[ ᭑᭗᭔ 174B]
᭑᭗᭔᭞
ᬗᬮᬶᬄ᭞ᬦᬾᬫᬳᬤᬦ᭄ᬩᬸᬮᬸᬄᬩ᭄ᬭᬶᬡ᭄ᬥᬸ᭞ᬫᬳᬢᬸᬃᬳᬶᬦ᭄ᬤ᭄ᬭᬩᬗ᭄ᬲ᭄ᬯᬡ᭞ᬲᬳᬵᬲᭂᬫ᭄ᬩᬄᬇᬗ᭄ᬕᬶᬄᬭᬢᬸᬤᬾᬯᬧ᭄ᬭᬪᬸ᭞ᬧᭀᬮᬶᬄᬢᬶᬢ᭄ᬬᬂᬫᬗᬺᬋᬳᬂ᭞ᬧᬗᬃᬱᬦ᭄ᬧᬤᬸᬓᬵᬳᬚᬶ᭟ᬇᬭᬶ
ᬓᬵᬇᬦ᭄ᬤ᭄ᬭᬩᬗ᭄ᬲ᭄ᬯᬡ᭞ᬫᭂᬗᬢᬸᬭᬂᬩᬸᬮᬸᬄᬩ᭄ᬭᬶᬡ᭄ᬥᬸᬭᬶᬂᬲᬗᬚᬶ᭞ᬓᬘᬶᬗᬓ᭄ᬳᬦ᭄ᬢᬸᬓ᭄ᬲᬂᬧ᭄ᬭᬪᬸ᭞ᬓᬧᬶᬦᭂᬄᬲᬚᬳᬶᬬ᭞ᬩᬸᬮᬸᬄᬩ᭄ᬭᬶᬡ᭄ᬥᬸᬳᭂᬫ᭄ᬧᭂᬢ᭄ᬢ᭄ᬯᬭᬗᭂᬮᬄᬩᬸᬓᬸ᭞ᬮᬾᬤᬂᬓ
ᬬᬸᬦ᭄ᬰ᭄ᬭᬶᬦᬭᬾᬦ᭄ᬤ᭄ᬭ᭞ᬲᬫ᭄ᬧᬸᬦ᭄ᬓᬢᬭᬶᬫᬵᬫᬗ᭄ᬓᬶᬦ᭄᭟ᬩᬸᬮᬸᬳᬾᬭᬶᬂᬧᬸᬢ᭄ᬭᬦ᭄ᬳᬶᬤ᭞ᬰ᭄ᬭᬶᬦᬭᬾᬦ᭄ᬤ᭄ᬭᬮᬯᬸᬢ᭄ᬫᬗᬦ᭄ᬤᬶᬓᬳᬭᬶᬲ᭄᭞ᬭᬶᬂᬢᬦ᭄ᬤᬫᬦ᭄ᬢ᭄ᬭᬶᬦᬾᬤᬶᬢᬸ᭞ᬇᬄᬧᬢᬶᬄᬫᬗ᭄ᬓᬸᬦᬵᬕᬭ᭞ᬓᭂ᭠
ᬫᬚᬦᬶᬳᭀᬭᬳᬶᬦ᭄ᬧᬜ᭄ᬚᬓᬾᬤᬶᬢᬸ᭞ᬢᬸᬦ᭄ᬤᬾᬦ᭄ᬧᬥᬫᭂᬦᬩ᭄ᬤᬩᬂ᭞ᬳᬸᬮᬶᬚᬦᬶᬫᭂᬗᬯᬶᬢᬶᬦ᭄᭟ᬳᬶᬭᬫᭂᬜᬫ᭄ᬩᬸᬓᬃᬬ᭄ᬬ᭞ᬫᬫ᭄ᬬᬦ᭄ᬳᬫ᭄ᬬᬦ᭄ᬧᬶᬢᬸᬂᬤᬶᬦᬧᬶᬢᬸᬂᬯᭂᬗᬶ᭞ᬳᭀᬜᬗ
[ ᭑᭗᭕ 175A]
