[᭑᭒ 12B]
᭑᭒
ᬤ᭄ᬫᬦᬦ᭄ᬥᬂᬳᭂᬮᬶᬄ᭟ᬳᬤᬩᭂᬭᬸᬤ᭄ᬓᭂᬲᭀᬤ᭄ᬗᭂᬮᬸᬃᬓᬲᬄᬓᬲᬄ᭞ᬗᬚᭂᬗ᭄ᬢᬶᬦᬳᭂᬦᬂᬲᬓᬶᬢ᭄᭞ᬳᬤᬦᬾᬦᬾᬍᬗᬃ᭞ᬫᬮᬳᬶᬩ᭄ᬫᬗᬸᬮᬳᬂ᭞ᬩᬓᬢ᭄ᬲᬸᬮ᭄ᬲᬸᬮ᭄ᬲᬸᬯᬶᬜ᭄ᬘᬗᬶᬂ᭞ᬫᬓᬸᬧᬄᬓᬸᬧᬄ᭞ᬍᬗᬭᬾᬩᬸ
ᬓᬓᬶᬄᬓᬶᬄ᭟ᬮᬾᬦ᭄ᬤᬶᬫᬃᬕ᭄ᬕᬦᬾᬓᭂᬍᬢ᭄ᬲᬾᬧᬦ᭄ᬫᬳᬶᬫ᭄ᬧᬲ᭄᭞ᬲᭂᬮᬾᬂᬲᭀᬦ᭄ᬤᭀᬮ᭄ᬫᬮᬳᬶᬩ᭄᭞ᬯᬢᬭᬲᬶᬬᬸᬯᬦ᭄᭞ᬢᬸᬫ᭄ᬩᬓᬾᬧᬓᭀᬭᬾᬢᬓ᭄᭞ᬫᬮᬳᬶᬩ᭄ᬲᭂᬮᬾᬂᬮᬗ᭄ᬓᬸᬗᬶᬦ᭄᭞ᬳᬤᬓᬩ
ᬩᬃ᭞ᬳᭂᬩᬄᬓᬤᬸᬂᬓᬢᬶᬦ᭄ᬤᬶᬄ᭟ᬫᬗᭀᬭᬾᬚᬢ᭄ᬩᬗᬸᬦ᭄ᬩᬯᬸᬫᬭᬦ᭄ᬤᭀᬗ᭞ᬩᬸᬯᬶᬦ᭄ᬳᬤᬗᭂᬜ᭄ᬚᭂᬓᬶᬦ᭄᭞ᬤᬤᬶᬧᬢᬸᬳᬸᬢᬦ᭄᭞ᬩᬸᬯᬶᬦ᭄ᬩᬗᬸᬦ᭄ᬫᬕᬾᬩ᭄ᬭᬲ᭄᭞ᬫᬮᬶᬄᬳᬤᬫᬗᭂᬲᭀᬲᬶᬦ᭄᭞ᬗᬗ᭄ᬲᭂᬄᬫᬓ
ᬳᬤ᭄᭞ᬲᬤ᭄ᬬᬫᬩᬳᬦ᭄ᬜᬫ᭄ᬧᬶᬂ᭟ᬩᬗᬸᬦ᭄ᬫᬢᭂᬕ᭄ᬢᭂᬕᬦ᭄ᬲᬓᬶᬂᬦᬳᬂᬳᬯᬓ᭄᭞ᬩᬳᬦᬾᬤᬤᬶᬢᬶᬢᬶ᭞ᬩᬗᬸᬦ᭄ᬧᬢᭂᬮᬦᬦ᭄᭞ᬳᬜ᭄ᬚᭂᬓᬜ᭄ᬚᭂᬓ᭄ᬫᬚᬮᬦ᭄᭞ᬳᬤᬩ᭄ᬭᬬᬜᬗᭀᬮᬲᬶᬦ᭄᭞ᬮᬯᬸᬢ᭄ᬫ
[᭑᭓ 13A]
