[ ᭒᭐᭔ 204B]
᭒᭐᭔᭞
ᬭᬩᬶᬦ᭄᭞ᬧᬸᬦᬶᬓᬳᬶᬯᬶᬭᬘᬓ᭄ᬭ᭟ᬫᬮᬶᬄᬲᬦᬾᬓᬕᭂᬦᬳᬂ᭞ᬤᭂᬮᭀᬤ᭄ᬧᬸᬭᬶᬓᬧᬭᬩᬶᬦ᭄᭞ᬳᬶᬧᬢᬶᬄᬤᬡ᭄ᬥᬧᬸᬭᬸᬱ᭞ᬧᬸᬦᬶᬓᬭᭀᬭᬲ᭄ᬤᬶᬭᬶ᭞ᬗᬤᭂᬕ᭄ᬧ᭄ᬭᬤᬦᬫᬦ᭄ᬢ᭄ᬭᬶ᭞ᬭᬶᬂ
ᬧᬸᬭᬶᬗᬩᬶᬄᬲᬂᬧ᭄ᬭᬪᬸ᭞ᬳᬫ᭄ᬩᬸᬮ᭄ᬢᭀᬩᬳᬦ᭄ᬦᬸᬢᬸᬭᬂ᭞ᬧᬗᬤᭂᬕ᭄ᬳᬶᬤᬲᬗᬚᬶ᭞ᬓᬶᬦ᭄ᬢᬯᬦ᭞ᬕᬸᬫᬶᬦᬾᬲᬬᬦ᭄ᬫᬓᬺᬢ᭞ᬓᬲᬸᬯᬾᬦ᭄ᬲᬸᬯᬾᬦ᭄ᬳᬸᬘᬧᬂ᭞ᬓᬮᬸᬫ᭄ᬭᬄᬳᬃᬢ᭄ᬢᬦᬾᬚᬦᬶ᭞᭠
ᬚᬕᬢᬾᬭᬶᬂᬓᬶᬦ᭄ᬢᬯᬦ᭞ᬕᭂᬫᬸᬄᬮᬦ᭄ᬤᬸᬄᬓᬂᬦᬵᬕᬭᬶ᭞ᬳᬓᬾᬄᬲᬸᬤᬕᬃᬗ᭄ᬭᬯᬸᬳᬶᬦ᭄᭞ᬫᬶᬲᬤ᭄ᬬᬗᬤᭀᬮ᭄ᬳᬢᬸᬓᬸ᭞ᬮᬾᬦ᭄ᬳᬤᬗᬸᬗ᭄ᬲᬶᬧᬗᬦ᭄᭞ᬳᬲᬶᬂᬭᬯᬸᬄᬚᭂᬦᭂᬓ᭄ᬭᬭᬶᬲ᭄᭞ᬓᬶᬘᬾᬦ᭄ᬪᬸᬓ᭄ᬢᬶ
᭞ᬓᬶᬘᬾᬦ᭄ᬕᭂᬦᬄᬲᬧᬸᬧᬸᬢ᭟ᬲᬬᬦ᭄ᬳᬓᬾᬄᬗ᭄ᬭᬯᬸᬳᬂᬚᬤ᭄ᬫ᭞ᬧ᭄ᬭᬢᬗ᭄ᬰᬫᬶᬯᬄᬯᭀᬂᬢᬦᬶ᭞ᬮᬸᬄᬫᬶᬯᬦᬶᬩᬚᬂᬢᬸᬯ᭞ᬭᬯᬸᬄᬫᭂᬗᬢᬸᬭᬂᬪᬓ᭄ᬢᬶ᭞ᬤᬾᬦᬶᬂᬓᬯᬺᬢᬲᬗᬚᬶ᭞ᬤᬦᬉᬧᬫ
[ ᭒᭐᭕ 205A]
ᬓᭂᬮᬗ᭄ᬓᬸᬂ᭞ᬧᬫᬕᭂᬄᬫᬗᬫᭂᬮᬂᬚᬕᬢ᭄᭞ᬫᬦᬧᬓᬂᬮᬶᬂᬦᬶᬂᬳᬚᬶ᭞ᬮᬶᬦ᭄ᬢᬂᬍᬯᬶᬄ᭞ᬓᬲᬸᬩ᭄ᬯᬶᬪᬸᬳᬶᬂᬓᬥᬃᬫ᭄ᬫᬦ᭄᭟ᬲᭀᬭᭀᬄᬚᬤ᭄ᬫᬦᬸᬱᬦ᭄ᬢᬭ᭞ᬢᬦ᭄ᬢᭂᬮᬕ᭄ᬦᬾᬭᬯᬸᬄᬫᬗ᭄ᬓᬶᬦ᭄᭞
ᬫᬤᭀᬮᬦ᭄ᬮᬾᬦ᭄ᬗᬺᬋᬄᬓᬃᬬ᭄ᬬ᭞ᬳᬦ᭄ᬢᬸᬓ᭄ᬚᬕᬢᬾᬓᬯᭀᬃᬢ᭄ᬢᬶ᭞ᬕᭂᬫᬸᬄᬲᬃᬯ᭄ᬯᬢᬦ᭄ᬤᬸᬃᬤᬤᬶ᭞ᬫᬸᬭᬄᬲᬮ᭄ᬯᬶᬭᬶᬂᬢᬶᬦᬸᬓᬸ᭞ᬳᬫ᭄ᬩᬸᬮ᭄ᬢᭀᬚᬦᬶᬳᬸᬘᬧᬂ᭞ᬓᬕᬸᬗ
ᬦ᭄ᬳᬶᬤᬲᬗᬚᬶ᭞ᬓᬶᬦ᭄ᬢᬯᬦ᭞ᬓᬮᬸᬩ᭄ᬥᬾᬓᬚᬦᬧ᭄ᬭᬶᬬ᭟ᬳᭂᬦᭂᬗᬂᬤᬸᬫᬸᬦ᭄ᬧᬸᬦᬶᬓ᭞ᬢᬶᬫ᭄ᬩᬮᬂᬲᬢ᭄ᬯᬦᬾᬚᬦᬶ᭞ᬲᬂᬧ᭄ᬭᬪᬸᬇᬦ᭄ᬤ᭄ᬭᬪᬗ᭄ᬲ᭄ᬯᬡ᭞ᬧᬸᬦᬶᬓᬳᬸᬘᬧᬵᬂ
ᬫᬮᬶᬄ᭞ᬭᬶᬂᬧ᭄ᬭᬶᬳᬮᬦᬵᬕᬭᬶ᭞ᬲᬢᬶᬮᬃᬭᬓᬦ᭄ᬲᬂᬧ᭄ᬭᬪᬸ᭞ᬲᬸᬗ᭄ᬲᬸᬢ᭄ᬓᬬᬸᬦᬾᬓᬮᬶᬦ᭄ᬢᬂ᭞ᬢᬦ᭄ᬮ᭄ᬬᬦ᭄ᬳᬶᬤᬧ᭄ᬭᬫᬶᬰ᭄ᬯᬭᬶ᭞ᬕᭂᬦᬄᬳᬶᬤ᭞ᬗ᭄ᬮᬶᬮᬬᬂᬓᬬᬸᬦ᭄ᬳᬶᬤ᭟᭐᭟
Kaca:Bali-lontar-gaguritan-indra-bang-induraja-300ppi.pdf/205
Kaca puniki sampun kauji-wacén
