[ ᭗᭗ 77B]
᭗᭗᭞
ᬢᭂᬥᬸᬦ᭄ᬲᬓᬶᬂᬓᬸᬤᬕᭂᬮᬶᬲ᭄᭞ᬦᬶᬦᬶᬦᬾᬤᬶᬢᬸᬜᬶᬗᬓᬶᬦ᭄᭞ᬜᬕ᭄ᬚᬕᬶᬦ᭄ᬫᬜᬧᬳᬮᬸᬲ᭄᭞ᬳᬸᬤᬸᬄᬤᬾᬯᬘᬸᬘᬸᬦ᭄ᬢᬶᬢ᭄ᬬᬂ᭞ᬭᬯᬸᬄᬓᭀᬳᬶᬕᬸᬲ᭄ᬢᬶᬫᬮᬶᬄ᭞ᬭᬭᬶᬲ᭄ᬦᬶᬫ᭄ᬩᬮ᭄
᭞ᬭᬳᬤᬾᬦ᭄ᬳᬶᬦ᭄ᬤ᭄ᬭᬩᬗ᭄ᬲ᭄ᬯᬡᬵ᭟ᬧᬢᬸᬢ᭄ᬢᬶᬢ᭄ᬬᬂᬫᬮᬶᬄᬧ᭄ᬭᬧ᭄ᬢ᭞ᬯᬦ᭄ᬢᬄᬗᬢᬸᬭᬂᬧᬳᬸᬦᬶᬂ᭞ᬲᬫ᭄ᬧᬸᬦ᭄ᬧᭂᬚᬄᬇᬩᬸᬭᬓ᭄ᬱ᭞ᬦᬶᬦᬶᬦᬾᬫᬮᬶᬄᬜᬯᬸᬭᬶᬦ᭄᭞ᬬᬦ᭄ᬓᬾᬢᭀᬫ᭄ᬭᬶ
ᬓᬫᬯᬮᬶ᭞ᬳᬢᬸᬭᬂᬢᭂᬓᬾᬦᬵᬲᬂᬧ᭄ᬭᬪᬸ᭞ᬇᬦ᭄ᬤ᭄ᬭᬩᬗ᭄ᬲ᭄ᬯᬡᬫᬦᬶᬫ᭄ᬩᬮ᭄᭞ᬳᬢᬸᬭᬾᬢᬶᬢ᭄ᬬᬂᬫᬗᬶᬭᬶᬂ᭞ᬓᬬᬸᬦ᭄ᬦᬶᬦᬶ᭞ᬭᬭᬶᬲ᭄ᬜᬮᬸᬓ᭄ᬓᭂᬲᬸᬓᬢ᭄ᬬᬦ᭄᭟ᬯᬸᬲᬦ᭄ᬜᬮᬸᬓ᭄ᬮᬯᬸᬢ᭄ᬫᬫᬃᬕ᭄ᬕᬵ᭞
ᬚᬕᬵᬧᬋᬓ᭄ᬭᬶᬂᬲᬗᬚᬶ᭞ᬫᬓ᭄ᬢᬵᬘᬸᬗᬸᬄᬳᬶᬩᬸᬭᬓ᭄ᬱ᭞ᬲᬋᬂᬭᬶᬂᬫᬢᬦᬾᬲᬫᬶ᭞ᬉᬘᬧᬂᬲᬫ᭄ᬧᬸᬦ᭄ᬧ᭄ᬭᬧ᭄ᬢᬶ᭞ᬭᬶᬂᬳᬬᬸᬦ᭄ᬳᬶᬤᬲᬂᬧ᭄ᬭᬪᬸ᭞ᬮᬯᬸᬢ᭄ᬦᭂᬕᬓ᭄ᬫᬢᬃᬲᭂᬫ᭄ᬩᬄ᭞ᬇᬗ᭄ᬕᬶᬄᬭᬢᬸᬰ᭄ᬭᬶᬪᬸᬧᬢᬶ
[ ᭗᭘ 78A]