ᬤᬡ᭄ᬥᬦ᭄᭞ᬗᬾᬗ᭄ᬕᬮᬂᬳᬶᬮᬶᬳᭀᬮᬶᬄ᭟ᬩᬶᬮᬂᬳᬢᬶᬦ᭄ᬤᬓᬦ᭄ᬲᬓᬶᬢ᭄ᬫᬓᭂᬜᭂᬤᬦ᭄᭞ᬫᬸᬜᬶᬦᬾᬫᬗᬸᬮᬶᬫᬶᬤ᭄᭞ᬲᬫ᭄ᬩᬶᬮ᭄ᬫᬲᭂᬮ᭄ᬲᭂᬮᬦ᭄᭞ᬢ᭄ᬯᬭᬓᬗᭂᬮᬄᬫᬢ᭞ᬓᬾᬯᬮᬩᬾᬓᬾᬦ᭄ᬫᬦ᭄ᬤᭂᬮᬶᬓ᭄᭞ᬢ᭄ᬯᬭᬫ
ᬮᬶᬬᬢ᭄᭞ᬩ᭄ᬭᬬᬳᭂᬩᬄᬳᭂᬜ᭄ᬚᭂᬓᬶᬦ᭄᭟ᬗᬸᬮᬄᬫᬓᬳᬤ᭄ᬩᬳᬦ᭄ᬳᬶᬩᬦᬾᬩᬸᬢ᭞ᬫᭂᬮᬄᬦᬶᬢ᭄ᬳᬶᬩᬓᬳᬶ᭞ᬓᬾᬦᬾᬫᬦᬳᬦᬂ᭞ᬲᬓᬶᬢᬾᬫᬓᬳᬯᬓ᭄᭞ᬩᬢᬶᬲ᭄ᬓᬾᬲᭀᬤ᭄ᬮᬶᬫᬳᭂᬮᬶᬄ᭞ᬓᬓᬶᬦ᭄ᬩᬵᬗᭀ
ᬕ᭞ᬳᭀᬮᬲ᭄ᬗᭂᬜ᭄ᬚᭂᬓᬶᬦ᭄ᬓᬳᬶ᭟ᬦᬾᬫᬤᬡ᭄ᬥᬦ᭄ᬩᭂᬮᬶᬏᬗ᭄ᬕᬮᬂᬫᬚᬮᬦ᭄᭞ᬳᭂᬜᬾᬦ᭄ᬲᬶᬧᬢᬶᬗᭂᬢᬶᬦ᭄᭞ᬳᬦᬓ᭄ᬓᬢᬢᬸᬭᬕ᭄᭞ᬳᭂᬜᬾᬦ᭄ᬢᬾᬓᬲᬮᬳᬂ᭞ᬫᬓᭂᬚᬂᬧᬥᬫᬩᬸᬤ᭄ᬥᬶ᭞ᬳᬸᬢᬸᬄᬫᬓᬳᬤ᭄᭞ᬮᬶᬬᬸᬦ
ᬦ᭄ᬢᬓᬸᬢ᭄ᬫᬢᬶ᭟ᬗᬗ᭄ᬲᭂᬳᬂᬗᬢᬾᬚᭀᬃᬩᬓᬮ᭄ᬗ᭄ᬮᬶᬯᬢ᭄ᬢᬸᬓᬤ᭄᭞ᬢᭂᬓᭂᬤ᭄ᬤᬯᬸᬄᬬᬾᬄᬲᬗᬶ᭞ᬫᬭᬾᬭᬾᬦ᭄ᬫᬦᭂᬕᬓ᭄᭞ᬲᬶᬬᬄᬲᬶᬬᬄᬦᬳᬦᬂ᭞ᬫᬓᬶᬜᭂᬤᬦ᭄ᬫᬗᬚᭂᬗᬶᬢ᭄᭞ᬧᭂᬲᬸᬬᬾᬄᬫᬢ᭞ᬫᬢᬶᬧᬶ
Kaca:Bali-lontar-gaguritan-gusti-made-agung-300ppi.pdf/13
Kaca puniki sampun kauji-wacén
