Kaca:Bali-lontar-gaguritan-indra-bang-induraja-300ppi.pdf/212

Saking Wikisource
Kaca puniki sampun kauji-wacén

[ ᭒᭑᭑ 211B]
᭒᭑᭑᭞
ᬲᬂᬦᬶᬓᬳᬶᬦ᭄ᬢᬶᬢ᭄ᬬᬂ᭞ᬫᬗ᭄ᬤᬩᭂᬘᬶᬓ᭄ᬳᬦ᭄ᬢᬸᬓ᭄ᬢᬶᬢ᭄ᬬᬂ᭞ᬦ᭄ᬤᬯᬸᬳᬶᬦ᭄ᬓᬸᬮᬦ᭄ᬤᬾᬯᬕᬸᬂ᭞ᬓᬦ᭄ᬢᬸᬦ᭄ᬗᬦ᭄ᬢᭀᬲ᭄ᬧᬯᬘᬦ᭟ᬭᬵᬚᬩᬗ᭄ᬲ᭄ᬯᬡᬫᬸᬯᬸᬲ᭄ᬳᬭᬶᬲ᭄᭞ᬮᬫᬸᬦ᭄ᬧᬥᬲᬸᬩᬧ᭄ᬭᬕᬢ᭄᭞ᬳᬾᬢᬾᬳᬾ
ᬢᬾᬄᬧᭂᬘᬭ᭄ᬯᬦᬾ᭞ᬓᬕ᭄ᬭᬶᬬᬳᬢᬸᬭᬶᬦ᭄ᬧ᭄ᬭᬡ᭄ᬥ᭞ᬳᬧᬂᬳᬶᬤᬫᬸᬧᬸᬢᬂ᭞ᬧᬫᬦ᭄ᬢᭂᬗᬬᬳᬶᬦ᭄ᬤᬶᬢᬸ᭞ᬦᬶᬭᬦᬫ᭄ᬧᬶᬲᬸᬩᬧ᭄ᬭᬕᬢ᭄᭟ᬳᬶᬧᬢᬶᬄᬫᬗᭂᬪᬓ᭄ᬢᬶ᭞ᬫᬧᬫᬶᬢ᭄ᬭᬶᬂᬤᬲᬂᬦᬵᬣ᭞ᬢᬸᬫᬸᬮᬶ
ᬗᭂᬲᬾᬗᬶᬦ᭄ᬭᬓᭀ᭞ᬓᭂᬫᭀᬘᬳᬶᬬᬓᬕ᭄ᬭᬶᬬ᭞ᬳ᭄ᬬᬸᬢᬸᬲᬦ᭄ᬭᬭᬶᬲ᭄ᬫᬚᬮᬦ᭄᭞ᬕᭂᬮᬶᬲ᭄ᬫᬗ᭄ᬓᬶᬦ᭄ᬲᬫ᭄ᬧᬸᬦ᭄ᬭᬯᬸᬄ᭞ᬳᬶᬳᬸᬢᬸᬲᬦ᭄ᬭᬶᬂᬕ᭄ᬭᬶᬬ᭟ᬧᭂᬤᬡ᭄ᬥᬗᬦ᭄ᬤᬶᬓᬵᬳᬭᬶᬲ᭄᭞ᬫᬳᬶᬮᬯᬸᬢᬂᬫᭂ
ᬦᬓᬦ᭄᭞ᬳᬶᬬᬸᬢᬸᬲᬦ᭄ᬫᬢᬸᬃᬳᬕᬾ᭞ᬢᬶᬢ᭄ᬬᬂᬳᬸᬢᬸᬲᬦ᭄ᬲᬂᬦᬵᬣ᭞ᬚᬕᬩᬢᬸᬭᬶᬦ᭄ᬧ᭄ᬭᬡ᭄ᬥ᭞ᬳᬶᬤᬚᬕᬗᬸᬢᬩᬕᭂᬦ᭄ᬢᬸᬄ᭞ᬫᬗ᭄ᬤᬧ᭄ᬭᬡ᭄ᬥᬦᬾᬫᬸᬧᬸᬢᬂ᭟ᬦᬄᬮᬫᬸᬦ᭄ᬓᬾᬢᭀᬘ᭠
[ ᭒᭑᭒ 212A]
