[᭖᭐ 60B]
᭖᭐
ᬯᬶᬦᬓᬧᬗ᭄ᬤ᭄ᬬᬲᬶᬂᬧ᭄ᬭᬚ᭞ᬬᬦ᭄ᬫᬸᬗ᭄ᬕ᭄ᬯᬶᬂᬢᬺᬡᬓᬹᬱᬭᬓ᭄ᬯᬧᬗᬭᬦ᭄ᬢᬢᬸᬯᬶᬫᬯᬓᬶᬗᬵᬫᬺᬢᬵᬤᬶᬓ᭞ᬩ᭄ᬬᬓ᭄ᬢᬾᬓᬵᬫᬗᬶᬮᬵᬗ᭄ᬳᬓᭂᬦ᭄ᬲᬕᭂᬍᬳᬶᬂᬯᬬᬯᬬᬢᬶᬓᬤᬵᬦᬶᬃᬫ᭄ᬫᬮᬵ᭛᭜᭛
ᬬᬦ᭄ᬭᬶᬂᬧᬸᬱ᭄ᬧᬓᬶᬢᬾᬓᬶᬧᬸᬗ᭄ᬓᬚᬗᬭᬦ᭄ᬦᭂᬓᬵᬉᬢᬵᬫᬾᬂᬲᭂᬓᬃ᭞ᬗ᭄ᬓᬵᬦ᭄ᬭᬓ᭄ᬯᬵᬬᬦᬭᬶᬂᬮᬣᬵᬓᬶᬢᬉᬰᬮ᭄ᬬᬵᬯᬵᬭᬶᬡᬷᬢᬦ᭄ᬯᬦᬾᬄ᭞ᬭᬶᬂᬯᬢ᭄ᬯᬵᬓᬶᬢᬘᬡ᭄ᬥᬰᬶᬮᬦᬶᬫᬯᬓ᭄ᬫᬺᬢ᭄ᬢᬵᬬ
ᬦᬶᬂᬅᬓ᭄ᬱᬭ᭞ᬒᬁᬓᬵᬭᬵᬤᬶᬳᬯᬓ᭄ᬢᬭᬓ᭄ᬯᬧᬶᬦᬓᬵᬭᬢ᭄ᬯᬵᬦᬶᬓᬂᬰᬵᬲ᭄ᬢ᭄ᬭᬯᬦ᭄᭛ᬯ᭄ᬬᬵᬓ᭄ᬢᬶᬦ᭄ᬬᬦ᭄ᬇᬓᬢᬸᬗ᭄ᬕᬢᬸᬗ᭄ᬕᬮᬶᬳᬯᬓ᭄ᬦᬶᬭᬵᬫᬗᬵᬭᬦ᭄ᬧᬶᬢᬸ᭞ᬲᬂᬓ᭄ᬱᬾᬧᬦ᭄ᬕᬢᬶᬦᬶᬂᬧ᭄ᬭᬢᬵᬫᬫ
ᬢᭂᬫᬄᬓᬭ᭄ᬯᬵᬢ᭄ᬭᬶᬧᬜ᭄ᬘᬵᬤᬰ᭞ᬤᬵᬤ᭄ᬬᬵᬦ᭄ᬬᬵᬦ᭄ᬫᬯᬶᬪᬸᬄᬭᬶᬓᬂᬫᬳᬶᬢᬮᬾᬓ᭄ᬬᬵᬢᬶᬂᬲ᭄ᬯᬭᬵᬯ᭄ᬬᬵᬜ᭄ᬚᬦ᭞ᬳᬷᬯᬵᬫᬗ᭄ᬓᬦᬓᭀᬢ᭄ᬢᬫᬦ᭄ᬳᬯᭂᬓᬲᬦ᭄ᬢᬂᬭ᭄ᬯᬵᬫᬢᭃᬫᬄᬳᬶᬮᬂ᭛᭜᭛
[᭖᭑ 61A]
ᬓᬸᬦᬂᬭᬶᬂᬲᬢ᭄ᬯᬵᬲᬶᬗ᭄ᬳᬓᬶᬢᬭᬢᬸᬦᬶᬂᬫᬺᬕ᭄ᬖᬲᬳᬦ᭞ᬭᬶᬗᬹᬮᬵᬯᬵᬲᬹᬓᬷᬓᬶᬢᬲᬸᬓᬶᬦᬶᬓᬂᬭᬵᬢ᭄ᬧ᭄ᬭᬢᬶᬳᬢ᭞ᬭᬶᬓᬂᬓᬵᬕᬵᬯᬀᬦᬵᬣᬢᬦᬬᬢᬸᬯᬵᬦᬶᬂᬫᬗᬮᬬᬂ᭞ᬭᬶᬓᬂᬚᬵ
ᬦᭀᬢ᭄ᬢᬵᬫᬵᬓᬶᬢᬧᬸᬳᬸᬤᬸᬨᬵᬮᬵᬓᬢᬬᬮᬾᬦ᭄᭛ᬓᬸᬦᬂᬭᬶᬂᬥᬃᬫ᭄ᬫᬵᬥᬃᬫ᭄ᬫᬢᬦᬬᬓᬶᬢᬾᬂᬰᬹᬭᬩᬮᬯ᭞ᬩᬮᬵᬯᬦ᭄ᬢᬾᬂᬯᬷᬪ᭄ᬳᬢ᭄ᬱᬢᬸᬯᬶᬯᬶᬦᬸᬯᬸᬲ᭄ᬢᬦ᭄ᬧᬳᬸᬧᬫ᭞ᬬᬦᬵ
ᬦᬾᬂᬓᬺᬢ᭄ᬢᬵᬯᬶᬤ᭄ᬬᬓᬶᬢᬲᬫᬲᬵᬫᬵᬭᬶᬦᬓᬸᬮ᭞ᬲᬸᬭᬹᬧᬵᬓᬶᬢᬾᬂᬢᬦ᭄ᬢᬶᬨᬮᬓᬋᬗᭃᬮᬶᬂᬦᬶᬗᬕᬫ᭛ᬚᬦᬃᬤ᭄ᬥᬵᬦᬵᬓᬶᬢᬾᬂᬧ᭄ᬭᬯᬶᬭᬚᬬᬓᬢ᭄ᬯᬵᬗᬶᬦᬕᬭ᭞ᬓᬸᬦᬂᬧ᭄ᬯᬵᬲᬹᬰᬶ
ᬮᬦ᭄ᬢᬢᬸᬯᬶᬪᬰᬵᬡᬾᬂᬕᬸᬡᬤᬶᬓ᭞ᬬᬬᬵᬢᬷᬓᬷᬢᬵᬦᬾᬂᬥᬦᬢᬸᬯᬶᬲᬸᬩᬵᬥᬾᬂᬩ᭄ᬭᬢᬢᬧ᭞ᬅᬭᭀᬓ᭄ᬳᬵᬦᬾᬯᬷᬰᬵᬬᬓᬶᬢᬭᬸᬫᬯᬓ᭄ᬯᬶᬱ᭄ᬡᬸᬲᬓᬮ᭛ᬚᬬᬵᬚᬬᬾᬂ
Kaca:Bali-lontar-gaguritan-hajap-300ppi.pdf/61
Kaca puniki sampun kauji-wacén
