[᭑᭓13B]
᭑᭒
ᬲᬢ᭄᭞ᬓᬳᬸᬩᭂᬭᬶᬦ᭄ᬩᬳᬦ᭄ᬘᬶᬘᬶᬂ᭞ᬚᬸᬭᬸᬩᭀᬭᭀᬲᬾᬗᬦ᭄ᬤᬸᬧᬂ᭞ᬓᬶᬚᬂᬫᬜ᭄ᬚᬗᬦ᭄ᬳᬶᬚᬸᬂ᭞ᬮᬶᬬᬸᬫᬢᬶᬧᬚᬸᬮᬾᬫ᭄ᬧᬂ᭞ᬦᬾᬦᬾᬳᬸᬭᬶᬧ᭄᭞ᬢᬫ᭄ᬧᬸᬲᬾᬧᬥᬗᬦ᭄ᬬᬂ᭟ᬮᬶᬦ᭄ᬢᬂᬮᬾᬤᬂ
ᬭᬤᬾᬦ᭄ᬫᬦ᭄ᬢ᭄ᬭ᭞ᬜᬶᬗᬓ᭄ᬩᬸᬭᭀᬦᬾᬳᬓᬾᬄᬓ᭄ᬦᬶ᭞ᬲᬸᬫᬶᬗ᭄ᬓᬶᬦ᭄ᬳᬶᬤᬗᬶᬮᬓᬂ᭞ᬓᬮᬶᬄᬮ᭠ᬦ᭄ᬳᬶᬚᬸᬩᬸᬭᬸ᭞ᬢ᭄ᬯᬭᬗᬶᬢᬸᬂᬩᭂᬤᬓ᭄ᬮᬬᬄ᭞ᬧ᭄ᬮᬸᬄᬧᬶᬤᬶᬢ᭄᭞ᬘᬶᬘᬶᬗᬾᬕᬢᬶᬫᬘᬓᬮ᭄᭟
ᬧᬦᬲᬾᬫᬗᭂᬦ᭄ᬢᬓ᭄ᬳᭂᬦ᭄ᬢᬓ᭄᭞ᬡᬥᭂᬂᬰᬰᬶᬄᬓᬧᬢ᭄᭞ᬦᬵᬫ᭄ᬧᬶ᭞ᬚᭂᬕ᭄ᬚᭂᬕ᭄ᬲᬸᬃᬬ᭄ᬬᬓᬩᬸᬲ᭄ᬩᬳᬂ᭞ᬫ᭄ᬭᬕ᭄ᬬᬦ᭄ᬤᬶᬲᭀᬭᬶᬂᬓᬬᬸ᭞ᬧᬥᬡᬗᬶᬮ᭄ᬩᭂᬤᬓ᭄ᬮᬬᬄ᭞ᬭᬤᬾᬦ᭄ᬫᬦ᭄ᬢ᭄ᬭᬶ᭞ᬍᬲᬸᬢᬹᬃ᭠
ᬳᬶᬤᬓᬲᬢᬦ᭄᭟ᬡᬂᬗᬓ᭄ᬦᬭᬳᬤᬾᬦ᭄ᬢ᭄ᬭ᭄ᬬ᭞ᬫᬗ᭄ᬓᬶᬦ᭄ᬓᭀᬘᬧ᭄ᬤᬸᬓᬸᬄᬇᬲ᭄ᬢ᭄ᬭᬶ᭞ᬭᬾᬧᭀᬢ᭄ᬤᬶᬧᬳᭀᬦ᭄ᬫᬜᬓᬦ᭄᭞ᬭᬳᬤᬾᬦ᭄ᬕᬮᬸᬄᬫᬦᬸᬦᬸᬦ᭄᭞ᬘᬕ᭄ᬘᬕ᭄ᬚᬗᬶᬄ᭞ᬓᭂᬫ᭄ᬧ᭄ᬬᬂᬓᭂ
[᭑᭔14A]
ᬫ᭄ᬧ᭄ᬬᬂ᭞ᬭᬤᬾᬦ᭄ᬫᬦ᭄ᬢ᭄ᬭᬶ᭞ᬓᬧᭂᬧᭂᬗᭂᬫᬫᬶᬋᬗᬂ᭞ᬓᬧᭂᬧᭂᬗᭂᬫᬫᬶᬋᬗᬂ᭟ᬧᬫᬦ᭄ᬧᬢᬶᬄᬢᭀᬤᬶᬗᭂᬳᬂ᭞ᬲ᭄ᬯᬭᬦ᭄ᬘᬕ᭄ᬘᬕ᭄ᬫᬸᬮᬸᬓ᭄ᬫᬦᬶᬲ᭄᭞ᬭᬭᬶᬲ᭄ᬳᬶᬤᬫᬘᬶᬗᬓ᭄᭞ᬓᬦ᭄ᬢᭂᬦ᭄ᬳᬸᬫᬄᬫᬾᬫᬾᬤᬸᬓᬸᬄ᭞ᬭ
ᬤᬾᬦ᭄ᬫᬦ᭄ᬢ᭄ᬭᬶᬫᬗᬦ᭄ᬤᬶᬓᬵ᭞ᬩᬧᬧᬢᬶᬄ᭞ᬓᭂᬫᭂᬓᬾᬫᬗᬶᬤᬶᬄᬢᭀᬬ᭟ᬢᬸᬫᬸᬮᬶᬭᬭᬶᬲ᭄ᬫᬫᬃᬕ᭄ᬕᬵ᭞ᬳᬶᬧᬢᬶᬄᬫᬶᬯᬄᬧᬗᬶᬭᬶᬂ᭞ᬱᬋᬂᬓᬮᬶᬄᬚ᭄ᬯᬫᬫᬃᬕ᭄ᬕᬵ᭞ᬢᬦ᭄ᬓᭀᬘᬧᭂ᭞
ᬲᬵᬫ᭄ᬧᬸᬦ᭄ᬭᬯᬸᬄ᭞ᬫᬦ᭄ᬭᭀᬚᭀᬕ᭄ᬢᬦ᭄ᬧᬯᭂᬓᬲᬦ᭄᭞ᬕᭂᬮᬸᬓ᭄ᬬᬸᬦᬾᬫᬜᬶᬗᬓ᭄᭟ᬦᬾᬫᬦᬸᬦᬸᬦ᭄ᬚᭂᬕᬾᬕ᭄ᬧᬶᬲᬦ᭄᭞ᬩᬚᬂᬘᭂᬦᬶᬓ᭄ᬧᬸᬢᬶᬄᬕᬥᬶᬂ᭞ᬩᭂᬗᭀᬂᬜᭀ
ᬧᬓ᭄ᬫᬓᭂᬤᬤ᭄ᬯᬵ᭞ᬓᭀᬘᬧ᭄ᬳᬶᬤᬭᬤᬾᬦ᭄ᬕᬮᬸᬄ᭞ᬕᭂᬮᬸᬓ᭄ᬬᬸᬦᬾᬫᬜᬶᬗᬓ᭄᭞ᬚ᭠ᬢ᭄ᬫᬧ᭄ᬭᬧ᭄ᬢᬶ᭞ᬲᬕᬾᬢ᭄ᬤᬶᬦᬳᬾᬜᭀᬧᬓ᭄᭟ᬭᬤᬾᬦ᭄ᬕᬮᬸᬄᬫᬗᬦ᭄ᬤᬶᬓ᭞ᬘᬳᬶᬳᬸᬮᬶᬤᬶᬚᭂ᭠
Kaca:Bali-lontar-gaguritan-i-liku-02-300ppi.pdf/14
Kaca puniki sampun kauji-wacén
