[᭓᭗ 37B]
᭓᭗
ᬫ᭄ᬧᬩᭀᬓᭀᬃᬫᬓᬓᬮᬶᬄᬫᬗ᭄ᬮᬯᬸᬢ᭄ᬬᬓᬚᭂᬭᭀᬯ᭄ᬯᬦ᭄ᬫᬗᬢᬸᬭᬂᬮᬯᬧ᭄ᬜᬸᬮᬯᬢᬶᬮᬫᬦᬸᬦᬲᬂᬳᬦᬓᬾᬦᬾᬓ᭄ᬢᬸᬤ᭄ᬓᬸᬦᬶᬂᬳᬶᬕᬸᬲ᭄ᬢᬶᬕ᭄ᬥᬾᬦᬲᬯᬸᬃᬫᬦ᭄ᬤᬃᬣᬬᬵᬂᬲᬧᬭᬶᬓᬡ᭄ᬥᬫᬓ᭄ᬚᬂ᭟
ᬳᬶᬫᬥᬸᬲᬭᬫᬧᬫᬶᬢ᭄ᬫᬲᬶᬄᬓᬭᬗ᭄ᬓᬶᬫᬗᬫ᭄ᬩᬄᬜᭀᬗ᭄ᬓᭀᬓ᭄ᬜᬸᬫ᭄ᬩᬄᬮᬦ᭄ᬢᬲ᭄ᬫᬢᬸᬭᬢᬸᬢᬶ᭠ᬢ᭄ᬬᬂᬦᬸᬦᬲ᭄ᬮᬸᬕ᭄ᬭᬵᬕᬸᬲ᭄ᬢᬶᬩᬕᬸᬲ᭄ᬫᬜᬶᬗᬓᬶᬦ᭄ᬳᬾᬮᬶᬂᬢ᭄ᬓᬾᬦᬶᬂᬳᬶᬕᬥᬸᬂᬫᬗᬦ᭄ᬤᬶᬓᬵᬫᬾᬫᬾᬢ᭄ᬓᬵᬳᬸ
ᬮᬶᬤᬶᬚ᭟ᬢᭀᬲᬶᬗ᭄ᬕᬄᬚᬫᬮᬸᬫᬳᬶᬳᬶᬫᬥᬸᬲᬭᬫ᭄ᬦᬾᬓᬦ᭄ᬩᬋᬂᬢ᭄ᬓᬾᬦᬶᬂᬳᬶᬕᬥᬸᬂᬫᬳᬢᬸᬃᬬᬲᬳᬜᬸᬫ᭄ᬩᬄᬢᬶᬢ᭄ᬬᬂᬤᬯᭂᬕ᭄ᬫᬢᬸᬃᬲᬶᬲᬶᬧ᭄ᬭᬶᬂᬧᬮᬶᬗ᭄ᬕᬸᬄᬘᭀᬓᭀᬃᬭᬢᬸᬦᬾᬦ᭄ᬢᭂᬦ᭄ᬧᬶᬲᬦ᭄ᬳᬶᬩᬶᬢᬶᬢ᭄ᬬᬂ
ᬲᬳᬸᬦᬶᬗ᭟ᬓᬗ᭄ᬓᬢ᭄ᬢᬶᬢ᭄ᬬᬂᬚᭂᬤᬕ᭄ᬚᭂᬤᬶᬕ᭄ᬲᭂᬗ᭄ᬕᬸᬄᬢᬶᬢ᭄ᬬᬂᬲᬧᬲᬶᬭᬳᬶᬕᬸᬲ᭄ᬢᬶᬩᬕᬸᬲ᭄ᬫᬲᬳᬸᬃᬫᬸᬮᬓᭀᬢᭀᬩᬱᬦ᭄ᬤᬕᬂᬢᭀᬲᬸᬩᬫᬾᬫᬾᬕᬸᬲ᭄ᬢᬶᬢ᭄ᬯᬭᬲ᭄ᬥᭂᬂᬩᬓᬮ᭄ᬳᬶᬢᬸᬂᬫᬮᬶᬄᬜᬸᬫ᭄ᬩᬄᬳᬶ
[᭓᭘ 38A]