ᬦ᭄ᬳᬧᬗᬢᭂᬤᬸᬦ᭄᭞ᬮᬸᬄᬫ᭄ᬯᬦᬶᬘᭂᬦᬶᬓ᭄ᬢᬸᬯ᭞ᬤᬾᬦᬶᬂᬳᬶᬭᬶᬳᬬᬢ᭄ᬫᬶᬲᬾᬓᬬᬂᬳᬕᬸᬂ᭞ᬳᬶᬦᬦᬓ᭄ᬳᬶᬦ᭄ᬤᬩᬗ᭄ᬲ᭄ᬯᬡ᭞ᬧᬘᬂᬫᬗᬤᭂᬕ᭄ᬪᬸᬧᬢᬶ᭟ᬜᬓ᭄ᬭᬤᬶᬦᬶᬤᬶᬦᬵᬕᬭ᭞ᬯᬶᬜ᭄ᬥᬸ
ᬭᬵᬚᬤᬾᬦᬶᬂᬳᬶᬭᬲᬯᬸᬄᬫᬸᬜᬶ᭞ᬢᭂᬓᬾᬦᬶᬂᬳᬶᬦᬦᬓ᭄ᬫᬮᬸ᭞ᬳᬸᬮᬶᬚᬦᬶᬳᬶᬭᬜ᭄ᬭᬳᬂ᭞ᬓᬕᬸᬗᬦᬾᬓᬾᬢᭀᬯᬘᬦᬦ᭄ᬲᬂᬧ᭄ᬭᬪᬸ᭞ᬭᬶᬂᬓᬶᬧᬢᬶᬄᬫᬗ᭄ᬓᬸᬦᬵᬕᬭᬵ᭞
ᬧᬸᬧᬸᬢ᭄ᬲᬫᬶᬓᬦ᭄ᬤᬶᬓᬳᬶᬦ᭄᭟ᬇᬭᬶᬓᬭᬭᬶᬲ᭄ᬲᬂᬦᬵᬣ᭞ᬮ᭄ᬯᬶᬭᬶᬂᬢᬗ᭄ᬓᬶᬮ᭄ᬩᬸᬩᬃᬫᬗ᭄ᬭᬜ᭄ᬚᬶᬂᬓᬧᬸᬭᬶ᭞ᬳᭂᬦᭂᬗᬂᬧᬸᬦᬶᬓᬤᬸᬫᬸᬦ᭄᭞ᬧ᭄ᬭᬧᬸᬢ᭄ᬭᬦᬾᬳᬸᬘᬧᬂ᭞ᬓᭂᬓᬃᬬ᭄ᬬᬦᬂᬧᬲᬗ᭄ᬕ᭄ᬭ᭠
ᬳᬦ᭄ᬲᬫ᭄ᬧᬸᬦ᭄ᬧᬸᬧᬸᬢ᭄᭞ᬳᬦ᭄ᬢᬸᬓ᭄ᬲᬂᬇᬦ᭄ᬤ᭄ᬭᬩᬗ᭄ᬲ᭄ᬯᬡ᭞ᬇᬭᬶᬓᬚ᭄ᬭᭀᬦᬶᬂᬦᬵᬕᬭᬶ᭟ᬧᬸᬧᬸᬢ᭄ᬲᬫᬶᬫᬲᬗ᭄ᬕ᭄ᬭᬳᬦ᭄᭞ᬧ᭄ᬭᬭᬢᬸᬦᬾᬲᬶᬭᬧᬢᬶᬄᬫᬗ᭄ᬓᬸᬪᬸᬫᬶ᭞ᬧᬸᬦᬶᬓᬫᬗ᭄ᬓᬶᬦ᭄ᬓᬯᬸᬯᬸᬲ᭄
Kaca:Bali-lontar-gaguritan-indra-bang-induraja-300ppi.pdf/175
Kaca puniki sampun kauji-wacén