᭞ᬢᬶᬢ᭄ᬬᬂᬧᭀᬮᬶᬄ᭞ᬤᬾᬂᬤᬾᬂᬓᭂᬩᭀᬳᬲᬸᬮ᭄ᬯᬦ᭄᭟ᬓᬘᬶᬗᬓ᭄ᬳᬦ᭄ᬢᬸᬓ᭄ᬲᬂᬦᬵᬣ᭞ᬲᬫ᭄ᬧᬸᬦ᭄ᬓᬧ᭄ᬭᬶᬢᬢᬲ᭄ᬲᬫᬶ᭞ᬢ᭄ᬯᬄᬲᬸᬗᬸᬄᬫᬢᬦ᭄ᬲᬂᬓᬮ᭞ᬮᬯᬸᬢ᭄ᬫᬗᬦ᭄ᬤᬶᬓᬵᬳᬭᬶᬲ᭄᭞ᬇᬄ᭠
ᬓᭂᬫ᭄ᬩᬃᬤᬶᬚᬘᬳᬶ᭞ᬫᬓᬢᬂᬦᬾᬫᬦᬸᬤᬸᬓ᭄᭞ᬲᬶᬓᭂᬫ᭄ᬩᬃᬮᬯᬸᬢ᭄ᬗᬸᬦᬶᬗᬂ᭞ᬇᬗ᭄ᬕᬶᬄᬭᬢᬸᬰ᭄ᬭᬷᬪᬸᬧᬢᬶ᭞ᬧᭀᬮᬶᬄᬢᬶᬢ᭄ᬬᬂ᭞ᬇᬭᬶᬓᬵᬭᬶᬂᬢᭂᬗᬄᬳᬮᬲ᭄᭟ᬢᬶᬢ᭄ᬬᬂᬲᭂᬥᭂᬓᬵ
ᬦ᭄ᬫᬫᬃᬕ᭄ᬕᬵᬓᭂᬦᬶᬢᬜ᭄ᬚᬸᬂᬳᬦ᭄ᬢᬸᬓ᭄ᬩᬢᬶᬲ᭄᭞ᬭᬶᬂᬢᭂᬗᬄᬮᬶᬲᬶᬓ᭄ᬧᬸᬦᬶᬓᬵ᭞ᬓᭂᬢᬾᬧᬾᬲᬂᬢᬍᬃᬓᬭᬶ᭞ᬫᬮᬶᬮᬶᬢ᭄ᬫᬜ᭄ᬮᬶᬗ᭄ᬓᬤᬶᬦ᭄᭞ᬫᬗ᭄ᬭᬭᬶᬲ᭄ᬢᬶᬢ᭄ᬬᬂᬫᬦᬸᬤᬸᬓ᭄᭞ᬲᬫ᭄ᬩᬶᬮ᭄ᬢᬶᬢ᭄ᬬᬂᬫ
ᬫᭂᬤᬲᬂ᭞ᬫᬳᬶᬭᬶᬩ᭄ᬓᬤᬶᬢᬗ᭄ᬓᬶᬮᬶ᭞ᬤ᭄ᬭᬸᬯᬾᬦ᭄ᬳᬶᬤ᭞ᬳᬦᬓ᭄ᬧᬤᬸᬓᬘᭀᬓᭀᬃᬤ᭄ᬥ᭟ᬩᭂᬗᭀᬂᬕᬯᭀᬓ᭄ᬰ᭄ᬭᬶᬦᬭᬾᬦ᭄ᬤ᭄ᬭ᭞ᬧᬹᬃᬡ᭄ᬦᬲᬸᬗ᭄ᬲᬸᬢᬾᬧ᭄ᬭᬚᬦᬶ᭞ᬮᬯᬸᬢ᭄ᬳᬶᬤᬫᬗᬦ᭄ᬤᬶᬓ
Kaca:Bali-lontar-gaguritan-indra-bang-induraja-300ppi.pdf/78
Kaca puniki sampun kauji-wacén