ᬫᬥᬸᬲᬭᬦᬸᬦᬲᬂ᭟ᬘᭀᬓᭀᬃᬭᬢᬸᬲᬧᬸᬦᬧᬶᬫᬦᬯᬶᬭᬳᬢ᭄ᬧᬦᬸᬗ᭄ᬓᬦ᭄ᬤᭀᬦᬶᬂᬓᬮᬶᬦ᭄ᬢᬗᬶᬂᬳᬘᬸᬫ᭄ᬲᬶᬭᬫᬗᬢᬸᬭᬂᬢᬫ᭄ᬩᬵᬩᬗ᭄ᬕᬬᬂᬢᬶᬢ᭄ᬬᬂᬫᬫᬃᬕ᭄ᬕᬶᬬᬤ᭄ᬬᬧᬶᬦ᭄ᬚᬕᬫᬢ᭄ᬦᬸᬂᬫᬯᬘᬓᬦ᭄ᬳ
ᬓᬸᬤᬚᬕᬦ᭄ᬮᬲᬂ᭟ᬲᬸᬓᬢ᭄ᬳᬗᬦ᭄ᬮᬶᬫᬂᬢᬮᬶᬩᬗ᭄ᬕᬬᬂᬢᬶᬢ᭄ᬬᬂᬗ᭄ᬯᬾᬦ᭄ᬢᭂᬦᬂᬳᬶᬕᬸᬲ᭄ᬢᬶᬩᬕᬸᬲ᭄ᬫᬲᬯᬸᬃᬧᬦᬓᬾᬲᬓᬶᬢ᭄ᬧ᭄ᬭᬮᬬᬬᬾᬦ᭄ᬧᬶᬤᬦ᭄ᬢᭀᬩᬓᬮ᭄ᬫᬢᬶᬲᬸᬩᬩᬸᬍᬦ᭄ᬩᬶᬮᬂᬩᬸᬓᬸᬓ᭄ᬦᭂᬄᬲᬯᬢ᭄ᬢ᭄ᬯᬭᬓ
ᬭ᭄ᬯᬜ᭄ᬚᬚᬮᬗᬦ᭄᭟ᬢᭀᬓᬸᬤ᭄ᬬᬂᬩᬓᬮ᭄ᬗᭂᬜ᭄ᬘᬦᬶᬦ᭄ᬤᬚᬫᬾᬫᬾᬯᬘᬓᬦ᭄ᬧᬶᬢᬸᬯᬶᬩᬓᬮᬫᬢ᭄ᬦᬸᬂᬢ᭄ᬓᬾᬦᬶᬂᬩᬮ᭄ᬬᬦ᭄ᬳᬾᬗᬾᬗᬦ᭄ᬫᬲᬫᬫ᭄ᬮᬸᬢᬗ᭄ᬲᬶᬂᬚᬩᬦᬶᬂᬓᬾᬦ᭄ᬳᬢᬸᬳᬬᬸᬦᬸᬦᬲ᭄ᬢᬫ᭄ᬩᬵ
ᬲᬶᬂᬗ᭄ᬤᬳᬤᬧᬧᬮᬭᬦ᭄᭟ᬳᬶᬫᬥᬸᬲᬭᬵᬜᬯᬸᬭᬶᬦ᭄ᬳᬶᬬᬭᬶᬢᬦ᭄ᬯᬾᬦ᭄ᬢᭂᬦ᭄ᬩᬮ᭄ᬬᬦ᭄ᬩᭀᬬᬢᬶᬢ᭄ᬬᬂᬓᬾᬗᬶᬦ᭄ᬲᬶᬕᬸᬕ᭄ᬳᬶᬭᬶᬓᬵᬫᬫᬶᬢᬂᬢᬫ᭄ᬩᬵᬕᬸᬲ᭄ᬢᬶᬩᬕᬸᬲ᭄ᬫᬜᬯᬸᬭᬶᬦ᭄ᬫᬾᬫᬾᬫᬧᬶᬫ
Kaca:Bali-lontar-gaguritan-hajap-300ppi.pdf/38
Kaca puniki sampun kauji-wacén
