[᭑ 1B]
᭑
᭚᭜᭚ᬒᬁᬅᬯᬶᬖ᭄ᬦᬫᬲ᭄ᬢᬸ᭚᭜᭚ᬕᬕᬸᬭᬶᬢᬦ᭄ᬳᬶᬓᭂᬢᬸᬢ᭄ᬩᬕᬸᬲ᭄᭚᭜᭚ᬧᬸᬧᬸᬄᬲᬶᬦᭀᬫ᭄᭚ᬥᬸᬄᬳᬫ᭄ᬧᬸᬭᬳᬸᬕᬶᬢᬶᬢ᭄ᬬᬂ᭞ᬲᬶᬭ᭠ᬲᬂᬲᬸᬥᬶ᭠ᬫᬶ
ᬭᬕᬶ᭞ᬓᬶᬤᬸᬂᬧᬦᬸᬗ᭄ᬓᬸᬮ᭄ᬯᬶᬭᬂ᭞ᬢᭂᬫ᭄ᬩᬂᬲᬶᬦᭀᬫ᭄ᬫᬸᬜᬶᬩᬮᬶ᭞ᬳ᭄ᬦᬸᬲᬢᬶᬗ᭄ᬓᬳᬶᬂᬩᬮᬶ᭞ᬩᬶᬮᬶᬄᬩᬶᬮᬶᬄᬭ᭄ᬯᬢᬶᬂᬳᬬᬸᬂ᭞ᬢᭂᬕᬭᬂᬫᬗ᭄ᬓᬶᬦ᭄ᬢᬸᬧ᭄ᬢᬸᬧᬂ᭞ᬳᬗ᭄ᬳᬶᬂᬫᬸᬮᬯᬾᬦ᭄ᬢᭂ
ᬦ᭄ᬲᬫᬶ᭞ᬲᬵᬫ᭄ᬧᬸᬦ᭄ᬩᭂᬦ᭄ᬥᬸ᭞ᬮ᭄ᬯᬶᬄᬗᭂᬜ᭄ᬚᭂᬓᬶᬦ᭄ᬳᬳᬶᬦ᭄ᬳᬦᬓ᭄᭚ᬧᬸᬃᬯ᭄ᬯᬦᬶᬂᬫ᭠ᬗ᭄ᬓᬷᬦ᭄ᬘᬭᬶᬢ᭞ᬫᬭᬶᬂᬕ᭄ᬭᬶᬬᬓᬮᬾᬃᬓᬗᬶᬦ᭄᭞ᬳᬦᬩ᭄ᬭᬵᬳ᭄ᬫᬡᬓᬸᬮᬋᬓᭀ᭞ᬳ᭠
ᬲᬸᬢᬮᬓᬶᬲᬯᬶᬚᬶ᭞ᬧᬗᬤᬓ᭄ᬳ᭄ᬬᬂᬓᬵᬮᬓᬵᬮᬶ᭞ᬭᬫᬭᬾᬡᬗᬮᬳᬶᬦ᭄ᬮᬫ᭄ᬧᬸᬲ᭄ᬮᬭᬵᬦᬗᬶᬲ᭄ᬓᬮᬭᭀᬦ᭄᭞ᬳᬶᬤᬸᬓᬸᬄᬲᬸᬮᬤ᭄ᬭᬶᬫᬗ᭄ᬕᬶᬄ᭞ᬓᬯᭂ
[᭒ 2A]
ᬮᬲ᭄ᬳ᭄ᬬᬸᬦ᭄᭞ᬫᬦᬸᬤᬸᬓ᭄ᬓᬳᬗ᭄ᬕᭀᬦ᭄ᬧ᭄ᬬᬦᬓ᭄᭚ᬯᭂᬓᬲᬦ᭄ᬲᬵᬫ᭄ᬧᬸᬦ᭄ᬢᬭᬸᬡ᭞ᬳᬶᬓᭂᬢᬸᬢ᭄ᬩᬕᬸᬲ᭄ᬓᬵᬤᬦᬶᬦ᭄᭞ᬲᬤᬷᬦᬗᬗ᭄ᬕᬸᬃᬫᬗᭀᬃᬢ᭞ᬓᭀᬘᬧ᭄ᬯᬾᬦ᭄ᬢᭂ
ᬦ᭄ᬩᬮ᭄ᬬᬦ᭄ᬭᬶᬭᬶᬄ᭞ᬫᬳᬸᬫᬄᬭᬶᬂᬩᬜ᭄ᬚᬃᬓᬗᬶᬦ᭄᭞ᬫᬯᬲ᭄ᬢᬳᬶᬕᭂᬥᬾᬢᬸᬕᬸ᭞ᬓᬲᬸᬩ᭄ᬳᬲ᭄ᬢᬓᭀᬰᬮ᭞ᬲᬮ᭄ᬯᬶᬭᬶᬂᬲᬰ᭄ᬢ᭄ᬭᬦᬾᬧᬶᬗᬶᬢ᭄᭞ᬫᬶᬯᬄᬢᭂᬦᬸᬂ᭞ᬫ
ᬗᬦ᭄ᬢᬶᬢᭂᬓᬾᬂᬉᬱᬥ᭚ᬢᭂᬮᬲ᭄ᬲᬵᬫ᭄ᬧᬸᬦ᭄ᬓᬭᬗ᭄ᬲᬸᬓᬂ᭞ᬧᬸᬦᬧᬶᬓᬶᬤᬸᬂᬓᬓᬯᬶᬦ᭄᭞ᬯᬭᬶᬕᬢᭂᬮᬲ᭄ᬓᬭᬫ᭄ᬩᬂ᭞ᬧᬗᬶᬯᬧᬦᭂᬗᭂᬦ᭄ᬲᬫᬶ᭞ᬲᬢᬸᬃᬢᬸᬃᬲ
ᬰ᭄ᬢ᭄ᬭᬦᬾᬮ᭄ᬯᬶᬄ᭞ᬯᬸᬲ᭄ᬧᬥᬫᬸᬗ᭄ᬕᬸᬳᬶᬂᬢᬦᬸ᭞ᬓᬭᬡᬓᬚᬦᬧ᭄ᬭᬶᬬ᭞ᬗ᭄ᬳᬶᬂᬲᬲᬵᬦ᭄ᬢᬸᬦ᭄ᬦᭀᬭᬓᭂᬚᬶᬮ᭄᭞ᬲᬳᬶᬲᬳᬶ᭞ᬳᬦᬓᬾᬢᭂᬓᬓᬫᬦᭂᬫ᭄ᬩᬄ᭚
Kaca:Bali-lontar-gaguritan-i-ktut-bagus-400ppi.pdf/2
Kaca puniki sampun kauji-wacén
