Kaca puniki sampun kauji-wacén
[᭑᭖ 16B]
᭑᭖
ᬗ᭄ᬓᬾ᭞ᬲᬓ᭄ᬯᬾᬳᬶᬂᬳᬯᬲ᭄ᬓᬧᬸᬗ᭄ᬓᬸᬃ᭞ᬮᬶᬯᬢᬷᬲᬗ᭄ᬓᬮᬲᬸᬦ᭄ᬬ᭞ᬧ᭄ᬭᬧ᭄ᬢᬭᬶᬂᬲᬃᬯ᭄ᬯᬓᬸᬲᬸᬫ᭟ᬲᬢ᭄ᬓᬦᬶᬭᬭᬶᬂᬲᬃᬯ᭄ᬯᬲᬦ᭄ᬢᬸᬦ᭄᭞ᬓᬯᬃᬡ᭄ᬦᬳᬫᬗ᭄ᬓᬾ᭞ᬲᬧᬜ᭄ᬢ᭄ᬭᬦᬶᬂᬲᬃᬯ᭄ᬯᬲᬭᬶ᭞ᬓᬫᬾᬦᬶᬂᬳᬕ᭄ᬭᬭᬸᬦ᭄ᬢᬸᬄ᭞᭠
ᬯᭀᬃᬕᬡ᭄ᬥᬦᬶᬂᬲᬸᬮᬢ᭄ᬭ᭄ᬬᬵᬭᬸᬫ᭄᭞ᬕᬤᬸᬂᬦᬶᬓᬫᬗ᭄ᬭᬭᭀᬜ᭄ᬘᬾ᭞ᬳᬗ᭄ᬰᭀᬓᬳᬦᬸᬳᬸᬦ᭄ᬲᬦ᭄ᬢᬸᬦ᭄᭞ᬭᬸᬫᬗ᭄ᬩᬾᬳᬦᭀᬗᬶᬂᬢᬶᬃᬢ᭄ᬣᬵ᭞ᬲᬯᬗᬾᬓᬸᬫ᭄ᬮᬩ᭄ᬓᬗᬶᬦᬦ᭄᭟ᬳᬦ᭄ᬢᬶᬳᭂᬦ᭄ᬢᬶᬬᬦ᭄ᬢᬵᬲ᭄ᬓᬃᬧᬜ᭄ᬢ᭄ᬭᬳᬶᬧᬸ᭠
ᬦ᭄᭞ᬓᬂᬲᬃᬯ᭄ᬯᬓᬸᬲᬸᬫ᭞ᬫᬗ᭄ᬓᬾᬯᬸᬯᬸᬲᭂᬦ᭄ᬳᬶᬓᬂᬧᬓ᭄ᬱᬶ᭞ᬳᬸᬫᬸᬂᬳᬲ᭄ᬭᬂᬮᬸᬯᬸᬭᬶᬂᬓᬵᬬᬸ᭞ᬳᬫᬳᬓᬂᬯ᭄ᬥᬮᬶᬧᬸᬦ᭄᭞ᬓᭀᬓᬶᬮᬳᬸᬫᬸᬂᬲ᭄ᬯᬭᬦᬾ᭞ᬘᬸᬘᬸᬃᬳᬶᬓᬵᬫᬸᬦ᭄ᬬᬵᬗᬸᬗ᭄ᬓᬸᬂ᭞ᬳᬯ᭄ᬮᬲ᭄ᬩᬯᬳᬬᬾ
ᬦ᭄ᬭᭀᬗ᭞ᬲᬫ᭄ᬩ᭄ᬭᬫᬭᬶᬂᬲᬂᬮᬸᬫᬫ᭄ᬧᬄ᭟ᬫᬦᬹᬓ᭄ᬫᬶᬜ᭄ᬘᭀᬓ᭄ᬫᬸᬦᬶᬦ᭄ᬬᬓᬤ᭄ᬬᬗᬸᬗ᭄ᬓᬸᬂ᭞ᬲ᭄ᬯᬭᬦᬾᬳᬭᬫᬾ᭞ᬧᬺᬜ᭄ᬘᬓᬾᬓᬤ᭄ᬬᬗᬗ᭄ᬲ᭄ᬬᬦᬶ᭞ᬧᬓ᭄ᬱᬶᬕᭂᬦ᭄ᬥᬶᬳᬗ᭄ᬮᬗᬸ᭞ᬲ᭄ᬯᬭᬦᬾᬓᬶᬤᬂᬳᬗ᭄ᬮᬬᬸᬂ᭞ᬓᬤ᭄ᬬᬵᬦᬧ᭠
[᭑᭗ 17A]
ᬧ᭄ᬭᬢᬶᬗ᭄ᬓᬳᬾ᭞ᬘᬸᬗ᭄ᬕᬾᬭᬾᬭᬾᬢ᭄ᬳᬶᬓᬵᬳᬸᬫᬸᬂ᭞ᬲᬶᬦᬯᬸᬭᬦ᭄ᬤᬾᬦᬶᬂᬓᬸᬫ᭄ᬩᬂ᭞ᬓᬱ᭄ᬘᬃᬬ᭄ᬬᬦ᭄ᬲᬶᬭᬵ᭠ ᬢᬸᬫᬶᬗ᭄ᬕᬵᬮ᭄᭟
