[ ᭔᭙ 49B]
᭔᭙᭞
ᬧᬦᬓ᭄ᬭᬭᬢᬸ᭞ᬗᬦ᭄ᬤᭂᬮᬂᬳᬯᬓᬾᬲᬸᬕᬶᬄ᭞ᬩᬦᬾᬮᬶᬬᬸᬗᭂᬮᬄᬧᬜ᭄ᬚᬓ᭄᭞ᬓᬾᬢᭀᬜᭂᬢ᭄ᬭᬶᬂᬓᬬᬸᬦ᭄᭞ᬭᬚᬧᬸᬢ᭄ᬭᬫᭂᬗ᭄ᬕᬄᬧᬶᬲᬦ᭄᭞ᬫ᭄ᬬᬃᬱᬬ᭞ᬧᭂᬢᬓᭀᬦᬾᬮᬶᬦ᭄ᬢᬂ
ᬚᬤᬶᬕ᭄᭞ᬗ᭄ᬳᬶᬫᬲᭂᬧᭂᬮ᭄ᬚ᭄ᬭᭀᬦᬶᬂᬤᬶᬬ᭟ᬭᬭᬶᬲ᭄ᬭᬚ᭄ᬲ᭄ᬧᬸᬢ᭄ᬭᬫᬜᬯᬸᬭᬶᬦ᭄᭞ᬲᬤᬗᬲᬩ᭄᭞ᬇᬗ᭄ᬕᬶᬄᬬᬦ᭄ᬧᬸᬦᬶᬓᬵ᭞ᬢᬓᭀᬦᬂᬤᬕᬶᬂᬳᬶᬧᬸᬦᬾ᭞ᬩᬸᬂᬩᬸᬗᬾᬲᬦᬾᬫᬕᬦ᭄ᬢᬸᬂ᭞ᬢᬶ
ᬢ᭄ᬬᬂᬗᬢᬸᬭᬂᬧᬶᬳᬸᬦᬶᬂ᭞ᬧᬸᬦᬶᬓᬬᬾᬄᬲᬸᬲᬸᬦ᭄ᬫᬘᬦ᭄᭞ᬗᬸᬤᬧᬦᬓ᭄ᬳᬶᬧᬸᬦ᭄᭞ᬤᬕᬶᬂᬳᬶᬧᬸᬦᬾᬧᬸᬦᬶᬓᬵ᭞ᬲᬧᬸᬦᬶᬓᬵ᭞ᬳᬦ᭄ᬢᬸᬓ᭄ᬳᬶᬤᬫᬜᬯᬸᬭᬶᬦ᭄᭞ᬭᬢᬸᬦᬾᬲᬋᬂᬳᬲ᭄ᬬᬵ᭟
ᬍᬕᬵᬧᬶᬲᬦ᭄ᬧ᭄ᬭᬭᬢᬸᬦᬾᬲᬫᬶ᭞ᬯᬯᬸᬫ᭄ᬬᬃᬱᬤᬾᬦᬶᬂᬓᬢᬸᬢᬸᬭᬂ᭞ᬲᬦᬾᬧᬘᬂᬳ᭠ᬮᬶᬄᬋᬓᬾ᭞ᬤᬤ᭄ᬬᬜᬤᬶᬢᬸᬮᬯᬸᬢ᭄᭞ᬲᬋᬂᬲᬫᬶᬫᭂᬜᬯᬸᬭᬶᬦ᭄᭞ᬦᬄᬮᬫᬸᬦ᭄ᬚᬢᬶᬬ᭞ᬪ
[ ᭕᭐ 50A]
ᬕ᭄ᬬᬤᬶᬦᬶᬢᭂᬧᬸᬓ᭄᭞ᬳᭂᬦ᭄ᬢᭀᬦᬾᬧᬘᬵᬂᬪᬸᬯᬢᬂ᭞ᬲᬸᬩᬤᬶᬦᬶ᭞ᬦᬾᬦᬾᬧᬘᬂᬳᬮᬶᬄᬚᬦᬶ᭞ᬘᬳᬶᬦᬾᬚᬦᬶᬫᬗ᭄ᬭᬓ᭄ᬱ᭟ᬩᬩᬂᬲᬚᬵᬦᬶᬭᬚᬦᬶᬫᭂᬮᬶ᭞ᬬᬦ᭄ᬚᬶᬓᬸᬤ᭞ᬢᬸ
ᬦ᭄ᬤᬾᬦ᭄ᬘᬳᬶᬫᬬᬄ᭞ᬬᬾᬄᬜᭀᬜᭀᬦ᭄ᬫᬘᬦᬾᬋᬓᬾ᭞ᬦᬶᬭᬲᬸᬓᬧᬘᬂᬦᬯᬸᬃ᭞ᬇᬦ᭄ᬤ᭄ᬭᬩᬂᬲ᭄ᬯᬡᬵᬜᬯᬸᬭᬶᬦ᭄᭞ᬇᬗ᭄ᬕᬶᬄᬬᬦ᭄ᬧᬸᬦᬶᬓᬵ᭞ᬧᬓᬬᬸᬦᬦᬸᬓᬸ᭞ᬦᬾᬦ᭄ᬢᭂᬦ᭄ᬚᬕᬳ
ᬤᬾᬮ᭄ᬢᬶᬢ᭄ᬬᬂ᭞ᬓᬧᬶᬂᬓᬮᬶᬄ᭞ᬢᬦ᭄ᬯᬾᬦ᭄ᬢᭂᬦ᭄ᬢᬶᬢ᭄ᬬᬂᬦ᭄ᬭᬸᬯᬾᬦᬶᬦ᭄᭞ᬧᬸᬦᬶᬓᬶᬯᬦ᭄ᬢᬄᬧ᭠ᬓᬶᬗ᭄ᬲᬦ᭄᭟ᬢᬶᬢ᭄ᬬᬂᬩᬦ᭄ᬢᬲ᭄ᬓᬓᭀᬦ᭄ᬓᬾᬦ᭄ᬗᭂᬦᬳᬶᬦ᭄᭞ᬭᬶᬂᬦᬾᬦ᭄ᬯᬾᬦᬂ᭞ᬲᬸᬲᬸᬦᬾᬧᬸᬦᬶᬓ᭞ᬫᬮᬶᬄ
ᬯᬾᬦ᭄ᬢᭂᬦ᭄ᬧᬩᭂᬲᬦᬾ᭞ᬦᬧᬶᬯᬾᬦ᭄ᬢᭂᬦ᭄ᬚᬕᬵᬦᬸᬓᬸ᭞ᬢᭀᬬᬵᬲᬸᬲᬸᬦᬾᬧᬸᬦᬶᬓᬶ᭞ᬢᬦ᭄ᬯᬾᬦ᭄ᬢᭂᬦ᭄ᬢᬶᬢ᭄ᬬᬂᬓᬳᬶᬘᬾᬦ᭄᭞ᬫᬗᬤᭀᬮ᭄ᬧᬸᬦᬶᬓᬸ᭞ᬬᬦᬶᬂᬲᬭᬵᬢ᭄ᬧᬓᬬᬸᬦᬦ᭄᭞ᬧᬘᬂᬳᬗ᭄ᬕᬾ᭞
Kaca:Bali-lontar-gaguritan-indra-bang-induraja-300ppi.pdf/50
Kaca puniki sampun kauji-wacén
