬮᬶᬚᬦᬶᬜᬦ᭄ᬤᬂ᭞ᬧᬕᬯᬾᬦᬦ᭄᭞ᬮᬓ᭄ᬱᬡᬬᬂᬓᬶᬃᬢ᭄ᬢᬶᬦᬶᬦ᭄᭞ᬫ᭄ᬭᬢᬬᬂᬲᬦ᭄ᬢᬵᬦᬵᬓᬯᬶᬢᬦᬾᬫᬦᬗ᭄ᬕᬧ᭄᭞ᬫᬦᭂᬫᬸᬯᬂ᭞ᬨᬮᬵᬓᬃᬫ᭄ᬫᬵᬳᬮᬵᬳᬬᬸ᭞ᬰᬸᬪᬵᬰᬸ
ᬪᬓᬃᬫ᭄ᬫᬦᬶᬂᬯ᭄ᬯᬂ᭞ᬳᬮᬶᬢ᭄ᬳᬦᭀᬫ᭄ᬳᬗ᭄ᬕᬾᬕᭂᬡ᭄ᬥᬶᬂ᭚᭜᭚ᬢᬸᬗ᭄ᬓᬄᬤᬾᬯᬾᬓ᭄ᬫᬧ᭄ᬦᬯᬸᬭᬦ᭄᭞ᬭᬶᬂᬳᬶᬩᬧᬵᬭᬶᬂᬳᬶᬩᬶᬩᬶ᭞ᬫᬗ᭄ᬤᬵᬲᬫ᭄ᬧᬸᬦ᭄ᬗᬯᬕ᭄ᬕᬯᬕ᭄᭞ᬤᬾᬦᬶᬂᬯ᭄ᬢᬸᬦᬶᬂᬓᬾᬃᬢ᭄ᬢᬷ᭞ᬢᬢᬸᬚᭀᬦᬾ
ᬓᬃᬧᬢᬶᬢᬶᬲ᭄᭞ᬤ᭄ᬥᬵᬲᭀᬓ᭄ᬫᬗᬸᬮᬄᬫᬗᬫᬸᬂ᭞ᬳᬧᬵᬦᬾᬧᬢᬸᬢ᭄ᬩ᭄ᬯᬢᬂ᭞ᬳᬗ᭄ᬕᭀᬦᬳᬹᬃᬫᬯᬸᬢᬂᬰᬶᬄ᭞ᬤᬳᬢ᭄ᬓᬾᬬᬸᬄ᭞ᬢᬸᬳᬸᬭᬾᬫᬧ᭄ᬦᬯᬸᬭᬦ᭄᭚ᬭᬶᬂᬳᬶᬳᬚᬶᬫ᭄ᬯᬂᬳᬶᬩᬶᬬᬂ᭞ᬲᬲᬸᬫᬾᬭᬸᬫ᭄ᬯᬂᬲ
Kaca:Bali-lontar-gaguritan-janmaprawreti-02-300ppi.pdf/17
Kaca puniki sampun kauji-wacén