ᬳᬶ᭞ᬚᬮᬦ᭄ᬓᬾᬚᬦᬶᬫᬚᬮᬦ᭄᭞ᬢᬸᬫᬸᬮᬶᬭᬭᬶᬲ᭄ᬫᬫᬃᬕ᭄ᬬ᭞ᬢᬦ᭄ᬓᭀᬘᬧᬵᬫᬭᬶᬂᬚᬮᬦ᭄᭞ᬲᬫ᭄ᬧᬸᬦ᭄ᬭᬯᬸᬄᬭᬶᬂᬩᬜ᭄ᬘᬶᬗᬄ᭞ᬲᬂᬧ᭄ᬭᬪᬸᬲᭂᬥᭂᬓ᭄ᬳᬮᬸᬗ᭄ᬕᬸᬄ᭞ᬓᬢᬗ᭄ᬓᬶᬮ᭄ᬭᬶᬂᬧ᭄ᬭᬫᬦ᭄ᬢ᭄ᬭ᭄ᬬ᭟ᬲᬂᬦᬵᬣ
ᬗᬦ᭄ᬤᬶᬓᬳᬭᬶᬲ᭄᭞ᬭᬭᬶᬲᬂᬧ᭄ᬭᬡ᭄ᬥᬫᬸᬧᬸᬢ᭄᭞ᬓᬃᬬ᭄ᬬᬧᬫᬮᬶᬓ᭄ᬢᬸᬫ᭄ᬧᬸᬭᬾ᭞ᬫᬗ᭄ᬤᬭᬳᬬᬸᬦᬵᬕᬭ᭞ᬧ᭄ᬭᬡ᭄ᬥᬭᬭᬶᬲ᭄ᬫᬸᬗ᭄ᬕᬳᬦ᭄᭞ᬢᬦ᭄ᬓᭀᬘᬧᬲᬫ᭄ᬧᬸᬦ᭄ᬧᬸᬧᬸᬢ᭄᭞ᬳᭂᬩᬸᬦ᭄ᬲᬢ᭄ᬯᬦᬾ
ᬧᬸᬦᬶᬓ᭟᭐᭟ᬧᬸᬄᬲᬶ᭟᭐᭟ᬤᬸᬓ᭄ᬧᬸᬧᬸᬢ᭄ᬢᬶᬢ᭄ᬬᬂᬫᬜᬸᬭᬢ᭄᭞ᬭᬶᬂᬩᬸᬤ᭄ᬥᬢᭂᬕᬓᬯᬃᬡ᭄ᬦᬶ᭞ᬫᬸᬗ᭄ᬕ᭄ᬯᬶᬂᬳᬸᬓᬸᬯᬭᬶᬕᬤ᭄ᬬᬦ᭄᭞ᬢᬗ᭄ᬕᬮ᭄ᬧᬶᬂᬧᬶᬢᬸᬦᭂᬫᭀᬦᬶᬦ᭄᭞ᬰᬰᬶᬄᬓᬧᬶᬢᬸᬦᬫ᭄ᬧᬶ᭞
ᬳᭀᬕᬦ᭄ᬲᬗᬵᬯᬭᬳᬶᬓᬸ᭞ᬳᬱ᭄ᬝᬵᬯᬭᬦᬾᬬᬮᬸᬤ᭄ᬭ᭞ᬲᬤ᭄ᬯᬭᬦᬾᬯᬲ᭄ᬫᬦᬫ᭄ᬧᬶ᭞ᬘᬢᬸᬃᬯᬭ᭞ᬰ᭄ᬭᬷᬫᬗᭂᬜ᭄ᬘᭂᬮᬶᬦ᭄ᬧᬸᬦᬶᬓᬵ᭟ᬲᬫ᭄ᬧᬸᬭᬢᬶᬢ᭄ᬬᬂᬫᬜᬸᬭᬢ᭄᭞ᬳᬶᬩᭂᬮᭀ᭠

Kapolihang saking "https://ban.wikisource.org/w/index.php?title=Kaca:Bali-lontar-gaguritan-indra-bang-induraja-300ppi.pdf/212&oldid=37672"